2021-05-19 17:06
Информагентства
Սուրեն ՍԱՐԳՍՅԱՆ․ ԱՄՆ ՊԵՏԴԵՊԱՐՏԱՄԵՆՏԻ ՀԱՅՏԱՐԱՐՈՒԹՅՈՒՆԻՑ ՊԵ՞ՏՔ Է ԽՈՒՃԱՊԻ ՄԱՏՆՎԵԼ
Ամերիկյան հետազոտությունների հայկական կենտրոնի տնօրեն Սուրեն Սարգսյանը Sputnik Արմենիայի եթերում անդրադարձել է ԱՄՆ Պետդեպարտամենտի հայտարարությանը, ըստ որի`ԱՄՆ–ն իր քաղաքացիներին խորհուրդ չի տալիս մեկնել Հայաստան, Ադրբեջան և Արցախ։
Սուրեն Սարգսյանի դիտարկմամբ` Միացյալ Նահանգների Պետդեպարտամենտը պարբերաբար է նման հայտարարություններ անում, դրանք վերաբերում են ոչ միայն Հայաստանին ու Ադրբեջանին, այլև մյուս երկրներին, որոնք գտնվում են հակամարտությունների գոտիներում։ ԱՄՆ քաղաքացիներին այս կամ այլ երկիր մեկնելուց զերծ մնալու կոչ արվում է ամենատարբեր պատճառներով։
«Միանշանակ չէ, որ պետք է խուճապի մատնվել, և այնպես չէ, որ Պետդեպարտամենտն ինչ–որ բան գիտի և ուզում է դրանով ինչ–որ բան ասել, բայց միևնույն ժամանակ հաշվի առնելով նախկին փորձն ու նախկինում տեղի ունեցած իրադարձությունները, ինչպես նաև ՀՀ զինված ուժերի հայտարարությունը, հետևաբար այդ հանգամանքները նկատի ունենալով` պետք է լինել ավելի զգոն և զգույշ»,– Sputnik Արմենիայի եթերում ասաց Ամերիկյան հետազոտությունների հայկական կենտրոնի տնօրենը։
Անդրադառնալով ՀՀ վարչապետի պաշտոնակատար Նիկոլ Փաշինյանի և ԱՄՆ նախագահի անվտանգության հարցերով խորհրդական Ջեք Սալիվանի հեռախոսազրույցին`Սարգսյանն ընդգծեց, որ վերջին շրջանում Միացյալ Նահանգներն ակտիվացել է ոչ միայն հարավկովկասյան խնդիրների, այլև այլ տարածաշրջանային հարցերի առնչությամբ, որովհետև ներկայիս վարչակարգն իր դիրքորոշումներով էապես տարբերվում է նախորդից, քանզի առաջնահերթությունները, մոտեցումներն ու սկզբունքներն ուրիշ են։
«Հիմա գործ ունենք մի իրավիճակի հետ, երբ արդեն նկատելի են նախաձեռնողական քայլերը, և ԱՄՆ–ն կակտիվանա նաև որպես Մինսկի խմբի համանախագահ, ուստի այդ համատեքստում Սալիվանի հեռախոսազանգը, երկու կողմերին ու լարվածությունից զերծ մնալու կոչերը միանգամայն ընկալելի են։ Կարևոր էր նաև Պետդեպարտամենտի ներկայացուցչի` օրեր առաջ արած հայտարարությունը, ըստ որի` ԱՄՆ–ն հորդորում է ադրբեջանցիներին դուրս գալ ՀՀ տարածքից և զերծ մնալ հետագա սադրանքներից»,– նշեց Ամերիկյան հետազոտությունների հայկական կենտրոնի տնօրենը։
Սարգսյանի կարծիքով` հայ–ամերիկյան հարաբերություններում դեռ էական փոփոխություններ չեն արձանագրվել, չնայած որ շփումներ կան, որոնք պայմանավորված են հիմնականում հետպատերազմական շրջանի իրողություններով, այսինքն` ոչ թե հարաբերություններն են զարգանում, այլ իրավիճակը, ինչն էլ թելադրում է իր կանոնները։
ПОСЛЕДНИЕ ОТ АВТОРА
-
New2025-07-21 15:25Премьер Армении Никол Пашинян намерен до 27 июля - Дня Преображения Господня (Вардавар) - сместить Католикоса всех армян Гарегина II. Об этом написал на своей странице в соцсети член Исполнительного органа Республиканской партии Армении Эдуард Шармазанов.
-
New2025-07-21 15:23Турция рассчитывает на достижение консенсуса между Азербайджаном и Арменией по вопросу Зангезурского коридора, считая, что реализация этого проекта принесет пользу всем странам региона. Об этом заявил президент республики Реджеп Тайип Эрдоган, передает TRT Haber.
-
New2025-07-21 15:22Никто не может отнять у арцахцев право на возвращение, никакая власть не может закрыть Арцахский вопрос. Об этом заявил спикер Национального Собрания Республики Арцах Ашот Даниелян.
-
New2025-07-21 15:20Отношения Москвы и Баку имеют прочную основу, но сейчас переживают сложный период. Об этом заявил журналистам пресс-секретарь президента РФ Дмитрий Песков.