2021-05-19 21:55
Гаспар АДАМЯН
0
ԵՐԵՔՈՎ ՏԱՆԳՈ ՊԱՐԵԼ ՉՍՏԱՑՎԵ՞Ց. ՀԵՏ ԵՆ ԲԵՐՈՒՄ ՔԱՎՈՒԹՅԱՆ ՆՈԽԱԶԻՆ
Առողջություն ենք մաղթում, Կառլո հայրիկ
Արտահերթ ընտրություններին երեք նախագահների համատեղ մասնակցության Տեր-Պետրոսյանի գաղափարը հավանության չարժանացավ երկրորդ նախագահի կողմից։ Մերժված Լևոն Հակոբիչը թափ առավ ու հոգու պոռթկումով անվանեց Ռոբերտ Քոչարյանին ռևանշիստ, մեղադրեց անձնական հաշիվներ մաքրելու մեջ, որից հետո անցավ «վճռական» գործողությունների։
Չկարողանալով իր գրկում խեղդել երկրորդ և երրորդ նախագահներին, ՀԱԿ առաջնորդը փորձեց սեպ խրել նրանց միջև պարզունակ հնարքի միջոցով. ռևանշիստի պիտակ կպցրեց Քոչարյանին, մեղադրեց Նիկոլի հետ անձնական հաշիվներ մաքրելու մեջ, իսկ Սերժ Սարգսյանի մասին ասաց, որ նա այդպիսին չէ։ Ծափիկ-ծափիկ, ծիրանիկ, ունենք այսպիսի պապիկ… Երկրորդ նախագահի գրասենյակից, ի պատասխան Տեր-Պետրոսյանին այդ գլուխկոնծիների, առողջություն մաղթեցին նրան։ Ստացվեց այնպես, ինչպես Բայդենի և Պուտինի հետ կապված պատմության պարագայում…
Որոշելով, թե համեմատություն կատարելով հօգուտ Սարգսյանի՝ պառակտել է երկրորդ և երրորդ նախագահներին, Լևոն Հակոբիչը անբարոյական խոր գոհունակության զգացում ապրեց, որից հետո գործի դրեց նախաջրհեղեղյան ժամանակների ՀՀՇ-ի գաղտնի, բայց բացարձակ զենքը. ՀԱԿ վարչության վերջին նիստում Վանիկ Սմբատիչն ընտրվեց դրա անդամ։ Նույն հաջողությամբ ՀԱԿ վարչության անդամ կարող էր դառնալ, օրինակ, կոկորդիլոս Գենան։ Հիշեցնեմ, որ Վանո Սիրադեղյանը ծնվել է 1946 թվականի նոյեմբերի 13-ին Նոյեմբերյանի շրջանի Կոթի գյուղում, այսինքն ներկայումս նա 75 տարեկան է։ Օր ծերություն Վանիկ Սմբատիչի բախտն անասելի բերեց. նա դարձավ ոչ միայն ՀԱԿ վարչության անդամ, այլև ընտրողներին հրապուրելու գլխավոր «խայծ» խորհրդարանական արտահերթ ընտրություններում։ Ապրեց, հասավ ուրեմն իր աստեղային ժամին։
Երևանում լուրեր են շրջում, թե Սիրադեղյանը վարակվել է կորոնավիրուսով և իր վերջին օրերն է ապրում հայրենիքից հեռու, ուստի ՀԱԿ վարչության կազմում նրա ընտրվելը լոկ Լևոնի հավատարիմ զինակցին սատարելու միջոց է։ Ասում են նաև, որ Սիրադեղյանը վաղուց Հայաստանում է և շուտով կներկայանա հանրությանը. թեպետ, այդ թեմայով խոսակցությունները քիչ են, ՀԱԿ-ի նոր վարչության շուրջ իրարանցում չկա։ Հայաստանում առանց Լևոնի էլ հոգսերը շատ են, ուստի «ծերունի ավազակներ-2021» շոուն կգրավի լոկ նրանց, ովքեր հավատացել են Նիկոլից հրաժարվելու Լևոն Հակոբիչի շոուին. խելացի մարդիկ չեն հավատացել, որ Կառլո հայրիկը կարող է հրաժարվել Բուրատինոյից։
Ո՞վ է փող տվել Լևոնին
2018թ. իշխանափոխության արշալույսին մենք տեղեկացրել ենք մեր ընթերցողներին, որ Տեր-Պետրոսյանի խնդրանքով իր քաղաքական ենթավարպետը՝ Նիկոլ անունով, ձևավորել էր իրավաբանների խումբ, որոնք փորձում էին իրավական հիմնավորումներ գտնել Սիրադեղյանին Հայաստան վերադարձնելու համար, բայց ոչ թե մեղադրյալի, այլ մեղադրանքներից ազատված մարդու կարգավիճակով։
Հիշեցնեմ, որ լինելով ՆԳ նախարար (1992-1997թթ.), Սիրադեղյանը ՆԳ համակարգում կազմակերպել էր մարդասպանների ավազակախումբ, որի հետևից ձգվում է պատվիրված սպանությունների երկար հետք, բայց եկեք չխոսենք տխուր բաների մասին: Ըստ երևույթին, իրավաբանները հիմնավորումներ չեն գտել, իսկ Սիրադեղյանին ՀԱԿ վարչության անդամ ընտրելով բանը չի ավարտվել։
