2021-04-28 20:00
Информагентства
Պայմանավորվածությունն ուժի մեջ է. Ավինյանը՝ 1 մլն դեղաչափ Sputnik V ստանալու մասին
Ռուսաստանից Sputnik V-ի 1 մլն դեղաչափ ձեռք բերելու պայմանավորվածությունն ուժի մեջ է: «Արմենպրես»-ի հաղորդմամբ՝ այս մասին ասաց ՀՀ փոխվարչապետի պաշտոնակատար Տիգրան Ավինյանը՝ AstraZeneca-ով պատվաստվելուց հետո լրագրողների հետ զրույցում անդրադառնալով հարցին, թե արդյոք ուժի մեջ է ՀՀ վարչապետ Նիկոլ Փաշինյանի և ՌԴ նախագահի Վլադիմիր Պուտինի միջև՝ Ռուսաստանից 1 մլն դեղաչափ ստանալու պայմանավորվածությունը:
«Այո, այդ պայմանավորվածությունն ուժի մեջ է: Եվ որոշակի գործընթացներ տեղի են ունենում: Մենք բոլոր հնարավոր պատուհաններն օգտագործելու ենք և ֆինանսական միջոցները հատկացնելու ենք, որպեսզի ապահովենք լուրջ խմբաքանակ՝ այս տարվա պատվաստումների համար»,-ասաց Ավինյանը:
Պետությունը դիտարկում է բոլոր այն պատվաստանյութերը, որոնք Հայաստանում հաստատված են:
Առողջապահության նախարարի պաշտոնակատար Անահիտ Ավանեսյանն էլ հիշեցրեց, որ 2 օր առաջ ստացվել է Sputnik V-ի երկրորդ խմբաքանակը՝14 հազար հոգու համար: «Հաջորդիվ կունենանք խմբաքանակների ներմուծումը՝ ինչպես ՀՀ վարչապետի և ՌԴ նախագահի միջև կայացված համաձայնությունը եղել»,-նշեց նա՝ հավելելով, որ ամբողջը միանգամից չի ստացվի, բոլոր երկրներն էլ ստանում են հատվածական:
Անդրադառնալով Հայաստանում Sputnik V-ի համատեղ արտադրություն սկսելու մասին «Արմենպրես»-ի հարցին՝ Ավինյանն ասաց, որ հնարավորությունները պետք է դեռևս հետազոտել: «Ենթադրում եմ, որ Մոլեկուլային կենսաբանության մեր ինստիտուտում է դա հնարավոր կազմակերպել: Ռուս գործընկերների հետ մի փոքր ավելի մանրամասն պետք է հասկանալ, թե ինչ չափով, որ կոմպոնենտներով հնարավոր կլինի այդ արտադրությունը կազմակերպել այստեղ»,-նշեց նա:
ПОСЛЕДНИЕ ОТ АВТОРА
-
New2025-06-17 14:59Научный журнал Музея-института Геноцида армян вошел в международную сеть Scopus. Об этом заявила министр образования, науки, культуры и спорта Армении Жанна Андреасян.
-
New2025-06-17 14:56Основная причина скопления армянских грузовиков на КПП "Верхний Ларс" – сбои в работе рентгеновских аппаратов на российской стороне. Об этом Sputnik Армения сообщил глава регулирующего отдела экспедиторской компании "Спайка" Карен Агдалян.
-
New2025-06-17 14:53Из Ирана через Армению были эвакуированы 110 граждан Индии, в том числе студенты. Об этом сообщила Sputnik Армения пресс-секретарь МИД Ани Бадалян.
-
New2025-06-17 14:50«В этот переходный период изменения мирового порядка действуют только "законы джунглей", и пока в мире не установятся новые правила игры, кровопролитные войны по принципу "боев без правил" будут продолжаться с более широким размахом», – написал на своей странице в соцсети Facebook секретарь оппозиционной фракции «Честь имею» Национального Собрания Армении Тигран Абрамян.