Ամաչում եմ, որ Միացյալ Թագավորությունը մինչեւ օրս չի ճանաչել Հայոց ցեղասպանությունը. Բարոնուհի Քերոլայն Քոքս
Մեծ Բրիտանիայի եւ Հյուսիսային Իռլանդիայի Միացյալ Թագավորության լորդերի պալատի անդամ, բարոնուհի Քերոլայն Քոքսը կոչ է արել Մեծ Բրիտանիային ճանաչելու Հայոց ցեղասպանությունը:
«Առաջին ուղերձս շնորհակալության եւ երախտագիտության խոսք է հայ ժողովրդին, որը ողջ աշխարհի համար մշտապես եղել է ազատության առաջամարտիկ»,- նշել է Քերոլայն Քոքսը:
Նրա խոսքով՝ հայերը շարունակել են հանձնառու լինել համամարդկային արժեքների պահպանությանը՝ ի հեճուկս մեծ զոհաբերության եւ կրած հսկայական տառապանքների, ապրելով հարեւանների կողքին, ովքեր չունեն հարգանք մարդու իրավունքների եւ ժողովրդավարության հանդեպ: «Դուք նման եք լույսի փարոսի՝ աշխարհի շատ մութ հատվածում»,- նշել է նա:
Բարոնուհու երկրորդ ուղերձը զայրույթի մասին է: «Միջազգային հանրությունը շարունակում է անպատիժ թողնել Թուրքիային եւ Ադրբեջանին, որոնք շարունակում են ոտնահարել մարդու իրավունքները, կազմակերպում են կոտորածներ»,- հայտարարել է նա:
Քոքսը խոսել է երեք ցեղասպանությունների մասին՝ նշելով, որ առաջինը տեղի ունեցավ 1915 թվականին Օսմանյան կայսրությունում, իսկ մյուս երկուսն իրականացվեց Արցախի դեմ՝ 1990-1994 թվականներին եւ 2020 թվականի վերջին պատերազմի ժամանակ: «Վերջին պատերազմը լի էր պատերազմական հանցագործություններով: «Genocide Watch» անկախ միջազգային կազմակերպությունը բնորոշեց վերջին պատերազմը որպես ցեղասպանություն»,- նշել է նա՝ ընդգծելով, որ մինչ բոլորը ոգեկոչում են Հայոց ցեղասպանության հիշատակը, աշխարհում մինչեւ օրս շարունակում են նոր ցեղասպանություններ իրականացվել: «Ես կրկին ու կրկին կոչ եմ անում Միացյալ Թագավորության կառավարությանը՝ ճանաչելու Ցեղասպանությունը: Ես ամաչում եմ, որ այն մինչ օրս տեղի չի ունեցել»,- ընդգծել է բարոնուհին:
Նա գոհունակությամբ է փաստել, որ Միացյալ Թագավորության մաս կազմող Ուելսն արդեն իսկ ճանաչել է Հայոց ցեղասպանությունը: Ավելին, Ուելսի մայրաքաղաք Քարդիֆում տեղադրված է Հայոց ցեղասպանության զոհերի հիշատակին նվիրված հուշարձան:
«Իմ երրորդ ուղերձը սիրո եւ մտերմության մասին է: Ես պատիվ եմ ունեցել 85 անգամ այցելել ձեր երկիր: Այս այցելություններից շատերը տեղի են ունեցել Արցախյան նախորդ պատերազմի ժամանակ: Գործընկերոջս՝ Դեյվիդ Թոմասի հետ այցելեցի նաեւ վերջին պատերազմի ժամանակ: Մենք մշտապես հետ ենք վերադառնում՝ հիացած ձեր ժողովրդով, ձեր քաջությամբ, ձեր հյուրընկալությամբ, մշակույթով, ժողովրդավարության հանդեպ ձեր հանձնառությամբ: Դժվար է մտաբերել համեմատական նույն չափն ունեցող մեկ այլ երկիր, որը նմանօրինակ ներդրում է բերել համամարդկային քաղաքակրթության մեջ արվեստի, մշակույթի, կրթության եւ այլ ոլորտներում: Խոստանում եմ, որ մենք մշտապես կլինենք ձեր կողքին: Կանենք հնարավոր ամեն բան՝ հասնելու արդարության, որին արժանի եք»,- եզրափակել է բարոնուհի Քերոլայն Քոքսը:
News.am
ПОСЛЕДНИЕ ОТ АВТОРА
-
2025-04-18 05:54
Посол Азербайджана при Святом Престоле был удостоен награды за исключительные заслуги перед Церковью и обществом, несмотря на репрессии против христиан в его стране, пишет Life Site.
-
2025-04-18 05:46
Универсальные права человека не ограничены территорией, временем и юрисдикцией. Об этом заявил специалист по международному праву Ара КАЗАРЯН в беседе с Sputnik Армения, комментируя заявление министра иностранных дел Армении Арарата Мирзояна, прозвучавшее в парламенте.
-
2025-04-18 05:41
Французское издание FIGARO опубликовало довольно резкое заявление известных французских адвокатов, председателей палат адвокатов, правозащитников, призывающих не оставлять Азербайджан безнаказанным за грубейшие нарушения фундаментальных прав человека. News.am представляет письмо-призыв в переводе с некоторыми сокращениями:
-
2025-04-17 19:48
Чем ближе мы будем подходить ко дню выборов (неважно, внеочередных или очередных), тем богаче станет внутриполитический дискурс в Армении: все громче будет звучать вопрос – «кто привел Никола Пашиняна к власти?». Кто-то будет оправдывать, а народ будет делать из этого выводы. Пашинян же, со своей стороны под давлением обстоятельств будет все более и более откровенным.