Բացառված չէ, որ Տեր-Պետրոսյանը որոշել է ուշադրություն հրավիրել իր վրա՝ կազմակերպելով Վանիկ Սմբատիչի հաղթական դիմավորումը «Զվարթնոց» օդանավակայանում։ Ժողովրդի առջև երկրորդ հայտնության մի այդպիսի շոու... Օդանավ ճարելն անհրաժեշտության դեպքում խնդիր չէ։ ՀՀՇ-ի ԲՏՌ-ուհիներին էլ, որոնք վաղուց թոշակի են անցել, արդեն համակել է վայելչակազմ ու բարետես Վանոյի մասին նոստալգիկ հիշողությունների ալիքը. չէ՞ որ նա այնպիսին էր, երբ գլխապատառ փախավ հայոց արդարադատությունից։ Համանման զգացմունքներ են համակել նաև ՆԳ նախկին նախարարի իգական սեռի գումարտակին, որը 1995 թվականին խրոխտ անցավ խորհրդարան՝ «Շամիրամ» կուսակցության ցուցանակի ներքո: Անունը հորինել էր անձամբ Վանիկ Սմբատիչը։
Ահա արդեն 3 տարի է, ինչ մեր երկրում արդարադատությունը փոխարինված է Վանոյի հավատարիմ բարեկամ Նիկոլի քմահաճույքներով, ուստի Վանոն, հնարավոր է, որոշել է վերադառնալ ու միտը բերել ջահել օրերը։ Հասուն տարիքի հինգ զավակների և անթիվ քանակությամբ թոռների տերը որոշել է վաստակել հունիսի 20-ի ընտրությունների հաշվին, վաճառքի հանելով սեփական դեմքը՝ «Նրան փնտրում է Ինտերպոլը» իրազեկմամբ: Ի դեպ, իսկ որտե՞ղ գտնել այն հարցի պատասխանը, թե ով է ֆինանսավորում ՀԱԿ-ի քարոզարշավը։ Ո՞վ է Լևոն Հակոբիչին փող տվել, որպեսզի պապիկը կարողանա հիմնավորապես թոթափել պատկառելի տարիքը՝ վաղեմի հանցագործ-ընկերոջ հետ միասին։
Պասաժ աղբահորի համար
Եթե ենթադրենք, որ Լևոնի հրապարակային հրաժարումը Նիկոլից լոկ խաղ է ի տես ամենքի, իսկ ընտրություններին երեք նախագահների համատեղ մասնակցության գաղափարը ծնվել է «Քաղաքացիական պայմանագիր» կուսակցության գրասենյակում, ապա չի բացառվում, որ Սիրադեղյանի մասնակցությամբ շոուի հովանավորները նույն այն աղբյուրներն են, որոնք ֆինանսավորում են Նիկոլի նախընտրական արշավը։
Ի դեպ, շատերը չեն հավատում այն անեծքների անկեղծությանը, որոնք Լևոնը ժայթքում է Նիկոլի հասցեին, չեն հավատում, որ Կառլո հայրիկը հրաժարվել է Բուրատինոյից, իր իսկ ստեղծածից։ Շատերն այդ հրաժարումը համարեցին խաղ, որի նպատակը Տեր-Պետրոսյանի հետ համատեղ ընտրությունների գնալու գաղափարը Ռոբերտ Քոչարյանին ու Սերժ Սարգսյանին պարտադրելն էր։ Եթե հնարքը հաջողվեր, ապա Լևոն Հակոբիչն իր գրկում խեղդելու էր երկրորդ և երրորդ նախագահներին, բայց երեքով տանգո պարել չստացվեց։ Հնարքը ձախողվեց։
Ռ. Քոչարյանն ու Ս.Սարգսյանը Լևոնի ու Նիկոլի խայծը կուլ չտվեցին։ Արդյունքում Կառլո հայրիկն ու իր Բուրատինոն որոշեցին հետ բերել Բազիլիո կատվին ու Ալիսա աղվեսին՝ հանձին Սիրադեղյանի, որպեսզի խաղան հասարակության հույզերի վրա, բայց կրկին սխալվեցին իրենց հաշվարկներում. հաղորդումն այն մասին, որ Վանիկ Սմբատիչն ընդգրկվել է ՀԱԿ վարչության կազմում, ոչ մի արձագանք չառաջացրեց։ ԲՏՌ-ուհիներն ու շամիրամուհիները հաշվի մեջ չեն։
