2021-06-10 13:24
Информагентства
Կարեն Շահրամանյանը նշանակվել է Արցախի նախագահի աշխատակազմի ղեկավար
Արցախի Հանրապետության նախագահ Արայիկ Հարությունյանը հունիսի 10-ին ստորագրել է հրամանագիր, համաձայն որի՝ Կարեն Շահրամանյանը նշանակվել է Արցախի Հանրապետության նախագահի աշխատակազմի ղեկավար՝ ազատվելով ԱՀ կադաստրի և պետական գույքի կառավարման կոմիտեի նախագահի պաշտոնից: Այս մասին News.am-ը տեղեկանում է Արցախի նախագահի աշխատակազմից։
Նույն օրը երկրի ղեկավարն աշխատակազմին է ներկայացրել նորանշանակ ղեկավարին։ Իր խոսքում նախագահ Հարությունյանը նշել է, որ կադրային այս որոշումը պայմանավորված է Կարեն Շահրամանյանի անցած ճանապարհով, պետական կառավարման ոլորտում ունեցած մեծ փորձով, մասնագիտական գիտելիքներով և մարդկային որակներով՝ հույս հայտնելով, որ հետպատերազմյան բարդ շրջանում նա այս պաշտոնում ևս կանի առավելագույնը պետական համակարգի արդյունավետ աշխատանքի կազմակերպման համար։
Նախագահի խոսքով՝ այս փուլում խնդիրներն ու անելիքները շատ են, և Կարեն Շահրամանյանը կշարունակի իրականացնել իր լիազորությունները՝ որպես 2020 թվականի սեպտեմբերի 27-ին Արցախի Հանրապետության դեմ սանձազերծված պատերազմի հետևանքով նյութական վնաս կրած ֆիզիկական և իրավաբանական անձանց աջակցության պետական հանձնաժողովի, ինչպես նաև Բնակարանային հարցերի համակարգման հանձնաժողովի նախագահ։
Հանդիպմանը մասնակցում էր նաև ԱՀ պետական նախարար Արտակ Բեգլարյանը:
ПОСЛЕДНИЕ ОТ АВТОРА
-
New2025-04-03 19:39В Иране следят за развитием событий и поведением Азербайджан. Об этом в беседе с журналистами 3 апреля заявил глава «Фонда развития сотрудничества Армения-Иран» Пуйя Хоссейни.
-
New2025-04-03 19:37Мы будем неустанно добиваться выполнения наших требований и не пойдем ни на какие компромиссы. Об этом заявила во время акции протеста у здания правительства Армении 3 апреля депутат парламента Арцаха Метаксе Акопян.
-
New2025-04-03 19:35Никакого отступления по части программы «40+10» не будет, правительство не будет пересматривать свое решение. Об этом заявил на встрече с арцахцами 3 апреля вице-премьер Армении Тигран Хачатрян.
-
New2025-04-03 19:31Армения и Иран могут наладить сотрудничество в сфере поставок вооружения, обмена разведанными и в других аспектах в области безопасности. Об этом в беседе с журналистами 3 апреля заявил глава «Фонда развития сотрудничества Армения-Иран» Пуйя Хоссейни.