Նաիրա Զոհրաբյան․ Նիկոլը քայլում է դեպի EXIT

Նիկոլը քայլում է դեպի EXIT, վերջին աբդեյթներից հասկացա, որ հիմա էլ պիտի հպարտանանք մեր պարտությամբ: Այս մասին իր ֆեյսբուքյան էջում գրել է ԲՀԿ-ական պատգամավոր Նաիրա Զոհրաբյանը:

«Նիկոլը քայլում է դեպի EXIT

։Ու ընդհանրապես, Նիկոլի վերջին երկու օրերի անադեկվատ հայտարարություններից տպավորություն ունեմ, որ նա ամեն ինչ անում է ընտրություններում ջախջախվելու համար։

Նա սրընթաց գնում է դեպի EXIT։

Նաև Gallup-ի այսօր հրապարակած հարցումներից այլևս ակնհայտ է, որ Նիկոլը որևէ շանս չունի վերարտադրվելու։

Նա չի կարողանում մանիպուլացնել անգամ իր մշտական էլեկտորալ բազային և մնացել է «ադնակլասնիկում դրուզյա» սեքնդ-հենդ մորքուրների հույսին։

Նա հիմար չի։

Նա հրաշալի հասկանում է, որ հունիսի 21-ին չի ունենալու այլևս իշխանություն, եթե անգամ իր ծոցագրպանի դատախազը մի շարք հանրային դեմքերի «օնլայն» դատավճիռները հրապարակի, ինչի նախագիծը մի քանի օրից կբերվի խորհրդարան։

Հանրությանը «ժողովրդի դատի» հունական ագորայի միզանսցեն «կերցնելու» ակտը չի աշխատելու և հունիսի 20-ին Նիկոլի էլեկտորալ մասսան ավարտվելու է «ադնակլասնիկի դրուզյաներով»։

Նիկոլը դա գիտի։

Ու իմ տպավորությամբ, նրա վերջին երկու օրերի մտքի և բանականության «ստրիպտիզը» իր վերջին քայլերն են դեպի EXIT»,- գրել է նա, տեղեկացնում է News.am-ը։