Հունիսի 20-ի ընտրությունների արդյունքների վրա Վանոյի երկրորդ հայտնությունը ոչ մի կերպ չի ազդի։ Լևոն Հակոբիչի կուսակցությանն արտահերթ ընտրություններում ընդհանրապես ոչ ոք չի նկատի, ինչպես որ չնկատեցին 2017-ի ընտրություններում, դրա համար էլ 2018-ի արտահերթ ընտրություններին ՀԱԿ-ը չմասնակցեց, որպեսզի վերջնականապես չխայտառակվի... Փոխարենը որոշել է մասնակցել 2021-ի արտահերթ մրցավազքին, այն էլ՝ խայտառակ խաղաքարով, ինչպիսին ՀՀ Քր.օր.-ի ծանր հոդվածներով մեղադրվող, Ինտերպոլի կողմից հետախուզվող Սիրադեղյանն է։ Ինչպիսի՜ նվաստացուցիչ խաղաքար, բայց ինչ արած, չէ՞ որ բացի պահանջված քաղաքական գործիչների հանդեպ ատելությունից, Լևոն Հակոբիչն այսօր ներկայացնելու ոչինչ չունի։ Բացի Վանիկ Սմբատիչից, իհարկե։ Ողորմելի՛ պատկեր։
Վերադառնալով հայրենիք, Սիրադեղյանը հնարավորություն կստանա իրականացնել իր վաղեմի երազանքը. քավության նոխազ չլինել Տեր-Պետրոսյանի հրաժարականից հետո։ Եթե հունիսի 20-ին Հայաստանում փոխվի իշխանությունը, ապա Վանոն թեթև սրտով կպատմի առանձնակի ծանր գործերով քննիչին այն ամենը, ինչի մասին լռել է այն օրվանից, երբ Ալբերտ Բազեյանը ուղեկցեց իրեն «Զվարթնոց» օդանավակայան և ձեռքը թափահարելով հրաժեշտ տվեց։ Նա կկարողանա անկեղծ պատմել ուսադիրներով մարդկանց, օրինակ՝ այն մասին, որ ՀՅԴ անդամ Կիմ Բալայանի (հետագայում՝ ՍԴ դատավորի) ֆիզիկական ոչնչացման ծրագրի մշակմանը մասնակցել է անձամբ Տեր-Պետրոսյանը։ Հնարավոր է, որ ջրի երես ելնեն պատվիրված այլ սպանությունների մանրամասներ։ Եթե Վանիկ Սմբատիչը մասնակցի նախընտրական շոուին, ապա երեք հոգով տանգոն կարող է ստացվել. Լևոն Հակոբիչը, Նիկոլն ու Վանոն կկարողանան վերջապես խեղդել մեկմեկու իրար գրկում։ Ախ, ինչպիսի՜ պասաժ կլինի աղբահորի համար։
Հիշեցնենք, եթե մոռացել եք. Բազեյանը Տեր-Պետրոսյանի հրաժարականից հետո որոշ ժամանակ գլխավորում էր «Երկրապահ» պատգամավորական խումբը, որը դարձավ խորհրդարանական նոր մեծամասնություն։
ПОСЛЕДНИЕ ОТ АВТОРА
-
2024-11-18 09:36Слухи о том, что глава оборонной комиссии Андраник Кочарян назвал шурина (брата жены) Пашиняна Грача Акопяна и его коллегу по фракции ГД Сисака Габриеляна наркобаронами, появились в СМИ незадолго до состоявшегося на днях ночного заседания правления ГД под председательством Пашиняна. После заседания были опубликованы ссылки на то, что по поводу упомянутого высказывания имеется звукозапись, однако в ходе заседания ее не прослушали, напротив, Пашинян призвал не нагнетать обстановку внутри партии, из чего следует вывод, что с Кочаряном разберутся по-тихому.
-
2024-11-16 10:28От традиционной территории сквера у НИИ Математических машин (институт Мергеляна) отгородили 2 больших участка, обнесли строительными заборами, в щели заборов видны свалки мусора. Между отгороженными участками оставили узкий проход, по которому жители общины Арабкир могут перейти на другую сторону улицы. Оставшуюся часть парковой зоны застелили каменной плиткой, похоронив под ней бывшие дорожки, усыпанные гравием и щебнем. Вырубили многолетние деревья, а под теми, что уцелели, благодаря вмешательству жителей соседних домов, установили сомнительной привлекательности скамейки для отдыха. Сквер перестал быть сквером и стал каменным коридором, который связывает крохотную детскую площадку с отгороженными под строительство участками.
