2021-06-10 09:22
Информагентства
ԵԽ-ում Երևանին և Բաքվին կոչ են արել ականազերծման համար տեղեկատվության փոխանակում սկսել
Եվրախորհրդարանականները Հայաստանին և Ադրբեջանին կոչ են արել փոխանակել հասանելի տեղեկատվությունը՝ արդյունավետ ականազերծումը շարունակելու համար: Այս մասին ասվում է Հարավային Կովկասի հետ կապերի գծով պատվիրակության ղեկավար, Եվրախորհրդարանի պատգամավոր Մարինա Կալյուրանդի, Հայաստանի հարցերով մշտական զեկուցող, Եվրախորհրդարանի պատգամավոր Անդրեյ Կովաչովի և Ադրբեջանի հարցերով զեկուցող, Եվրախորհրդարանի պատգամավոր Ժելյանա Զովկոյի համատեղ հայտարարության մեջ, տեղեկացնում է News.am-ը:
Նրանք ափսոսանք են հայտնել հունիսի 4-ին երեք ադրբեջանցիների մահվան կապակցությամբ, որոնք մահացել են ականի պայթյունից Քարվաճառում, որը Արցախի դեմ Ադրբեջանի ագրեսիայի հետևանքով ադրբեջանական կողմի վերահսկողության տակ է հայտնվել:
«Երկու կողմերն էլ պարտավոր են համագործակցելու պարտավորություն վերցնել իրենց վրա և հասանելի տեղեկատվություն փոխանակել` արդյունավետ ականազերծումը շարունակելու և հետագա ողբերգությունները կանխելու համար: Նրանք նաև պետք է անհապաղ քայլեր ձեռնարկեն փոխադարձ վստահության և հաշտեցման հիմնական խոչընդոտները վերացնելու ուղղությամբ՝ սկսած մնացած բոլոր գերիների ազատ արձակումից, հրահրող հռետորաբանությունից հրաժարվելուց, վիճահարույց սահմանային շրջաններից զորքերը հեռացնելուց և հակամարտության երկարաժամկետ կարգավորման ու Լեռնային Ղարաբաղի ապագա կարգավիճակի վերաբերյալ բանակցությունների վերսկսումից։
Ցամաքային ականներն իրենց բնույթով անխտիր գործողության զենք են, որոնք չեն կարող տարբերակել քաղաքացիական և ռազմական թիրախները, և ցավալի է այն փաստը, որ ոչ Հայաստանը, ոչ Ադրբեջանը չեն հանդիսանում 1997թ. «Հակահետևակային ականների արգելքի մասին կոնվենցիայի (Օտտավայի պայմանագիր) մասնակից:
Մենք կոչ ենք անում կողմերին պայմանավորվել Կոնվենցիային միաժամանակ միանալու մասին՝ ոչ միայն որպես վստահության ամրապնդման միջոց, և առաջարկել նրանց հրապարակավ հայտարարել հնարավորինս շուտ նման համատեղ քայլ կատարելու պատրաստակամության մասին»:
ПОСЛЕДНИЕ ОТ АВТОРА
-
New2025-06-07 12:45В эфире Alpha News политолог, эксперт Фонда стратегической культуры Андрей Арешев прокомментировал армяно-российские отношения и подчеркнул, что в Армении есть связанные с властью силы, которые делают ставку на деградацию отношений.
-
New2025-06-07 11:10Федеральный апелляционный суд постановил, что президент США Дональд Трамп может не допускать журналистов в Овальный кабинет, на борт самолета Air Force One и другие «ограниченные помещения» на основании их редакционных решений, сообщает Bloomberg.
-
New2025-06-07 11:08Кандидатом в премьер-министры от бывшей правящей Республиканской партии Армении (РПА) в процессе импичмента Николу Пашиняну станет зампредседателя партии Армен Ашотян, пишет газета «Грапарак» со ссылкой на источники.
-
New2025-06-07 11:07Российский сенатор Александр Карелин надеется, что Армения и Россия смогут пережить неурядицы и жить в атмосфере добрососедства и взаимопонимания. Об этом он сказал Sputnik Армения в кулуарах 10-го армяно-российского межрегионального форума в Ереване.