ՔՊ-ի, ԲՀԿ-ի, ՀԱԿ-ի և մյուսների փաստաթղթերը կիսատ են․ ԿԸՀ-ն 48 ժամ է տվել շտկելու համար

Կենտրոնական ընտրական հանձնաժողովը խնդիրներ է հայտնաբերել մի շարք կուսակցությունների և դաշինքների ներկայացրած փաստաթղթերում, որոնցով նրանք դիմել են խորհրդարանական ընտրություններին մասնակցելու համար։

Արտահերթ նիստում ԿԸՀ-ն հրապարակել է որոշում, որի համաձայն` ընտրություններին մասնակցելու հայտ ներկայացրած 26 ուժերից 20-ը պետք է լրացնեն իրենց փաստաթղթերը։

Կիսատ փաստաթղթեր են ներկայացրել ինչպես խոշոր ուժեր՝ «Քաղաքացիական պայմանագիր», «Բարգավաճ Հայաստան», «Լուսավոր Հայաստան», «Հայ ազգային կոնգրես» կուսակցություններն ու «Պատիվ ունեմ» դաշինքը, այնպես էլ ավելի փոքր և նորակազմ ուժեր՝ «Ազատ Հայաստան», «Հանրապետություն», «Համահայկական ազգային պետականություն», «Հայոց հայրենիք», «Ազգային օրակարգ», «Քաղաքացու ընտրություն», «Ազգային ժողովրդավարական բևեռ», «Միացյալ հայրենիք», «Ինքնիշխան Հայաստան», «Զարթոնք»։

ՀՀ երկրորդ նախագահ Ռոբերտ Քոչարյանի գլխավորած «Հայաստան» դաշինքն այն եզակի ուժերից է, որ լրիվ է ներկայացրել ընտրությանը մասնակցելու համար անհրաժեշտ փաստաթղթերը, տեղեկացնում է Sputnik Armenia-ն։