-
2024-11-14 09:31Внеочередные выборы в совет Гюмри состоятся, примерно, 29 декабря. В городе говорят, что, если ГД не удастся заполучить большинство голосов, то повторится сценарий Ванадзора, то есть, кандидат от партии, одержавшей победу на выборах, будет арестован по надуманному обвинению сразу после подсчета избирательских бюллетеней. Арест будет произведен до первого заседания новоизбранного совета, дабы не допустить избрания на пост мэра кандидата от партии-победительницы, если этой партией будет не ГД.
-
2024-11-11 14:18Задолго до антиконституционного захвата власти одна популярная газета поместила на первой полосе фото общественного деятеля Давида Санасаряна у входа на станцию метро "Еритасардакан". Молодой человек сидел на асфальте рядом с 3-литровой стеклянной банкой, в которую просил прохожих бросать мелочь для третьего президента Сержа Саргсяна, дабы отправить его в отставку на массовые пожертвования. Жертвовали далеко не все, многие стыдили "бездельника", советовали заняться делом... Над головой Санасаряна висел карикатурный портрет президента, полиция даже не попыталась вмешаться в акцию. Сбор средств завершился в тот же день, Санасарян и его товарищи отнесли банку в резиденцию президента. Весной 2018 г. Санасарян в числе ближайших соратников Пашиняна отпраздновал победу "революции" и торжество "демократии" над бывшей властью.
ПОСЛЕДНЕЕ ПО ТЕМЕ
-
2022-01-18 20:26Վանաձորում քննարկում են հետագա գործողությունները… Վանաձորում դեկտեմբերի 5-ի ընտրությունների արդյունքներով ձևավորված ավագանու «Հայրենիք» խմբակցության ղեկավար Վահե Դոխոյանն օրերս բնորոշեց քաղաքում տիրող իրավիճակը որպես պայթյունավտանգ, չբացառելով, որ ընդդիմությունը՝ զանգվածների աջակցությամբ, «արմատական քայլեր» կձեռնարկի:
-
2021-11-02 17:27Գլխապտույտ կարիերայի վախճանը Ուղիղ մեկ ամիս առաջ Կոտայքի նախկին մարզպետ, այժմ բնապահպանության նախարար Ռոմանոս Պետրոսյանն այցելեց Աբովյան և հանդիպում ունեցավ «Քաղաքացիական պայմանագիր» կուսակցության տեղի ստորաբաժանման հետ: Հանդիպման արդյունքներով «ԳԱ»-ն արդեն գրել է այն մասին, որ դեկտեմբերի 5-ին կայանալիք ՏԻՄ ընտրություններով Աբովյանում վերջ կտրվի Գագիկ Ծառուկյանի ազդեցությանը, որը տարիներ շարունակ համարվել է Կոտայքի մարզի և դրա մայրաքաղաքի բացարձակ տերն ու գրեթե ֆեոդալը։
-
2021-11-01 17:37Վարչապետը հրամայել է չխնայել ո՛չ փողը, ո՛չ էլ վարչական լծակները… Փաշինյանի սիրելի Գարիկ Սարգսյանը Արարատի մարզպետի պաշտոնը թողնելուց հետո գլխավորեց Պետգույքի կառավարման կոմիտեն, սակայն չհարմարվեց նոր տեղում, ուստի որոշել է կրկին վերադառնալ տեղական իշխանության համակարգ: Այդ վերադարձի համար Արարատի մարզի տեղական համայնքների խոշորացման ծրագիրը կազմվել է այնպես, որ Գարիկի համար նախատեսված լինի առանձին համայնք։ Խոշորացումից հետո ձևավորվել են 4 խոշորացված համայնքներ. Արարատ, Արտաշատ, Մասիս և Վեդի։ Վեդիում դեկտեմբերի 5-ին կայանալիք ընտրություններում Սարգսյանը կգլխավորի «Քաղաքացիական պայմանագիր» կուսակցության ցուցակը։
-
2021-10-06 08:54Ավագանու հրաժարականի պատճառը «քաղաքական ճգնաժամն» էր Գորիսի քաղաքապետ Առուշ Առուշանյանի, Մեղրիի նախկին քաղաքապետ Մխիթար Զաքարյանի, Սիսիանի նախկին քաղաքապետ Արթուր Սարգսյանի սկանդալային կալանավորումների, ինչպես նաև Քաջարանի քաղաքապետ Մանվել Փարամազյանին, Քարահունջ և Որոտան տարածքային միավորների ղեկավարներին ներկայացված մեղադրանքների խորապատկերին Կապանի մասին միառժամանակ մոռացան: