Последние новости

Ֆրանսիան բացվում է պատվաստված օտարերկրյա զբոսաշրջիկների համար

Ֆրանսիան բացվում է պատվաստված օտարերկրյա զբոսաշրջիկների առջև՝ վերացնելով կորոնավիրուսի ախտորոշման թեստերի անհրաժեշտությունը պատվաստված եվրոպացիների համար և թույլ տալով, որպեսզի պատվաստված զբոսաշրջիկներն աշխարհի մեծ մասից այցելեն երկիր բացասական արդյունքի առկայության դեպքում, հաղորդում է AP-ն:

Մեղմացված կանոններն ուժի մեջ կմտնեն հաջորդ շաբաթ, ինչը խթան կհաղորդի Ֆրանսիայում զբոսաշրջության ոլորտի զարգացմանը: Սակայն զբոսաշրջությունը հնարավոր չի լինի այն երկրներից, որոնք բախվում են կորոնավիրուսի նոր ալիքին: Այս «կարմիր ցուցակը» ներկայումս ընդգրկում է 16 երկիր, այդ թվում` Հնդկաստանը, Հարավային Աֆրիկան ​​և Բրազիլիան:

Եվրոպայից դուրս մնացած աշխարհի մեծ մասը «ճանապարհորդության» նոր կանոնագրքում որպես «նարնջագույն» է դասվում:

«Նարնջագույն» երկրներից, այդ թվում՝ ԱՄՆ-ից և Մեծ Բրիտանիայից պատվաստված այցելուները ժամանումից հետո այլևս կարիք չեն ունենա կարանտին մտնել և այլևս չպետք է ներկայացնեն Ֆրանսիա մեկնելու իրենց պատճառները: Սակայն նրանք պետք է ժամանումից 72 ժամ առաջ հանձնած ՊՇՌ թեստի բացասական արդյունք ներկայացնեն:

Եվրոպացի այցելուները յոթ «կանաչ» երկրից` Ավստրալիայից, Հարավային Կորեայից, Իսրայելից, Ճապոնիայից, Լիբանանից, Նոր Զելանդիայից և Սինգապուրից, պատվաստված լինելու դեպքում թեստավորման կարիք այլևս չեն ունենա, տեղեկացնում է News.am:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