2021-06-02 14:56
Информагентства
Թուրքիան հետ կուղարկի S-400 հրթիռային համակարգերի ռուս փորձագետներին՝ ԱՄՆ-ի պահանջով
Թուրքիան հայտարարել է, որ հետ կուղարկի S-400 հրթիռային համակարգերի ռուս փորձագետներին, քանի որ այն բարդություններ է առաջ բերել ԱՄՆ-ի հետ հարաբերություններում: Այս մասին գրում է Ամերիկայի Ձայնը՝ հղում անելով Bloomberg-ին:
Գործակալությունը նշել է, որ հայտարարությունն արվել է Բրյուսելում ՆԱՏՕ-ի գագաթաժողովի շրջանակներում Թուրքիայի նախագահ Ռեջեփ Թայիփ Էրդողանի և ԱՄՆ-ի նախագահ Ջո Բայդենի նախատեսված հանդիպման նախօրեին:
Վաշինգտոնը հայտարարել է, որ Թուրքիան պետք է դադարեցնի երկրում ռուս անձնակազմի ներկայությունը, որոնք մարզում և օգնում են հրթիռների սարքավորման աշխատանքներում:
Այնուամենայնիվ, Թուրքիայի արտգործնախարար Մևլութ Չավուշօղլուն, ում խոսքերով փորձագետների հեռանալուց հետո համակարգը կգտնվի Թուրքիայի վերահսկողության տակ, կրկնել է, որ Անկարան զիջումների չի գնա հրթիռներից ազատվելու Վաշինգտոնի ավելի լայն պահանջի վերաբերյալ, չնայած այն հանգամանքին, որ դա է Վաշինգտոնը համարում համապատասխան պատժամիջոցներից հրաժարվելու նախապայման:
«S-400-ը 100 տոկոսով կլինի մեր վերահսկողության տակ: Մենք տեխնիկական հարցերով բազմաթիվ մասնագետների ենք ուղարկել վերապատրաստման: Ռուս ռազմական փորձագետները չեն մնա Թուրքիայում», - հայտարարել է Չավուշօղլուն՝ Հունաստան կատարած այցի ընթացքում։
Այնուամենայնիվ, նա մերժել է հրթիռները չակտիվացնելու ԱՄՆ-ի կոչերը:
«Մենք չեք կարող ընդունել դրանք չօգտագործելու մասին այլ երկրի կոչերը», - ասել է նա:
Չավուշօղլուն ասել է, որ նախքան երկու երկրների ղեկավարների միջև հանդիպումը, ինքը Վաշինգտոնում կամ Անկարայում հանդիպում է ունենալու ԱՄՆ պետքարտուղար Էնթոնի Բլինքենի հետ, տեղեկացնում է Panorama.am-ը:
ПОСЛЕДНИЕ ОТ АВТОРА
-
New2025-07-17 18:45Официальный представитель МИД России Мария Захарова, сегодня, 17 июля, на брифинге прокомментировала заявление главы Евросовета Антониу Кошты и главы Еврокомиссии Урсулы фон дер Ляйен о намерении инвестировать в Армению не менее 2,5 млрд. евро.
-
New2025-07-17 18:42Заместитель председателя партии "Армянский национальный конгресс" Левон Зурабян обнародовал детали проекта карабахского урегулирования, предложенного Минской группой ОБСЕ премьеру Николу Пашиняну в 2019 году.
-
New2025-07-17 18:41Суд в Ереване изменил меру пресечения матери троих детей Лиане Арутюнян, которая была помещена в СИЗО с восьмимесячной дочерью, сообщила Sputnik Армения ее адвокат Заруи Постанджян.
-
New2025-07-17 17:19Романос Петросян освобожден от должности руководителя Службы государственного контроля Армении. Об этом Новости Армении – NEWS.am сообщили в пресс-службе Правительства республики.