2021-05-07 14:28
Информагентства
ԱԱԾ պահեստազորի սպաների միությունը վերահսկելու է գալիք ընտրությունները
ԱԱԾ մի խումբ նախկին բարձրաստիճան պաշտոնյաների ստեղծած «ԱԱԾ պահեստազորի սպաների միություն» կազմակերպությունը պահանջում է կառավարության հրաժարականը և ներկայացնում ճգնաժամից դուրս գալու իր տարբերակը։ Այսօր հրավիրված ասուլիսի ժամանակ այդ մասին ասաց միության անդամ, ԱԱԾ տնօրենի նախկին տեղակալ Հրանտ Եպիսկոպոսյանը։
«Մենք լուսաբանելու ենք հակազգային կառույցների գործունեությունը, աջակցելու ենք ռազմական անվտանգության ուժեղացմանը, պահեստազորին, վերահսկելու ենք գալիք ընտրությունները», – ասաց Եպիսկոպոսյանը։
Նրա խոսքով` ի սկզբանե կազմակերպությունը ստեղծվել է որպես ապաքաղաքական կառույց, բայց կյանքն իր շտկումներն է մտցրել։ Միությունն ավելի վաղ միացել էր ԶՈւ գլխավոր շտաբի` կառավարության հրաժարականի պահանջին: Կառույցն այժմ էլ վստահ է, որ ճգնաժամից դուրս գալն ու ընթացիկ մարտահրավերների հաղթահարումն անհնար է առանց իշխանությունների հրաժարականի։
«Երկրի ղեկավարության ապաշնորհ քաղաքականության հետևանքով ավերիչ հարված է հասցվել երկրի տարածքային ամբողջականությանը, կայունությանը, քաղաքացիական հասարակությանը և այլ ինստիտուտներին: Այս իրավիճակից դուրս գալը մենք տեսնում ենք ջանքերի համախմբման, առանց բացառության բոլոր ռեսուրսների մոբիլիզացման մեջ։ Կոչ ենք անում բոլոր սպաներին միանալ մեզ», – ասաց նա։
Եպիսկոպոսյանի խոսքով` պետք է թույլ չտալ, որ մոլեռանդ պոպուլիստները ժողովրդին բաժանեն սևերի և սպիտակների, գայլերի և գելխեղդների։
Միության կազմում են ԱԱԾ նախկին տնօրեն Արթուր Վանեցյանը, սահմանապահ զորքերի նախկին հրամանատար Արմեն Աբրահամյանը, ԱԱԾ ղեկավարի նախկին տեղակալ Գրիգորի Հարությունյանը, ԱԱԾ տնօրենի նախկին ժամանակավոր պաշտոնակատար Միքայել Համբարձումյանը, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2025-06-13 06:08Решение о возможном нападении Израиля на Иран зависит конкретно от премьера еврейского государства Биньямина Нетаньяху. Об этом сказал Sputnik Армения научный сотрудник аналитического центра APRI, востоковед Сергей МЕЛКОНЯН на полях форума APRI-2025 в Ереване.
-
2025-06-12 19:45Иранские СМИ опубликовали первую серию документов, полученных от израильского режима.
-
2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.