2021-05-22 08:55
Марина МКРТЧЯН
«ԻՆՉ ՈՒԶԵՄ, ԷՆ ԷԼ ԿՍՏՈՐԱԳՐԵ՛Մ». ՆԻԿՈԼԻ ԵՎ ԱԼԻԵՎԻ ՇԱՀԵՐԸ ՀԱՄԸՆԿՆՈՒՄ ԵՆ
Ալիևը սեփական ձեռքով կգծի Հայաստանի պետական սահմանը:
ՆԱՏՕ-ի քարտուղար Յեն Ստոլտենբերգը խիստ կզարմանար, եթե դաշինքի անդամ պետություններից մեկի առաջնորդը բողոքեր ՆԱՏՕ-ին, որ իր երկրի սահմանն անցել է հարևան պետության 250 (հետագայում՝ մինչև 600) զինված քաղաքացի:
Ստոլտենբերգն ակնհայտորեն կմտածեր, թե իր հետ կատակում են. 250 (և նույնիսկ 600) մարդը բնավ առիթ չէ ռազմական դաշինքներին դիմելու համար, եթե, իհարկե, խոսքը պետության մասին է: ՀԱՊԿ-ում Փաշինյանի մասին բոլորին ամեն ինչ հայտնի է, ուստի այնտեղ նույնիսկ չզարմացան, որ Հայաստանի ռազմական ղեկավարությունը հրաման է տվել չկրակել, իսկ խորհրդարանի փոխխոսնակ Ալեն Սիմոնյանը երկրի ամենաբարձր ամբիոնից հայտարարել է, թե իբր՝ գուցե նրանց (ադրբեջանցիների) ուզածն էլ հենց դա է, որ իրենց վրա կրակ բացեն... Իրականում Փաշինյանը ձեռնարկել է պրիմիտիվ բազմաքայլ խաղ, որպեսզի բարդի սեփական մեղքը ՀԱՊԿ-ի վրա։
Բռնազավթման 9-րդ օրը՝ մայիսի 20-ին, վարչապետի պաշտոնակատարը խորհրդարանի ամբիոնից հայտարարեց սահմանագծի ողջ երկայնքով հայերի և ադրբեջանցիների միջև զանգվածային ընդհարումների մասին։ Այդ ժամանակ խոսքն արդեն Հայաստանի տարածքում գտնվող 500-600 ադրբեջանցիների մասին էր։ Այսօր-վաղը նրանց թիվը կարող է ավելանալ մի քանի անգամ։ Ի՞նչ եղավ վերջնագիրը՝ ուժի կիրառման թեմայով։ Թե՞ ՊՆ-ն ու Գլխավոր շտաբը առաջվա պես չեն միջամտում իրենց իսկ գործերին։
Մայիսի 12-ից Սյունիքի մի մասն ու Գեղարքունիքի մի մասը բռնազավթված են, հերթը Տավուշի և Արարատի մարզի համայնքներինն է։ Փաշինյանը հայտարարեց մի փաստաթուղթ ստորագրելու պատրաստակամության մասին, որի մի մասը հրապարակել Է Վատիկանում ՀՀ նախկին դեսպան Միքայել Մինասյանը: Վարչապետի պաշտոնակատարի խոսքերով՝ նախնական պայմանավորվածությունները «ոչ թե 99,9%-ով, այլ 100%-ով համապատասխանում են Հայաստանի շահերին»: Մարդը, որը խաբել է ժողովրդին պատերազմի բոլոր 44 օրերին, նախօրեին հայտարարեց, որ կստորագրի Հայաստանի շահերին համապատասխանող փաստաթուղթ։ Փախեք-փրկվե՛ք։ Եթե Նիկոլի կարծիքով ինչ-որ բան համապատասխանում է Հայաստանի շահերին, ապա դա կարող է նշանակել միայն մեկ բան. հասունանում է նոր դավաճանություն։
Կապիտուլյանտը պատրաստ է ստորագրել պետական սահմանի վերջնական և անդառնալի գծագրման մասին փաստաթուղթը՝ Բաքվի և Անկարայի ծրագրերին համապատասխան, իսկ եթե կոչենք իրերն իրենց անուններով, ապա Փաշինյանը համաձայն է, որ Ալիևը սեփական ձեռքով գծի Հայաստանի պետական սահմանը՝ դրանից բխող բոլոր հետևանքներով: Եռակողմ հանձնաժողովը լոկ շղարշ է: Ռուսները չեն պայքարի մեր սահմանների համար, եթե Փաշինյանը ամեն ինչում համաձայն լինի Ալիևի կարծիքին։
Ալիևը համաձայնել է մի փաստաթղթի, որը 100%-ով բխում է Հայաստանի շահերի՞ց
Մայիսի 12-ից ի վեր երկիրը գտնվում է պատերազմի և ստորացուցիչ բռնազավթման արանքում՝ առանց մեկ կրակոցի։ Որոշ քաղաքագետներ կարծում են, որ մայիսի 12-ից երկրի գլխավերևում նոր պատերազմի վտանգ է կախված, մյուսները համարում են, որ ադրբեջանցիները չեն համարձակվի կրակ բացել այն դիրքերի վրա, որտեղ հայ զինվորականների հետ մեկտեղ գտնվում են ռուս սահմանապահները: Ընդ որում բոլոր առաջատար քաղաքագետներն իրենց մեկնաբանություններում համակարծիք են այն հարցում, որ ՀԱՊԿ-ին դիմելու նպատակը հետագա իրադարձությունների մեղքը ռազմական դաշինքի վրա բարդելն էր:
