Последние новости
2021-04-29 11:13

Ապրիլի 29-30-ը Կազանում տեղի կունենա Եվրասիական միջկառավարական խորհրդի նիստ

0
Telegram

Ապրիլի 29-30-ը Կազանում տեղի կունենա Եվրասիական միջկառավարական խորհրդի դեմ առ դեմ ձևաչափով նիստ` ԵԱՏՄ երկրների, ԵԱՏՄ-ին կից դիտորդ պետությունների՝ Մոլդովայի, Կուբայի և Ուզբեկստանի կառավարությունների ղեկավարների, Եվրասիական տնտեսական հանձնաժողովի կոլեգիայի նախագահի մասնակցությամբ:

ԵԱՏՄ պետությունների կառավարությունների ղեկավարները կքննարկեն «Եվրասիական տնտեսական միության անդամ պետությունների ինտեգրված համակարգի` տիեզերական և աշխարհատեղեկատվական ապրանքների և ծառայությունների արտադրության և տրամադրման միջպետական ծրագրի իրականացումը`հիմնված Երկրի հեռավար տվյալների ազգային աղբյուրների վրա» և տիեզերական ծառայությունների ոլորտում Միության երկրների համագործակցության հեռանկարները, Բելառուսի Հանրապետության կողմից Միության ներքին շուկան մանրածախ առևտրի ոլորտում գործարկելու պարտավորությունների կատարման մասին ԵՏՀ Կոլեգիայի Խորհրդի 2021 թ. մարտի 1-ի թիվ 24 որոշումը չեղյալ հայտարարելու հնարավորությունը:

Միջկառավարական խորհուրդը կքննարկի էլեկտրոնային առևտրի զարգացման վերաբերյալ զեկույցը:

Օրակարգում է որոշակի տեսակի զգայուն ապրանքների արտահանումը կարգավորելու միջոցառումների միավորման հարցը, ԵԱՏՄ գյուղատնտեսական ապրանքների շուկան վտանգավոր բուսական վիրուսներից պաշտպանելու միջոցառումները, Ղազախստանում արտադրվող և ԵԱՏՄ այլ երկրներ տեղափոխվելու համար նախատեսված ապրանքների սերիական արտադրության սերտիֆիկատի կիրառման ժամկետների երկարացումը:

Նախատեսվում է հաստատել Եվրասիական տնտեսական միության շրջանակներում արդյունաբերական համագործակցության հիմնական ուղղությունները մինչև 2025 թվականը, տեղեկացնում է News.am-ը:

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