Արմեն ԳԵՎՈՐԳՅԱՆ․ ԲԱՑԱՌԻԿ ԽԵԼԱՀԵՂՈՒԹՅՈՒՆ ԿԼԻՆԻ ԿԵՂԾԵԼ ԸՆՏՐՈՒԹՅԱՆ ԱՐԴՅՈՒՆՔՆԵՐԸ
«Հայաստան» դաշինքի նախընտրական շտաբի ղեկավար Արմեն Գեվորգյանը հայտարարությամբ է հանդես եկել։
«Միանգամայն կանխատեսելի էր, որ պատերազմը պարտված անձը, որը մահվան է ուղարկել 5000 տղաների, ով խեղել է ավելի քան 10000 մարդու կյանք և չի հեռացել իշխանությունից, նաև ընտրական գործընթացը կազմակերպելու էր իր պատկերացումներին և ընկալումներին համապատասխան: Եվ այդ գործընթացը ոչ մի ընդհանուր բան չունի քաղաքակիրթ ընտրական գործընթացի կանոնների հետ: Հենց իշխանությունն ամեն գնով պահելու մղում ունեցողների հիվանդագին երևակայության մեջ կարող էր պետական-վարչական ռեսուրսի օգտագործման նման հատուկ համակարգ ուրվագծվել:
Ներկայացնում եմ ընտրական գործընթացում առավելություն ստանալու նպատակով իշխանությունների կողմից իրենց տիրապետած պետական հնարավորությունների անօրինական օգտագործման ամբողջ համակարգը:
1. Անմիջականորեն ընտրություններից առաջ հիմնական կանոնների փոփոխությունները: Ընտրական օրենսգրքում կատարված փոփոխությունները չեն ստորագրվել ՀՀ նախագահի կողմից, ինչն ամբողջ այս գործընթացի կիսալեգիտիմության խորհրդանիշ է արդեն:
2. Ընդդիմախոսների դեմ իրավական ահաբեկման իրականացում.
- Քրեական գործերի հարուցում կամ նոր մեղադրանքներ ներկայացում,
- Ոստիկանության մարմիններ «բերման ենթարկելը» և բռնության գործադրումը,
- Անհասկանալի «բացատրական զրույցները» ուժային կառույցներում,
- Անվտանգության մարմիններում պետական ապարատի հետ “աշխատելու” նպատակով հատուկ խմբերի ձևավորում,
- Ընդդիմախոսներին լրտեսելը և հեռախոսների գաղտնալսումը։
3. Վարչական ռեսուրս.
- Այլ կարծիք ունեցողների ազատում աշխատանքից,
- Նոմինալ իշխանության հանրահավաքներին պետծառայողներին մասնակցելու հարկադրում,
- Մանուկների, դպրոցականների, դեռահասների զանգվածային ներգրավում, շահագործում,
- Ահռելի քանակությամբ ոստիկանների և անվտանգության ուժերի ներկայացուցիչների ներգրավում՝ վարչապետի պաշտոնակատարի ապահովության համար:
4. Պետական բյուջեի միջոցների օգտագործումը՝ նախընտրական նպատակներով.
- Անապահով ընտանիքներին նյութական, ֆինանսական օգնության տրամադրում,
- Բյուջետային նոր սուբսիդիաներ տրամադրելու վերաբերյալ խոստումներ,
- Ծառայություններ մատուցելու վերաբերյալ ժամանակավոր պայմանագրերի կնքում տարածքային կառավարման մարմիններում,
- Ընտրությունների նախօրեին գյուղական համայնքներին գյուղտեխնիկայի և այլ սարքավորումների տրամադրում:
5. Հանրային հեռուստաընկերության կողմնակալ աշխատաոճը՝ բացահայտորեն վարչապետի պաշտոնակատարի նախընտրական շահերի սպասարկում:
6. Քարոզարշավի ընթացքում վարչապետի պաշտոնակատարի ագրեսիվ և ոչ ադեկվատ պահվածքը, ելույթները, բռնության և քաղաքական ու քաղաքացիական վենդետաների կոչերը, զանգվածային կադրային ջարդի սպառնալիքը։
Եվ այս ամենը տեղի է ունենում լռելյայն համաձայնության պայմաններում մեր արտաքին գործընկերների, որոնցից յուրաքանչյուրի համար առանձին նշանակություն ունեն հայ ժողովրդի վրա կատարվող այս էքսպերիմենտի արդյունքները: Որոշները ցանկանում են հասկանալ, թե ինչը շտկեն տեխնոլոգիաներում՝ այս փորձը աշխարհում ավելի լայն ու էֆեկտիվ տարածելու համար, իսկ մյուսները մտածում են, թե ինչպես անեն, որ հանկարծ այն չհասնի իրենց երկրներ:
Բացառիկ խելահեղություն կլինի գնալ անօրինականության վերջին քայլին՝ կեղծել ընտրության արդյունքները։
Հայաստանը ունի բացառիկ շանս՝ հունիսի 21-ից սկսելու ներքին համերաշխության և ազգային վերելքի նոր էջ։
Դրա համար պահանջվում է, որ բոլորը վերադառնան օրենքի շրջանակներ, ցուցաբերեն քաղաքական և քաղաքացիական սթափություն, իսկ իրավապահները մնան չեզոք և կատարեն բացառապես օրենքից բխող իրենց պարտականությունները», - ասված է հայտարարությունում։
ПОСЛЕДНИЕ ОТ АВТОРА
-
2025-06-11 13:44
Массовые акции протеста в США перекинулись на Сан-Франциско, Даллас, Чикаго, Атланту, Тампу, Хьюстон и Нью-Йорк, сообщают американские СМИ.
-
2025-06-11 13:41
Член Совета по защите прав граждан Арцаха Нжде Искандарян назначен госминистром Нагорного Карабаха. Об этом он 11 июня сообщил на встрече с журналистами.
-
2025-06-11 13:38
Число погибших в результате взрыва в жилом доме на улице Гарегина Нжде в Чамбараке достигло 3. Спасатели извлекли из-под завалов еще одно тело.
-
2025-06-11 13:37
Губернатор Сюникской области Армении Роберт Гукасян рассказал об обстановке в регионе. Как заявил Гукасян в беседе с журналистами, по ночам время от времени раздаются выстрелы. Он добавил, что после последних сообщений случаев обстрела жилых домов не фиксировалось. Губернатор отметил, что Азербайджану своими обстрелами не удалось посеять панику среди жителей Сюника.