2021-05-19 09:28
Информагентства
ՄԻՊ-ը մանրամասներ է հայտնել Գեղարքունիքից
ՀՀ մարդու իրավունքների պաշտպան Արման Թաթոյանը որոշ մանրամասներ է ներկայացրել Վարդենիսում ադրբեջանցի զինվորականների սադրիչ գործողություններից։
Գեղարքունիքում կատարած փաստահավաք աշխատանքների ընթացքում Արման Թաթոյանը պարզել է, որ մայիսի 12-ին Վերին Շորժա գյուղին հարակից արոտավայրերում` անասնագոմերի մոտ ադրբեջանական զինված շուրջ 10 ծառայող մոտեցել են Վերին Շորժա գյուղի հովվին ու սպառնացել զենքով` նրա հետ խոսելով նաև հայերեն:
Նույն օրը Վարդենիսի ու Այրք գյուղի 6 հովիվների մոտեցել են ադրբեջանական մի քանի տասնյակ զինծառայողներ, սպառնացել զենքով ու նրանց 5 րոպե տվել հեռանալու համար` հակառակ դեպքում սպառնալով գերեվարել նրանց:
Իսկ Գեղամասարի Կութ գյուղի հովիվը գյուղի հարակից սարատեղիում հայտնաբերել է շուրջ 50 ադրբեջանական զինծառայողների:
Մայիսի 13-ին շուրջ 50 ադրբեջանական ծառայողներ սպառնացել են Վերին Շորժա գյուղի հովիվին ու պահանջել հեռանալ ` սպառնալով սպանել կամ գերեվարել:
Մարդու իրավունքների պաշտպանը նաև փաստում է, որ նույն օրը ադրբեջանական զինուժը նույն կերպ անցել էր նաև Սյունիքի մարզի Սև լճի` ՀՀ սւվերեն տարածք ու զենքով սպառնացել այնտեղ գտնվող հայ հովվին։
«Հովիվների պնդմամբ` իրենք այլևս հնարավորություն չունեն օգտվել արոտավայրերից: Ավելին` Կութ գյուղում, օրինակ, բնակիչները նշել են, որ կենդանիներին ստիպված են այլևս չուղարկել սարատեղիներ: Հարցն այն է, որ ադրբեջանական զինվորականները ֆիզիկապես են ներկա մարդկանց օրինական իրավունքներով պատկանող արոտավայրերում, իսկ մի մասի դեպքում էլ` անհնար է օգտագործել դրանք` ադրբեջանական նշանառության տակ հայտնվելու պատճառով»,– նշում է պաշտպանը։
Ի դեպ, Թաթոյանը նաև հայտնում է, որ ՀՀ քաղաքացիների հետ շփվելիս ադրբեջանցիները եղել են դիմակներով:
Սահմանամերձ համայնքների բնակիչներին ադրբեջանական ագրեսիայից պաշտպանելու համար Թաթոյանն անհրաժեշտ է համարում Գեղարքունիքի ու Սյունիքի շուրջ անվտանգության գոտու ստեղծումը, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2025-07-17 19:37Член Верховного органа АРФ "Дашнакцутюн", депутат парламентской фракции "Армения" Гегам Манукян обратился в прокуратуру с заявлением о преступлении. Об этом депутат сообщил в интервью Sputnik Армения.
-
New2025-07-17 19:36Израиль продолжит политику демилитаризации на территории южнее Дамаска и не допустит причинения вреда местным друзам со стороны сирийских властей и группировок. Об этом заявил израильский премьер Биньямин Нетаньяху.
-
New2025-07-17 19:32В Баку на церемонии, посвящённой азербайджанской прессе, наградили турецкие медиаструктуры TRT, İHA и Anadolu Ajansı — за «верную службу» в продвижении повестки Баку в Карабахской войне и внешней политике, пишет Telegram-канал «Кавказарь».
-
New2025-07-17 19:31Власти Армении предпринимают действия, направленные на то, чтобы принизить значимость и устранить государственные институты НКР, что неприемлемо. Об этом говорится в заявлении Совет по правам армян Карабаха в ответ на иск Генпрокуратуры Армении в Административный суд с целью аннулировать право собственности на представительство НК в Ереване.