2021-05-03 14:58
Информагентства
ՀԺՄ․ Ազատ խոսքի դեմ ուղղված ոտնձգություններն իրենց նպատակին չեն հասնում
Հայաստանի ժուռնալիստների միությունը շնորհավորական ուղերձ է հղել Մամուլի ազատության համաշխարհային օրվա առթիվ, տեղեկացնում է News.am-ը։ Ուղերձում ասված է․
«Մայիսի 3-ը նշվում է՝ որպես Մամուլի ազատության համաշխարհային օր։
Հայաստանում անկախ լրատվամիջոցների ու ազատ մամուլի ինստիտուտի կայացման ճանապարհը եղել է բարդ ու հակասական, ուղեկցվել է մամուլի դեմ ամենատարբեր ոտնձգություններով։ Այդուհանդերձ, անկախ բոլոր թերություններից ու դժվարություններից, այսօր Հայաստանն ունի ազատ մամուլ, որի անկախությունը, սակայն, վտանգված է առավել, քան երբևէ։
Մամուլը՝ որպես չորրորդ իշխանություն, կայացած ժողովրդավարություններում կատարում է իշխանությանը վերահսկողի ու հակակշռողի կարևորագույն գործառույթ։ Այդպիսի դեր ունի նաև հայկական մամուլը, ինչը, սակայն, գործող իշխանությունների կողմից ընկալվում է ոչ թե՝ որպես ժողովրդավարության անհրաժեշտ ու կարևոր բաղադրիչ, այլ՝ որպես սեփական իշխանությանն ուղղված մարտահրավեր։ Դրանով է պայմանավորված ազատ մամուլի դեմ իշխանությունների անհանդուրժողականությունը, լրատվամիջոցները յուրայինների և օտարների տարանջատելու անթույլատրելի գործելաոճը։
Ի պատիվ հայկական մամուլի ներկայացուցիչների, ազատ խոսքի դեմ ուղղված ոտնձգություններն իրենց նպատակին չեն հասնում, և իրեն ուղղված հարվածներից մամուլը ոչ թե թուլանում, այլ ավելի ուժեղ է դառնում։
Հայաստանի ժուռնալիստների միությունը շնորհավորում է բոլոր լրագրողներին, լրատվամիջոցների բոլոր աշխատակիցներին՝ Մամուլի ազատության համաշխարհային օրվա կապակցությամբ՝ մաղթելով անխոչընդոտ աշխատանք և ստեղծագործական հաջողություններ։
Ժուռնալիստների միությունը հանձնառու է բոլոր լրատվամիջոցների ու լրագրողների շահերի պաշտպանության իր առաքելությանը և այսուհետ ևս անելու է առավելագույնը՝ լրագրողների իրավունքների պաշտպանության և ազատ մամուլի կայացման նպատակով։
Շնորհավոր Մամուլի ազատության համաշխարհային օրը»։
ПОСЛЕДНИЕ ОТ АВТОРА
-
New2025-07-23 05:56Посольство США в Армении напоминает, что продолжительность пребывания в США определяется сотрудником Таможенно-пограничной службы при въезде в страну.
-
New2025-07-23 05:54Арестованный архиепископ Баграт Галстанян выступил с заявлением.
-
New2025-07-23 05:50Бизнесмен Гагик Царукян заявил о намерении обратиться в Европейский суд по правам человека (ЕСПЧ).
-
New2025-07-23 05:40Региональный центр демократии и безопасности опубликовал новый доклад «Разделяющие нарративы: язык вражды против беженцев из Арцаха со стороны приближённых к власти кругов».