2021-04-27 18:32
Информагентства
Մոսկվայում բացվել է Կարո Հալաբյանին նվիրված հուշարձանը
Մոսկվայում այսօր՝ ապրիլի 27-ին բացվել է ԽՍՀՄ Ճարտարապետների միության հիմնադիր, ԽՍՀՄ Ճարտարապետության ակադեմիայի փոխնախագահ, Մոսկվա քաղաքի գլխավոր ճարտարապետ Կարո Հալաբյանին նվիրված հուշարձանը:
Այն նվեր է ՌԴ-ում ՀՀ դեսպանատնից: Հուշարձանը տեղադրվել է Մոսկվայի կառավարության աջակցությամբ:
Ելույթ ունենալով միջոցառաման ժամանակ՝ ՌԴ-ում ՀՀ դեսպան Վարդան Տողանյանը նշել է, որ հուշարձանի բացումը տեղի է ունենում Կարո Հալաբյանի ծննդյան 125-ամյակի նախաշեմին, որը կնշվի հաջորդ տարի: «Կարո Հալաբյանի բրոնզե հուշարձանը ոչ միայն նվիրված է ճարտարապետի ժառանգությանը, այլ նաև արտացոլում է մեր ժողովուրդների սերտ կապը»,-ասել է Տողանյանը՝ շնորհակալություն հայտնելով Մոսկվայի իշխանությանը բազմակողմ աջակցության համար:
Նա հիշեցրել է, որ Հալաբյանի ժառանգությունը կարելի է տեսնել ոչ միայն Մոսկվայում և ՌԴ այլ քաղաքներում, այլ նաև Հայաստանում՝ Երևանում, որտեղ նաև նրա պատվին փողոց է անվանվել:
Հուշարձանի բացմանը ելույթ են ունեցել նաև Մոսկվայի կառավարության նախարարը, արտաքին տնտեսական և միջազգային կապերի դեպարտամենտի ղեկավար Սերգեյ Չերեմինը, Սոկոլ շրջանի ղեկավար Ալեքսեյ Բորիսենկոն, ճարտարապետի ծոռ Գեորգի Մելքոնյանը:
Հուշարձանի հեղինակը հայտնի քանդակագործ Գեորգի Ֆրանգուլյանն է, ճարտարապետներն են Աշոտ Թադևոսյանը, Անդրեյ Ֆրանգուլյանը և Կարինա Դանիելյանը: Կոմպոզիցիան կազմված է 3 մետր բարձրությամբ Հալաբյանի բրոնզե ֆիգուրից, որը ձեռքում պահում է գծագրերը, որոնց վրա պատկերված է Ռուսական բանակի թատրոնի նախագիծը: Հուշարձանը պատրաստված է կարմիր գրանիտից, որը գույնով հիշեցնում է հայկական տուֆը, տեղեկացնում է News.am-ը:
ПОСЛЕДНИЕ ОТ АВТОРА
-
2025-06-16 19:58Иранские власти сообщили о задержании еще более 30 лиц, связанных с израильской разведкой.
-
2025-06-16 19:55Армия обороны Израиля выпустила «срочное предупреждение» для жителей третьего округа Тегерана.
-
2025-06-16 19:52Итальянская корпорация Leonardo и турецкий производитель беспилотников создадут совместное предприятие для разработки беспилотных технологий. О запуске проекта было заявлено на Международном парижском авиасалоне в Ле-Бурже.
-
2025-06-16 19:51Иранские власти сообщили об «историческом ударе по израильской шпионской сети»: в стране был повешен человек, обвинённый в передаче секретной информации Моссаду, передают телеграм-каналы.