2021-05-04 09:03
Информагентства
Դավիթ Բաբայան․ Ադրբեջանը մշակութային ցեղասպանություն է իրականացնում
Այն, ինչ տեղի է ունենում Շուշիում, ոչ այլ ինչ է, քան մշակութային ցեղասպանություն, մշակութային ահաբեկչություն և մշակութային նացիզմ: Այս մասին հայտարարեց Արցախի արտգործնախարար Դավիթ Բաբայանը՝ News.am-ի խնդրանքով մեկնաբանելով ադրբեջանցիների կողմից Շուշիի Ղազանչեցոց տաճարի գմբեթները ավերելը։
«Ադրբեջանի իշխանությունները փաստացի այս կերպ փորձում են շատ շոշափելի հարված հասցնել և հասցնում են մեր պատմական հիշողությանը, մեր հպարտությանը: Բայց մենք պետք է դիմանանք հարվածին և կդիմանանք դրան, որքան էլ դա ծանր ու զզվելի լինի: Պետք է հասկանալ, որ այն, ինչ այժմ կատարվում է Ղազանչեցոցում, կարող է մարտավարական նպատակներ ունենալ: Քանի որ Ադրբեջանն, ըստ էության, ոտնձգություն կատարելով Ղազանչեցոցի դեմ, ոչնչացնելով հրեշտակներին ու խաչերը, հետապնդում է որոշակի նպատակներ: Իմանալով Ադրբեջանը, երկար ժամանակ ուսումնասիրելով այս երկիրը, կարող ենք ասել, որ բացի նացիզմի, ահաբեկչության և ցեղասպանության տարրերից, կա նաև տակտիկական գործոն: Նա հատուկ է դրա վրա ուշադրություն հրավիրում՝ մի քանի նպատակ հետապնդելով: Առաջինը, ինչպես ասացի, հարված հասցնել մեր ինքնությանը, մեր հպարտությանը, հիշողությանը, ինքնասիրությանը: Երկրորդը՝ իր համար այս կերպ ճանապարհ հարթելն է՝ շեղելով մեր ուշադրությունը նրանից, ինչ նա այժմ անում է գրավյալ տարածքներում: Իսկ գրավյալ տարածքներում ոչնչացվում է Արցախի ողջ մշակութային պատմական ժառանգությունը: Ղազանչեցոցի դեմ ոտնձգության շուրջ աղմուկը փորձում է ուշադրությունը շեղել այլ ստոր արարքներից, բարբարոսությունից և վանդալիզմից:
Բացի այդ, բացառված չէ, որ այս կերպ նրանք փորձում են ուշադրությունը շեղել մարդասիրական խնդիրներից, ռազմագերիների, պատանդների և այլ խնդիրներից: Մենք որոշակի մտավախություններ ունենք, որ նրանք այնտեղ օրգանների վաճառքով են զբաղվում:
Մենք մեր դիրքորոշումն ու մտահոգությունները հասցրել ենք շատ շրջանակների: Միգուցե Ադրբեջանում զգացել են, որ իրենց հանցագործությունները կարող են հետաքննության առարկա դառնալ, և որոշել են իրենք հարձակման գնալ՝ ուշադրությունը շեղելու և Ղազանչեցոցի վրա կենտրոնանալու համար: Այս պահվածքը բնորոշ է շատ հանցագործների: Հասկանալով, թե ինչ ազդեցություն կունենա, նրանք գնում են դրան: Նրանք ծաղրում են միջազգային իրավունքը, միջազգային հանրությանը և «լուծում են» իրենց հարցերը:
Մենք պետք է գիտակցենք, որ մեր բոլոր հաղթանակներն ու պարտությունները մեզանից են կախված:
Իսկ նրանց ուզում եմ հիշեցնել, որ նա, ով քանդում է Աստծո տունը, երբեք անպատիժ չի մնա: Բայց դա արդեն այլ պատմություն է»,- եզրափակեց Դավիթ Բաբայանը:
ПОСЛЕДНИЕ ОТ АВТОРА
-
New2025-07-18 14:14Организация "Международная христианская солидарность" (Christian Solidarity International, CSI) присоединилась к другим защитникам религиозных свобод, призвав правительство Армении прекратить гонения на Армянскую церковь. В заявлении организации и отдельные лица выражают "серьёзную обеспокоенность в связи с активизацией кампании правительства Армении против Армянской Апостольской церкви и её сторонников". Среди подписавших заявление - НПО "Коптская солидарность" и "SOS Chretiens d'Orient".
-
New2025-07-18 14:09Соединенные Штаты поддерживают усилия по содействию миру и стабильности на Южном Кавказе и следят за развитием событий на местах.
-
New2025-07-18 14:06Благотворительный фонд «Ташир» подал иск в Административный суд против мэрии города Ереван.
-
New2025-07-18 14:00Комиссия по регулированию общественных услуг получила жалобу правительства по "Электрическим сетям Армении" и уже рассматривает ее. Об этом сообщили Sputnik Армения в комиссии.