2021-05-19 20:10
Информагентства
Արմեն Սարգսյանի կոչը ՀՀ ՊՆ-ին, ԶՈւ-ին և ԱԱԾ-ին
Ստեղծված իրավիճակում առանձնահատուկ կարևոր է պետության և պետական կառույցների կողմից երկիրը ճգնաժամից հանելու անվերապահ պատասխանատվությունը հատկապես անվտանգության ապահովման հարցերում: Այս մասին ասել է ՀՀ նախագահ Արմեն Սարգսյանը` Սյունիքում ստեղծված իրավիճակի կապակցությամբ հղած իր ուղերձում։ Տեղեկությունը հայտնում է ՀՀ նախագահի մամուլի ծառայությունը։
Մայիսի 12–ից սկսած իրավիճակը սրվել է ՀՀ Սյունիքի և Գեղարքունիքի մարզերում, որտեղ ավելի քան ադրբեջանցի զինվորականներ մտել են ՀՀ ինքնիշխան տարածք` իրենց հետ բերելով կեղծ քարտեզներ։ Նրանք պնդում են, որ դրանք իրենց տարածքներն են։
«Հորդորում եմ, որ ՀՀ պաշտպանության նախարարությունը, ԶՈւ գլխավոր շտաբը, ԱԱԾ-ն իրենց գործառույթների շրջանակում գործադրեն բոլոր ջանքերը և ձեռնարկեն ամենախիստ միջոցներն ընդդեմ Հայաստանի Հանրապետության տարածքային ամբողջականությանը սպառնացող ոտնձգությունների և սահմանային խախտումների»,–նշված է նախագահի ուղերձում:
Արմեն Սարգսյանը շեշտել է, որ ոչ պակաս կարևոր է դիվանագիտական աշխատանքը` Հայաստանի միջազգային հեղինակության ամրապնդումը, միջազգային գործընկերների հետ համագործակցության և դաշնակցային հարաբերությունների խորացումն անհրաժեշտություն են:
ՀՀ նախագահի խոսքով` պետք է գործարկել թե՛ ավանդական և թե՛ հանրային դիվանագիտության ամբողջ գործիքակազմը, ներգրավել սփյուռքը և օգտագործել բոլոր ռեսուրսները:
«Ստեղծված իրավիճակը և մեր գործելակերպն ու արձագանքը պետք է հասկանալի և ընկալելի լինեն մեր միջազգային գործընկերների համար:
Հասարակությունը պետք է ժամանակին և ճշգրիտ իրազեկված լինի տեղի ունեցող գործընթացների մասին՝ վստահ լինելով, որ ինքը պաշտպանված է, որ պետությունը, անկախ քաղաքական կամ այլ գործոններից, իրականացնում է իր գործառույթները»,–նշել է ՀՀ նախագահը:
Սարգսյանը համոզմունք է հայտնել, որ ստեղծված իրավիճակում վերստին հրամայական է համազգային միասնականությունը՝ Հայաստան, Արցախ, սփյուռք, ընդգծել, որ Հայաստանի, Արցախի, հայ ժողովրդի շահերը կարող է ներկայացնել ու պաշտպանել միայն ուժեղ, կայուն, միասնական և համախմբված Հայաստանը, տեղեկացնում է Sputnik Armenia-ն:
ПОСЛЕДНИЕ ОТ АВТОРА
-
New2025-04-21 18:45В ночь с субботы на воскресенье в селе Хнацах Сюникской области Армении почти час звучали выстрелы. Военный эксперт Карен Вртанесян считает, что отсутствие ответных действий со стороны армянских военных только поощряет такое поведение азербайджанской стороны.
-
New2025-04-21 18:37Мы ведем скоординированную политику на Кавказе. Об этом заявил министр иностранных дел Ирана Аббас Аракчи, передает ИРНА.
-
New2025-04-21 18:36С кончины папы Римского Франциска в Ватикане начался период вакантного престола (sede vacante). На это время местоблюстителем Апостольского престола фактически становится кардинал-камерленго. Сейчас им является префект Дикастерии по делам мирян, семьи и жизни, американский кардинал Кевин Фаррелл, сообщает РИА Новости.
-
New2025-04-21 18:3232% считают присутствие премьер-министра Армении Никола Пашиняна на Параде по случаю 80-летия Победы в Москве оскорблением, еще 22% назвали это «неприятностью». Таковы мнения читателей нашего агентства, принявших участие в очередном опросе.