Լուրերն այն մասին, որ սահմանների վերաբերյալ Ալիևի հետ կապիտուլյանտի սեպարատ պայմանավորվածություններն արտացոլված են համապատասխան փաստաթղթում, արդեն իրականություն են: Մնում է տարակուսել, թե ո՞ւր են հետևանքները։ Երեկ կառավարության շենքի մոտ «Զարթոնք» կուսակցության և «Պատիվ ունեմ» դաշինքի ակցիան, ցավոք, չկրկնեց կապիտուլյանտի հրաժարականի պահանջով ընդդիմության զանգվածային ելույթները։ Առհասարակ զանգվածների վիճակն ու ընթացիկ գործընթացների նկատմամբ հասարակության արձագանքը արժանի են առանձին խոսակցության. այդ արձագանքը չի արդարացնում սպասելիքները, ինչը հստակ դրսևորվեց նախօրեին կառավարության և ԱԳՆ շենքերի մոտ տեղի ունեցած ակցիաների ժամանակ։ Բնակչության անհամարժեք արձագանքի պատճառների մասին կխոսենք առաջիկա օրերին…
Ուշագրավ հանգամանք. մայիսի 15-ին Նիկոլն ու իր ընտանիքի անդամները գիշերել են կառավարության շենքում, ոստիկանության պահախմբի ուժեղ հսկողության տակ: Այս անգամ կապիտուլյանտը որոշել է, որ ՊՆ բունկերը պատսպարվելու համար հարմար չէ, ուստի խրամատավորվել է կառավարության շենքում: Ինչո՞ւ։ Փաստաթղթի մասին, որը մասամբ գաղտնազերծել է Վատիկանում ՀՀ նախկին դեսպան Միքայել Մինասյանը, հայտնի դարձավ մայիսի 19-ին, որից հետո մայիսի 19-ի լույս 20-ի գիշերը սակավաթիվ տարերային ակցիա տեղի ունեցավ կառավարության շենքի և կառավարական ամառանոցների մուտքի մոտ, որտեղ այդ պահին գտնվում էր Փաշինյանի ընտանիքը: Թե ինչից էր այդչափ վախեցած կապիտուլյանտը մայիսի 15-ին, այդպես էլ մնաց առեղծված…
Երբ կապիտուլյանտը խոստացել էր Ալիևին լուծել սահմանների հարցը, Հայաստանում արտահերթ ընտրությունների նախապատրաստություն դեռևս չէր ընթանում, իսկ այսօր Ալիևը շտապեցնում է Նիկոլին, վախենալով հունիսի 20-ի քվեարկության արդյունքից։ Կրկնվում է «Ինչ որ պետք է, էն էլ բանակցո՛ւմ ենք», հայտարարության հետ կապված իրավիճակը, որը Փաշինյանը հնչեցրեց խորհրդարանի ամբիոնից պատերազմից ոչ շատ առաջ։ Այդ հայտարարությանը հաջորդեց թուրք-ադրբեջանական տանդեմի ագրեսիան Արցախի Հանրապետության դեմ, ինչը հստակ հաստատեց ընդդիմության ներկայացրած այն մեղադրանքների արդարացիությունը, որ իշխանությունը տապալել է բանակցությունները։ Այսօր, Արցախը հանձնելուց հետո, կապիտուլյանտը հնչեցնում է «ինչ ուզեմ, էն էլ կստորագրե՛մ» մոտեցումը։
Նիկոլը փորձում է համոզել ժողովրդին, թե Ալիևի հետ համաձայնեցված է Հայաստանի շահերին համապատասխանող փաստաթուղթ։ Նման բան չի կարող լինել ոչ մի պարագայում։ Չի կարող Հայաստանի շահերին համապատասխանել մի փաստաթուղթ, որին համաձայն է Ալիևը, փոխարենը՝ դա միանգամայն կարող է համապատասխանել Փաշինյանի շահերին, քանզի այդ գործիչների շահերը համընկնում են։
Փաշինյանն իրավունք չունի մասնակցել եռակողմ հանձնաժողովի աշխատանքներին
Իրավագիտական հանրության ներկայացուցիչները խոսում են այն մասին, որ խորհրդարանի կողմից երկու անգամ վարչապետ չընտրված մարդն իրավունք չունի պաշտոնակատարի կարգավիճակով ղեկավարել պետությունը, այլ կերպ ասած՝ Փաշինյանը յուրացրել է իշխանությունը, իսկ հիմա պատրաստվում է Ալիևի հետ ստորագրել ճակատագրական փաստաթուղթ, որը կորոշի պետական սահմանները՝ առանց խորհրդարանի և ՍԴ-ի կողմից իր ստորագրության վավերացման։
