2021-05-18 12:55
Информагентства
Գրիգորյան․ Ադրբեջանը պետք է վերադառնա ելման կետ
Մեզ համար շատ կարևոր է ու սկզբունքային, որ Ադրբեջանը վերադառնա ելման կետ: Այդ մասին Հանրային հեռուստաընկերությանը տված հարցազրույցում հայտարարել է Անվտանգության խորհրդի քարտուղար Արմեն Գրիգորյանը, տեղեկացնում է Medialab.am-ը:
Նրա խոսքով, հայկական և ռուսական կողմերի մոտ այս պահին գոյություն ունեցող քարտեզների համաձայն, Սև լճի տարածքը, ինչպես նաև Վարդենիսի հարակից տարաքները Հայաստանին են պատկանում:
«Ընդհանրապես, գոյություն ունի 1929 թվականի, 1976 թվականի և 1986 թվականի քարտեզներ, որոնք նաև ունի Ռուսաստանը, ՌԴ գլխավոր շտաբը տիրապետում է այդ քարտեզներին: Կարևոր է, որ և Ռուսաստանի, և Հայաստանի ձեռքում գտնվող բոլոր քարտեզներով այդ բոլոր տարածքները գտնվում են մեր վերահսկողության տակ: Դա է նաև պատճառը, որ բանակցությունների ընթացքում մենք խնդիր ենք դրել, որ Ադրբեջանցիները պետք է վերադառնան ելման կետ», նշել է Գրիգորյանը:
Նա ասել է, որ վերջին երեսուն տարիների ընթացքում սահմանների ճշգրտում Հայաստանի և Ադրբեջանի միջև տեղի չի ունեցել և հավելել. «Ի դեպ, մենք պատրաստ ենք սահմանների ճշգրտման հարցով աշխատանքներ սկսել»:
Հարցին, թե արդյոք դա մեր շահերից է բխում, Գրիգորյանը պատասխանել է. «Միանշանակ մեր շահերից է բխում, որպեսզի սահմանը ամբողջությամբ հստակեցվի գոյություն ունեցող քարտեզներով և բանակցությունների շնորհիվ կարող ենք հասնել դրա լուծմանը: Ի դեպ, մենք այս լուծումը տեսնում ենք եռակողմ ֆորմատով՝ Հայաստան, Ադրբեջան, Ռուսաստան: Կարծում ենք, որ սա ամենաարդյունավետ ֆորմատն է, որի միջոցով մենք կկարողանանք մեր սահմանները ճշգրտել»:
ПОСЛЕДНИЕ ОТ АВТОРА
-
New2025-04-26 06:57Религиозные лидеры и правозащитные организации осудили решение Ватиканского университета провести спонсируемую государством конференцию в Азербайджане, заявив, что мероприятие предоставило платформу азербайджанским историческим ревизионистам, которые пытаются стереть армянскую историю со «спорных территорий между двумя странами», сообщает The Christian Post.
-
New2025-04-26 06:52В Ереване подписано соглашение с компанией, которая займется внедрением системы биометрических паспортов и ID-карт в Армении.
-
New2025-04-26 06:4325 апреля военнослужащий срочной службы одного из подразделений пограничных войск СНБ РА А.А. по предварительным данным, погиб, получив огнестрельное ранение выстрелом из закрепленного за ним автомата. Об этом сообщает СНБ Армении.
-
New2025-04-26 06:40В Баку состоялся очередной "суд" над пленными представителями военно-политического руководства Нагорного Карабаха.