2021-06-11 17:35
Информагентства
Փաշինյանը պետք է Խաչատրյաններից ներողություն խնդրի
ՀՀ վերաքննիչ դատարանը մերժել է վարչապետի պաշտոնակատար Նիկոլ Փաշինյանի ներկայացուցչի բողոքը։ Տեղեկությունը հայտնում է Խաչատրյանների փաստաբանական թիմը։ «Խաչատրյաններն ընդդեմ Նիկոլ Փաշինյանի» գործով Վերաքննիչ դատարանի հրապարակված որոշմամբ արձանագրվել են վիրավորանքի և զրպարտության հասցեականությունը և առկայությունը, փաստական հիմքերի բացակայությունը և այլն։ Դատարանը նաև արձանագրել է, որ Նիկոլ Փաշինյանն իր միջնորդավորված խոսքով (մամուլի խոսնակ Մանե Գևորգյանի գրառմամբ) Գագիկ, Գուրգեն և Արտյոմ Խաչատրյանների անունները կապել է «մաֆիոզ համակարգ» եզրույթի հետ, և դա զուրկ է եղել որևէ փաստական հիմքից, տեղեկացնում է Sputnik Armenia-ն։
«Մասնավորապես բացակայել է վերջիններիս առնչությունը որևէ քրեական գործի հետ, որն ուղղակիորեն կապված է ՀՀ քրեական օրենսգրքով հանցավոր համագործակցություն ստեղծելու կամ ղեկավարելու կամ հանցավոր համագործակցությանը մասնակցելու հետ։ Եվ Վերաքննիչ դատարանի գնահատմամբ՝ Գագիկ Խաչատրյանին ՀՀ քրեական օրենսգրքի 179-րդ հոդվածի 3-րդ մասի 1-ին կետով նախատեսված արարքի մեղսագրումը դեռևս հիմք չէ նրան և նրա որդիներին կոռուպցիոն, մաֆիոզ համակարգ ղեկավարելու մասով հրապարակային պնդումներ հնչեցնելու համար։ Բացի այդ, քաղաքացիական գործի նյութերում բացակայում է գրառմամբ մեջբերված մի շարք էպիզոդներով, մասնավորապես` UCOM ընկերության կոռուպցիոն ծագմամբ փայաբաժնի մասով որևէ վարույթի վերաբերյալ տեղեկատվություն կամ փաստական տվյալ»,- գրված է Վերաքննիչ դատարանի վճռում։
Վերաքննիչ դատարանը նաև արձանագրել է, որ բացակայել է Գագիկ, Գուրգեն և Արտյոմ Խաչատրյանների առնչությունն այնպիսի քրեական գործի հետ, որն օբյեկտիվորեն հիմք կտար պնդելու, որ վերջիններս ՀՀ-ում «ղեկավարել են մաֆիոզ համակարգ, այդ համակարգի ղեկավարման ընթացքում կուտակել են մի քանի հարյուր միլիոն դոլարի ապօրինի հարստություն»։
Դատարանը նաև ընդգծել է, որ լրատվամիջոցների չստուգված հրապարակումները չէին կարող հիմք դառնալ «ՀՀ վարչապետի մակարդակով նման բովանդակություն պարունակող հայտարարությունների համար՝ «նաև նկատի ունենալով այն հանգամանքը, որ վերջինս ունենալով ամենալայն լիազորությունները և տիրապետելով բազմաթիվ ռեսուրսների, ցանկացած տեղեկատվություն կարող էր ստուգել և խույս տալ ապատեղեկատվությունից»։
ПОСЛЕДНИЕ ОТ АВТОРА
-
2025-04-17 19:48Чем ближе мы будем подходить ко дню выборов (неважно, внеочередных или очередных), тем богаче станет внутриполитический дискурс в Армении: все громче будет звучать вопрос – «кто привел Никола Пашиняна к власти?». Кто-то будет оправдывать, а народ будет делать из этого выводы. Пашинян же, со своей стороны под давлением обстоятельств будет все более и более откровенным.
-
2025-04-17 19:45Судья Конституционного суда Ваге Григорян подал заявление об отставке.
-
2025-04-17 19:43Молодые представители движения «Священная борьба» продолжают акцию протеста у здания мэрии Еревана. Они проводят акцию протеста под названием «Не доверяем власти Никола Пашиняна».
-
2025-04-17 19:40В Гегаркуникской области все спокойно, ничего тревожного нет. Об этом в беседе с журналистами после заседания правительства заявил губернатор Карен Саркисян.