Փաշինյանն իրավունք չունի անմիջականորեն կամ միջնորդավորված մասնակցել եռակողմ հանձնաժողովի աշխատանքներին, իրավունք չունի փաստաթղթեր ստորագրել Հայաստանի Հանրապետության անունից, քանի որ հրաժարական է տվել և ապօրինաբար յուրացրել է վարչապետի պաշտոնակատարի լիազորությունները: Փաշինյանի օրինական կարգավիճակը սահմանափակվում է «Քաղաքացիական պայմանագիր» կուսակցության առաջնորդի լիազորություններով և այդպիսին կմնա ԿԸՀ-ի կողմից գրանցվելուց հետո, ընդհուպ մինչև հունիսի 20-ի համաժողովրդական կամարտահայտություն, իսկ ամենայն հավանականությամբ՝ նաև արտահերթ ընտրություններից հետո։
Նախօրեին ակտիվացան լուրերը ԱԳ նախարար Արա Այվազյանի հնարավոր հրաժարականի մասին։
ПОСЛЕДНИЕ ОТ АВТОРА
-
2025-06-12 09:10"Я не планирую каким-либо образом участвовать в выборах, соревноваться со Злом, придавая, тем самым, ему легитимность! Невозможно представить дело так, будто ты и он можете конкурировать. Нет, Господь наш не так поступил со Злом. Он игнорировал его, не говорил с ним напрямую, ограничился тем, что прогнал. Нельзя соревноваться со Злом!", - заявил лидер движения "Тавуш во имя Родины" архиепископ Баграт Галстанян. В этой ссылке на Господа скрыт глубокий смысл. Выборы – это соревнование, дискуссия, споры, аргументы, доказательства, наконец, здоровая конкуренция. Очень важно, с кем ты вступаешь в этот процесс. Как говорится: скажи, кто твой соперник, и я скажу, кто ты!
-
2025-06-11 09:15Пашинян объявил о необходимости "безотлагательного" (здесь и сейчас!) ответа на вопрос: есть ли у Католикоса Всех Армян ребенок? Народ гораздо больше интересует вопрос: когда Пашинян вызволит из азербайджанского плена 23 армян, включая восьмерых представителей военно-политического руководства Республики Арцах?! А еще народ волнует вопрос прекращения обстрелов приграничных сел, а теперь еще и проблема похищения людей. Агитпроп режима уже запустил в обращение байку о том, что за обстрелами и похищением несовершеннолетних стоит Россия, а Пашинян, дескать, не виноват, он хочет мира. "Нарушившие обет целомудрия священники не могут продолжить духовную службу!", - решительно объявил Пашинян. Вопрос: а главарь правящей верхушки, который за 7 лет принес народу 4 войны, - может продолжить пребывание на посту премьер-министра? Пашинян "забыл", что обет безбрачья священники давали не ему, а Господу Богу…
-
2025-06-10 09:06В главном военном управлении СК в рамках расследования уголовного дела о сдаче Республики Арцах, должностной халатности, проявленной в ходе войны, и передаче противнику оружия и боеприпасов был допрошен командир известной военной части "Егникнер" полковник армии Обороны Арцаха герой Арцаха Карен Джалавян ("Кех"). Этот допрос имел место параллельно с перманентными допросами пятого президента Республики Арцах Самвела Шахраманяна. Его полномочия на этом посту истекли 21 мая.
-
2025-06-07 08:58Политологи и общественные деятели, которые еще 2-3 месяца назад с пеной у рта защищали политику Пашиняна, в последние дни поумерили свой пыл. Некоторые даже посетили телеканалы власти, чтобы продемонстрировать несогласие с главарем правящей верхушки. Люди не хотят, чтобы их ассоциировали с Николом. О том, что политизированная армянская публика настроена против главаря правящей верхушки, свидетельствует отставка руководителя административной единицы Нор Норк, хотя после избиения 30 апреля блогера Артура Чахояна члены партии "Республика" вещали из всех щелей, что Тигран Тер-Маргарян в отставку не подаст.