2021-06-18 17:04
Информагентства
0
«Տաշիր» ընկերությունում Ադրբեջանի մեղադրանքները Սամվել Կարապետյանի նկատմամբ աբսուրդ են որակել
«Տաշիր» ընկերությունների խումբը աբսուրդ է որակել դրա նախագահ Սամվել Կարապետյանին ուղղված Ադրբեջանի մեղադրանքները: «Ադրբեջանի կողմից «Տաշիր» ընկերությունների խմբի նախագահ Սամվել Կարապետյանին առաջադրված բոլոր մեղադրանքներն աբսուրդ են և ոչ մի հիմք չունեն»,- ասված է ընկերության արտաքին կապերի վարչության հայտարարության մեջ, հաղորդում է «ՌԻԱ Նովոստի»-ն:
Ընկերությունում հայտարարել են, որ Կարապետյանի դեմ հարուցված քրեական գործը, որի մասին ուրբաթ հայտնել է Ադրբեջանի գլխավոր դատախազությունը, հարուցվել է քաղաքացիական ինքնաթիռներով Լեռնային Ղարաբաղի հակամարտության գոտի զենք տեղափոխելու շինծու մեղադրանքով: «Այն, որ Ադրբեջանի իշխանությունները շարունակում են կեղծ մեղադրանքներ ներկայացնել Ռուսաստանի Դաշնության քաղաքացի հանդիսացող անձանց համար, զարհուրելի և անընդունելի է»,- ասել են ընկերության մամուլի ծառայությունից:
«Ես զարմանում եմ, թե ինչպես են Ադրբեջանի իշխանությունները համառորեն շարունակում կենտրոնանալ իրենց ֆանտազիաների վրա: Ավելի լավ կլիներ, որ իրենց էներգիան ուղղեին տարածաշրջանի վերականգնմանը, որը նրանք ոչնչացրին»,- Կարապետյանի խոսքը մեջբերել է մամուլի ծառայությունը:
Միևնույն ժամանակ ընկերությունը նշել է, որ «Տաշիր» ընկերությունների խմբի նախագահը տարիներ շարունակ նախաձեռնել և իրականացրել է բացառապես սոցիալական և հումանիտար ծրագրեր Հայաստանում և Լեռնային Ղարաբաղում. կառուցվել են դպրոցներ, հիվանդանոցներ, մանկապարտեզներ, եկեղեցիներ: «Արդյունքում այդ օբյեկտներից մի քանիսը ոչնչացվեցին ադրբեջանական բանակի կողմից: Ընդ որում, զոհվեցին բազմաթիվ խաղաղ բնակիչներ»,- ասել են մամուլի ծառայությունից: «Տաշիր» ընկերությունների խումբը և անձամբ Սամվել Կարապետյանը մարդասիրական օգնություն են ցուցաբերել և շարունակում են ցուցաբերել ռազմական բախման ընթացքում տուժած հայ ժողովրդին և խաղաղ բնակիչներին», - ասվում է հաղորդագրության մեջ, տեղեկացնում է News.am-ը:
ПОСЛЕДНИЕ ОТ АВТОРА
-
New2024-11-25 12:21Турция запретила въезд канадскому журналисту Нилу Хауэру, направлявшемуся из Еревана в Стамбул. Об этом он написал в соцсети X.
-
New2024-11-25 12:19В номом правительстве Грузии будет три новых министра: Мака Бочоришвили возглавит МИД, Анри Оханашвили – министерство юстиции, а Давид Сонгулашвили – министерство окружающей среды и сельского хозяйства, заявил премьер-министр Ираклий Кобахидзе. Его слова приводит Sputnik Грузия.
-
New2024-11-25 12:17Аэропорт "Сюник" в Капане проходит модернизацию: установка нового оборудования повысит безопасность полетов и сократит количество отмен рейсов из-за плохих погодных условий. Об этом рассказал директор аэропорта Карен Варданян в интервью Sputnik Армения.
-
New2024-11-25 12:17Работа школ Бейрута приостановлена из-за разрушений от израильских авиаударов. Об этом сообщил катарский телеканал Al Jazeera.