2021-06-10 11:33
Информагентства
ԵՄ–ն պատրաստ է 3 մլն եվրո տրամադրել Հայաստանին «կոնյակ» անվանումից հրաժարվելու դիմաց
Եվրոպան պատրաստ է 3 մլն եվրո տրամադրել Հայաստանին «կոնյակ» անվանումից հրաժարվելու դիմաց։ ՀՀ կառավարությունն այսօրվա նիստում հավանության արժանացրեց Հայաստանի Հանրապետության և Եվրոպական Միության միջև ստորագրված աջակցության համաձայնագիրը։
Ֆինանսավորման համաձայնագրի նպատակն է խթանել «Կոնյակ» աշխարհագրական նշումի օգտագործման սահուն և արդյունավետ դադարեցումը, ինչպես նաև աջակցել հայկական կոնյակի նոր անվանումով արտահանմանը և արտաքին շուկաներում դրա մրցունակ դիրքի պահպանմանը։
«Ծրագրի իրականացմանն ուղղված գործողություններից է հայկական կոնյակի անվանման օգտագործումը դադարեցնելու և նոր անվանումը խթանելու համար լիազորված համապատասխան մարմինների համար կարողություննների զարգացումը, նոր ապրանքանիշի մշակումը` հիմնված ընթացիկ նախաձեռնությունների ուսումնասիրության և գնահատման, տեղական ու արտահանման ավանդական շուկաների համար նախատեսված շուկայահանման պլանի հիման վրա՝ ներառելով ապրանքանիշի դիրքավորումը, գաղափարախոսությունը, պատմության ներկայացումը, անվանումը, կարգախոսը, տարբեր թիրախային շուկաների համար գովազդային արշավի ճանապարհային քարտեզը և այլն»,– ասված է կառավարության ընդունած որոշման հիմնավորումներում։
Ծրագիրը ֆինանսավորվելու է ԵՄ բյուջեից` Եվրոպական հարևանության գործիքի շրջանակներում: Ծրագրի իրականացման վերահսկողությունը դրվելու է Հայաստանում ԵՄ պատվիրակության ու ՀՀ Էկոնոմիկայի նախարարության վրա, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-06-13 12:13Иранские власти сообщили Международному агентству по атомной энергии (МАГАТЭ), что ядерные объекты в Исфахане и Фордо не пострадали. Об этом заявил глава МАГАТЭ Рафаэль Гросси. Его слова приводит ТАСС.
-
New2025-06-13 12:11МИД Армении осудил атаку Израиля на Иран и призвал к немедленному прекращению боевых действий.
-
New2025-06-13 12:10Цены на нефть взлетели на 13% на фоне опасений, что конфликт может ограничить поставки.
-
New2025-06-13 11:44Военные удары израильских сил по Тегерану унесли жизни по меньшей мере шести иранских ученых-ядерщиков, сообщает Tasnim.