2021-05-31 20:17
Информагентства
Armenia-ն նոր ինքնաթիռ է ձեռք բերել
Հայաստանում և աշխարհում համաճարակաբանական իրավիճակի բարելավման պես ավիաընկերությունները սկսում են նոր ուղղություններ բացել և կապեր հաստատել նախկին գործընկերների հետ։ Այս համատեքստում ակտիվ աշխատանք է տանում նաև հայկական ավիափոխադրողը։
Armenia ավիաընկերության պարկը համալրվել է նոր Boeing 737-800 օդանավով, և այժմ հայկական ավիափոխադրողը երեք գործող ինքնաթիռ ունի:
Sputnik Արմենիայի թղթակցի հետ զրույցում Armenia ավիաընկերության մարքեթինգի գծով մենեջեր Նելլի Կոստանդյանը հայտնեց, որ նոր օդանավը թույլ կտա ավելացնել թռիչքների ուղղություններն ու քանակը:
Երեկ «Զվարթնոց» միջազգային օդանավակայանում տեղի ունեցավ հայկական փոխադրողի ինքնաթիռի դիմավորման արարողությունը: Այժմ օդանավը հայկական կողմի հաշվեկշռում է ու մի քանի օրվա ընթացքում կսկսի թռիչքներ իրականացնել։
«Ինքնաթիռը համեմատաբար նոր է, ավիացիայի չափանիշներով կարելի է ասել, որ երիտասարդ է։ Մոդելը շատ հարմարավետ է, ունի 180 նստատեղ, որոնցից 168-ը էկոնոմ դասի է (12-ը՝ պրեմիում դասի) և 12 բիզնես դասի»,-ասաց Կոստանդյանը։
Նրա խոսքով՝ թռիչքների ուղղությունների ու հաճախության ավելացման վրա առաջին հերթին ազդում է Հայաստանում ու աշխարհի տարբեր երկրներում համաճարակաբանական իրավիճակի բարելավումը։
Կոստանդյանը նշեց, որ ավիաընկերությունն առաջիկայում նոր ուղղություններ է բացում` հունիսի 12-ից ինքնաթիռները կսկսեն շաբաթական երկու անգամ Երևան-Հուրգադա-Երևան ուղղությամբ չվերթներ իրականացնել:
Այժմ ավիաընկերությունն իրականացնում է շաբաթական 11 կանոնավոր չվերթ դեպի Մոսկվա, 4-ը՝ Թբիլիսի, մեկը՝ Վորոնեժ, մեկը՝ Մինվոդի, ինչպես նաև չարտերային թռիչքներ դեպի Իրան և մի շարք զբոսաշրջային ուղղություններ՝ Հունաստան, Կիպրոս, Խորվաթիա:
Հարցին` ինչ ազդեցություն կունենա հունիսի 1-ից Հայաստանի քաղաքացիների համար Վրաստանի ցամաքային սահմանների բացումը, Կոստանդյանն ընդգծեց, որ թռիչքների քանակի վրա դա չի ազդի:
Ավիաընկերությունը շարունակելու է նշված քանակությամբ Երևան-Թբիլիսի և հակառակ ուղղությամբ չվերթներ իրականացնել։
ПОСЛЕДНИЕ ОТ АВТОРА
-
New2025-07-21 05:11Постоянный представитель Республики Арцах во Франции Ованнес Геворкян обратился с открытым письмом к президенту Франции Эммануэлю Макрону в связи с визитом французского посла в оккупированный Шуши.
-
2025-07-19 15:51Нижняя палата двухпалатного федерального парламента Бельгии – Палата представителей, единогласно приняла резолюцию «О ситуации в Нагорном Карабахе и необходимости мира на Южном Кавказе».
-
2025-07-19 15:25Азербайджанская диаспора в Подмосковье, вероятно, будет расформирована – об этом в разговоре с Газетой.Ru сообщил бывший руководитель организации Эльшан Ибрагимов. По его словам, в текущих условиях желающих заниматься деятельностью диаспоры практически не осталось.
-
2025-07-19 15:19Запад не сможет обеспечить безопасность Армении и дать ей какие-либо гарантии, заявил РИА Новости глава Союза армян России Ара Абрамян.