2021-05-11 10:34
Информагентства
Ալիև․ Ո՞վ է այդ Կանադան. Ֆրանսիա, հանգիստ թող մեզ
Ադրբեջանի նախագահ Իլհամ Ալիևը արել է բավականին կասկածելի հայտարարություններ Կանադայի և Ֆրանսիայի հասցեին:
«Երբեմն երկրները, որոնք գտնվում են աշխարհի մյուս ծայրում, անում են հայտարարություններ, որոնք կապված են հակամարտության կամ Ադրբեջանում տեղի ունեցող գործընթացների հետ: Դա անթույլատրելի է: Որպես օրինակ՝ կարող եմ բերել Կանադային: Վերջերս ինձ հայտնել են, որ Կանադայի արտաքին գործերի նախարարությունը հայտարարություն էր տարածել Ադրբեջանի կապակցությամբ, մեր ներքին գործերի վերաբերյալ: Ի՞նչ իրավունքով: Ո՞վ է նրան այդ իրավունքը շնորհել: Հնարավո՞ր է՝ դա գերտերություն է, իսկ մենք չգիտեինք: Կարո՞ղ է դա երկրորդ Լյուքսեմբուրգն է, հայտնվել է երկրորդ գերտերություն, իսկ մենք տեղյակ չեինք: Թող զբաղվեն իրենց գործերով»,-հայտարարել է Ալիևը Արդբեջանական հեռուստատեսությանը տված հարցազրույցում:
«Ես հերքում եմ Ֆրանսիայի արտաքին գործերի նախարարության հայտարարությունները: Մենք բազմիցս մեր պահանջներն ենք հայտնել ֆրանսիական կողմից, որպեսզի հանգիստ թողնեն մեզ: Գնացեք և զբաղվեք ձեր գործերով: Ֆրանսիայի Սենատի ներկայացուցիչը ժամանում է Երևան, հայտարարում, որ Ֆրանսիայի Սենատը ճանաչում է Լեռնային Ղարաբաղը: Երբ մենք դիմում ենք Ֆրանսիայի կառավարարական մարմիններին այդ հարցով, մեր բողոքն ենք հայտնում, մեզ ասում են՝ ուշադրություն չդարձնել, դա օրենսդիր մարմին է, այն չի արտացոլում իշխանության դիրքորոշումը: Լավ, իսկ արտաքին գործերի նախարարությունը նույնպես չի արտացոլո՞ւմ կառավարության դիրքորոշումը: Այդ ի՞նչ հայտարարություններ են: Թող զբաղվեն իրենց գործերով»,-շարունակել է վրդովվել Ադրբեջանի նախագահը:
Ալիևի առանձնահատուկ վրդովմունքին է արժանացել միջազգային հանրության արձագանքն այսպես կոչված «ռազմական ավարների պուրակի» վերաբերյալ: «Ֆրանսիայի թանգարաններում ցուցադրվում է Ալժիրի ազգային շարժման սպանված առաջնորդների կրիան: Նայեք ձեզ հայելու մեջ, քանի անգամ ես պետք է ասեմ այդ մասին: Պետք է ասեմ լրագրողներին, օտարերկրյա լրագրողներին, արտասահմանյան քաղաքական գործիչներին: Ես պետք է ասեմ լռելու փոխարեն: Սակայն նրանք նույնպես թող զբաղվեն իրենց գործերով: Նրանք նույնպես խրվել են խնդիրների մեջ: Նրանք ունեն հազարավոր խնդիրներ»,-հայտարարել է Ալիևը, տեղեկացնում է News.am-ը:
ПОСЛЕДНИЕ ОТ АВТОРА
-
New2025-04-05 15:34Число погибших в результате разрушительного землетрясения в Мьянме возросло до 3354 человек, 4850 получили ранения и 220 пропали без вести, сообщает Reuters.
-
New2025-04-05 15:32Арман Овакимян, ранее возглавлявший медцентр "Сурб Григор Лусаворич", и Нарек Манукян, экс-директор Национального центра онкологии им. В.А. Фанарджяна, являются высококвалифицированными специалистами и достойно справлялись с поставленными перед ними задачами. Об этом в беседе с Sputnik Армения заявил директор медцентра "Измирлян" Армен Чарчян.
-
New2025-04-05 15:30Для освобождения наших заложников, удерживаемых в Баку, должна была вестись энергичная работа в сфере парламентской дипломатии. С таким заявлением выступила инициатива «Айакве».
-
New2025-04-05 15:28Министерство обороны Армении предупреждает о распространении подозрительных Telegram-каналов.