2021-05-31 18:58
Информагентства
Աշոտ Մինասյան․ Ամբողջ սահմանային գծով ժողովրդին չի հատկացվում զենք-զինամթերք, որ ինքնապաշտպանվի
Պետական լրատվամիջոցները և մարզպետները շատ սահմանափակ տեղեկություններ են տալիս, որպեսզի ժողովուրդը չհասկանա, թե ինչ է կատարվում մեր սահմաններին։ Այս մասին այսօր՝ մայիսի 31-ին, լրագրողների հետ հանդիպմանն ասաց Սիսական ջոկատի հրամանատար, Մարտական խաչ առաջին աստիճանի շքանշանի ասպետ Աշոտ Մինասյանը։
«Այն, ինչ այսօր կատարվում է՝ իշխանությունը զավթած այսօրվա ղեկավարի հերթական մանիպուլյացիան է։ Ոչ միայն Սյունիքում, այլ նաև ամբողջ սահմանային գծով ժողովրդին չի հատկացվում այն զենք-զինամթերք, որ ժողովուրդն ինքնապաշտպանվի։ Դա հատուկ է արվում։ Սյունիքի համայնքապետները պատրաստ են իրենց սահմանները պաշտպանելու և ժողովրդին կոչ անելու, որ ժողովուրդն էլ դուրս գա հայրենիքը պաշտպանի։ Եվ ժողովուրդն էլ կլսի նրանց ու դուրս կգա։ Սակայն տկարամիտ իշխանությունները, բանակի տկարամիտ հրամանատարությունը, որի գլխին կանգնած է Վաղարշակ Հարությունյան կոչեցյալը, թույլ չտալով զինվել բնակչությանը, թույլ է տալիս, որ ստրկացված և կախյալ վիճակում հայտնվի հայ հասարակությունը»,- նշեց Աշոտ Մինասյանը։
Արցախյան երեք պատերազմների վետերան ազատամարտիկի կարծիքով՝ Նիկոլ Փաշինյանի նկատմամբ հավատը գնալով մարում է, որովհետև ժողովուրդն իր անվտանգությունը նրա հետ չի կապում, սակայն նրան հավատացողներ դեռ կան։
«Մեր հասարակության մեջ կան զոհվածների ծնողներ, որոնք անհասկանալի ձևով հավատում են այս պիղծ արարածներին։ Կան ծնողներ նաև, որոնք հավատում են, որ Նիկոլը փրկել է իրենց զավակներին։ Կան մարտական գործողությունների մասնակից տղաներ, որոնք հավատում են այն խաբկանքին, թե Նիկոլ Փաշինյանը փրկեց 30-35 հազար տղաների կյանք։ Մեր ժողովուրդը շատ միամիտ է, բայց այդքանից հետո հավատալ մեկին, որը մեր ազգը տարել է պարտության, զավակներին տարել է զոհվելու, քո հողը տվել է թշնամուն, մեղք է»,- ասաց նա։
Աշոտ Մինասյանի խոսքով՝ արտաքին գործերի նախկին նախարար Արա Այվազյանը, հրաժարական տալով, ինքն իրեն չի արդարացրել։
«Նախարարներին խղճում եմ, որ իրենք նման կերպարի հետ աշխատելու համաձայնություն են տվել։ Իրենք հավատացել են այդ մանիպուլյացիային, սակայն եթե ժամանակի ընթացքում հասկացել են, թե ով է այդ մարդը ու չեն հրաժարվել իրենից, ուրեմն՝ իրենք շատ թույլ մարդիկ են։ Արա Այվազյանն էլ իրեն չի արդարացրել, ինքը նրանցից մեկն է։ Երբ դանակը ոսկորին է հասել, ինքը նոր է գիտակցո՞ւմ, որ մենք պետություն ու պետականություն ենք կորցնում»,- ասաց Աշոտ Մինասյանը, տեղեկացնում է News.am-ը։
ПОСЛЕДНИЕ ОТ АВТОРА
-
2025-06-14 15:51Верховный лидер Ирана Али Хаменеи назначил Маджида Мусави командующим военно-космическими силами Корпуса стражей исламской революции Ирана, отвечающими за ракетный потенциал республики.
-
2025-06-14 15:48Иран официально уведомил Францию, Великобританию и США о том, что он начнет очень масштабные атаки против Израиля, сообщает Telegram-канал Mehr.
-
2025-06-14 15:47Азербайджан ожидает от Армении конкретных шагов по реализации Зангезурского коридора, который имеет стратегическое значение для всего региона. об этом заявил помощник президента Азербайджана Хикмет Гаджиев, выступая на панельной дискуссии «Средний коридор: новая геополитическая и экономическая линия жизни» в рамках форума GLOBSEC-2025.
-
2025-06-14 15:44Все представители Ирана, участвовавшие в переговорах с США по ядерной сделке, были убиты в ходе ударов Израиля по иранской территории. Об этом рассказал президент США Дональд Трамп в разговоре с журналисткой CNN Даной Баш.