2021-05-05 19:18
Информагентства
Փաշինյան․ Սարգսյանն ու Քոչարյանը գենետիկորեն վախ են ներարկել ազգի մեջ պատերազմի նկատմամբ
Հայաստանի նախկին նախագահներ Սերժ Սարգսյանն ու Ռոբերտ Քոչարյանը գենետիկորեն վախ են ներարկել ազգի մեջ պատերազմի նկատմամբ և զուգահեռ չեն պատրաստվել պատերազմի։ Այս մասին Ազգային ժողովի ամբիոնից հայտարարեց ՀՀ վարչապետի պաշտոնակատար Նիկոլ Փաշինյանը։
ԲՀԿ–ական Տիգրան Ուրիխանյանը հարց էր ուղղել վարչապետին` խնդրելով նրան մեկնաբանել Սերժ Սարգսյանի հետ Փաշինյանի հեռակա բանավեճը ԼՂ բանակցային գործընթացի մասին։
«Սարգսյանն ասում է` դուք իրարարամերժ հայտարարություններով տապալել եք ԼՂ բանակցային գործընթացը, դուք ասում եք` հակառակն է, Սարգսյանը պատրաստ էր հանձնել յոթ շրջանները»,– ներկայացրեց հարցը Ուրիխանյանը։
Փաշինյանը պատասխանեց, որ իրեն դավաճան անվանողները պետք է մեղադրանքը հիմնավորեն։ Վարչապետի պաշտոնակատարի խոսքով` դավաճան, հողատու ու կապիտուլյանտ նախկին իշխանություններն են եղել և շարունակում են մնալ։
«Ռոբերտ Քոչարյան, Սերժ Սարգսյան, դուք դավաճան եք, հողատու եք, կապիտուլյանտ եք։ Եվ մենք պայքարել ենք ձեր դավաճանության, ձեր հողատու լինելու, ձեր կապիտուլյանտ լինելու դեմ, բայց դուք անգամ պատերազմի ժամանակ եք շարունակել ձեր դավաճանությունը։ Դեպքեր գիտենք, որ գեներալներին ասել են` ինչու եք թուրքի դեմ կռվում, ձեր թշնամին այստեղ է»,– ասաց Փաշինյանը։
Նա վստահեցրեց, որ Քոչարյանն ու Սարգսյանը պատասխան են տալու իրենց արարքների համար։
«Դուք ձեր Բադեն–Բադենների համար ծախեցիք Ղարաբաղը։ 1998-ին Ղարաբաղը դուրս շպրտվեց բանակցային գործընթացից, 2016-ին Սարգսյանը ասում էր, որ պատրաստ էր յոթ շրջանները հանձնել, ինչպես նաև Ղարաբաղի կեսը։ Չարեց, որովհետև Ադրբեջանը չէր համաձայնում», – ասաց Փաշինյանը։
Նրա խոսքով` Շուշիի հարցը վաղուց է եղել շահարկման առարկա, ինչպես նաև ԽՍՀՄ մարդահամարի ժամանակ ԼՂ–ում գրանցված 40 հազար ադրբեջանցիների վերադարձի հարցը նախկին ԼՂԻՄ տարածք։
«Մեր իշխանության համար ամենավատ բանակցությունները ավելի լավ են, քան ամենալավ պատերազմը։ Իսկ նրանք ի՞նչ են արել։ Սերժ Սարգսյանն ու Ռոբերտ Քոչարյանը գենետիկորեն վախ են ներարկել ազգի մեջ պատերազմի նկատմամբ և զուգահեռ չեն պատրաստվել պատերազմի, մեր զինվորները 2016-ին կռվել են 80–ականների զենքերով»,– ասաց նա։
Նրա խոսքով` այս իշխանությունը կկարողանար պատերազմից խուսափել միայն այն դեպքում, որ համաձայներ Ադրբեջանին հանձնել ոչ միայն յոթ շրջանը և ԼՂ կեսը, այլև ամբողջ ԼՂ–ն և գուցե` մի բան էլ ավելին, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-04-29 19:45На складе в провинции Исфахан в Иране произошел взрыв, сообщает Mehr.
-
New2025-04-29 19:44Проект «Север-Юг» продолжает подвергаться атакам с разных сторон. В Армении этот проект, можно сказать, откровенно саботировался еще до событий 2018 года, превратившись в один из самых коррупционных (если не самый коррупционный) долгостроев страны. И вот, по проекту нанесен очередной удар.
-
New2025-04-29 18:43В рамках дела о смерти армянского пограничника задержан его сослуживец. Об этом Sputnik Армения сообщила пресс-секретарь Следственного комитета Кима Авдалян.
-
New2025-04-29 18:41В рамках уголовного производства, инициированного в Антикоррупционном комитете Армении по соответствующим статьям Уголовного кодекса РА по фактам дачи, получения взятки, в Шенгавитской резиденции Уголовного суда первой инстанции общей юрисдикции города Ереван 29 апреля 2025 года было осуществлено доказательственное действие с участием представителя судебной власти республики. Об этом на запрос Новости Армении – NEWS.am сообщили в Антикоррупционном комитете.