Խաչատուրով. եթե այդ այլանդակները չլինեին, պատերազմ չէր լինի (ՏԵՍԱՆՅՈՒԹ)

Իշխանության կոպտագույն սխալները հանգեցրեցին պատերազմում պարտության: Այս մասին Գորիսում «Հայաստան» դաշինքի հանրահավաքի ժամանակ հայտարարեց ՀԱՊԿ նախկին գլխավոր քարտուղար, գեներալ-գնդապետ Յուրի Խաչատուրովը:

«Ուզում եմ նախ արձագանքել ժամանակավոր իշխանության որոշ հայտարարությունների: Վարչապետի ժամանակավոր պաշտոնակատարը խոսում է ինչ-որ կոնֆետների մասին: Մենք գիտենք քաղցրի, ելակի նկատմամբ նրա թուլության մասին:

Նրա սիրելի Ալենչիկը երբեք էլ չի մաքրվի, ինչքան էլ լողանա: Բանակի մասին այլևս ոչինչ չեն կարող ասել: Նրանք չգիտեն, որ 1994 թվականի պատերազմից հետո ոչինչ չի եղել՝ ո՛չ զորանոց, ո՛չ հրաձգարան. ո՛չ զենք: Ամեն ինչ ստեղծվել է հետպատերազմական տարիներին և սկսվել 90-ական թվականների վերջին:

Ասում են, որ պատերազմն անհնար էր հաղթել, որ այն նախապես պարտված էր: Դա սուտ է, ընկերներ: Իշխանության կոպտագույն սխալները հանգեցրեցին պատերազմում պարտության: Ամենամեծ սխալն այն էր, որ պաշտպանության բանակը լրիվ մարտական պատրաստվածության չէր բերվել: Այդքան կոպտագույն սխալները հանգեցրեցին պարտության: Նույնիսկ 3 տարում թուլացած բանակը կարող էր հաղթել կամ վատագույն դեպքում հակառակորդին թողնել հեռավոր սահմաններում, սակայն ոչ այստեղ, Սև լճում, Կապանում:

Մեզ ուզում են վախեցնել: Ուզում եմ հաստատել Իշխան Սաղաթելյանի խոսերը: Նոր ղեկավարները պատերազմ չեն ուզում: Նրանք գիտեն՝ ինչ է պատերազմը, կորցրել են ընկերների, նրանք կանեն ամեն ինչ, որպեսզի պատերազմ չլինի:

Եթե այդ այլանդակները չլինեին, պատերազմ չէր լինի:

Մենք կհաղթենք միասին, իշխանությունը կփոխվի, և Հայաստանն ապագա կունենա: Պարզապես իշխանափոխությունից հետո պետք է համբերատար լինել, շատ աշխատել: Բոլորին հաջողություն և հաղթանակ եմ բաղթում: Առողջ եղեք»,-հայտարարել է Խաչատուրովը, տեղեկացնում է News.am-ը: