2021-05-29 14:20
Информагентства
Ադրբեջանի սամբոյի հավաքականը որակազրկվել և հեռացվել է առաջնությունից
Մայիսի 26-29-ը Կիպրոսի Լիմասոլ քաղաքում անցկացվում է սամբոյի Եվրոպայի առաջնությունը, տեղեկացնում է Panorama.am-ը:
Մայիսի 26-ին կայացել է պատանիների առաջնությունը, 27-ին՝ երիտասարդների, մայիսի 28-ին մրցասպարեզը տրամադրվել էր տղամարդկանց, կանանց ու մարտական սամբոյի հավաքականների ներկայացուցիչներին: Հայաստանի սամբոյի ֆեդերացիայից հայտնում են, որ Հայաստանը ներկայացնող Արամ Աղաջանյանը նվաճել է բրոնզե մեդալ՝ մարտական սամբոյի 64 կգ քաշային կարգում:
Կիպրոսից Հայաստանի սամբոյի ֆեդերացիայի նախագահ Միքայել Հայրապետյանը ներկայացրել է նաև միջադեպը, որը տեղի է ունեցել առաջնության ժամանակ.
«Երբ 71 կգ քաշային կարգի եզրափակչում գոտեմարտում էին ՌԴ ներկայացնող Մագոմեդ Գաջիևը և ադրբեջանցի Էմիլ Հասանովը, և երբ հաղթանակը շնորհվեց ռուսաստանցուն, ախոյանը դրսևորեց ոչ մարզական պահվածք, ինչին հաջորդեց ամբողջ ադրբեջանական պատվիրակության հախուռն ու աղմկոտ մուտքը մրցագորգեր, սկսվեց քաշքուկ ու անկարգություն: Որպեսզի մենք՝ հայերս, որևէ առնչություն չունենանք, կարգադրեցի մեր բոլոր մարզիկներին, մարզիչներին դուրս գալ մարզապալատից»:
Սամբոյի միջազգային ֆեդերացիայի կայքի տեցեկատվության համաձայն. «Ադրբեջանի թիմը ոչ մարզական պահվածքի համար որակազրկվել և հեռացվել է առաջնությունից: Սամբոյի Եվրոպայի առաջնությունում ադրբեջանցի բոլոր սամբիստների արդյունքները չեղարկվել են»:
ПОСЛЕДНИЕ ОТ АВТОРА
-
2025-04-20 09:46«И если Христос не воскрес, то и проповедь наша тщетна, тщетна и вера ваша» (1 Коринфянам 15:14).
-
2025-04-20 09:44Чудо схождения Благодатного огня происходит накануне праздника Воскресения Христова по юлианскому календарю. В этом году все христианские конфессии отметят Пасху одновременно, ее дата совпадала для всех ветвей христианства.
-
2025-04-20 09:44Утро Великой Субботы начинается с того, что первой к храму Гроба Господня начинает двигаться армянская процессия с ключом от ворот.
-
2025-04-19 15:21COVID-19 возник в результате утечки из китайской лаборатории в Ухане. Об этом, как пишут Ведомости, сообщается на сайте Белого дома.