2021-06-20 13:09
Информагентства
Վահե Հակոբյան․ Իրենք Սյունիքում ջախջախիչ պարտություն են տանելու
«Վերածնվող Հայաստան» կուսակցության նախագահ, «Հայաստան» դաշինքի անդամ Վահե Հակոբյանը քվեարկեց 4/53 ընտրական տեղամասում։
«Հայաստան դաշինքի հաղթանակը լինելու է համոզիչ և տպավորիչ։ Չեմ բացառում նաև, որ անելանելի վիճակներից կփորձեն բախումների տանել։ Բայց մենք սադրանքների չենք գնալու և կոչ եմ անում ժողովրդին չգնալ սադրանքների»,- քվեարկությունից հետո, լրագրողների հետ զրույցում ասաց Վահե Հակոբյանն ու հավելեց․
«Քվեատուփի մեջ իմ ձայն եմ դնում, քանի որ սա անհրաժեշտ է մեր սերունդներին։
Ինչ վերաբերում է հակաքարոզչական նյութերի տարածման ահազանգին, որի մասին հայտարարություն տարածեց «Հայաստան» դաշինքը, ապա Վահե Հակոբյանն արձագանքեց․
«Պարզ է, թե ովքեր են կազմակերպել։ Շատ ցածր, էժան և նենգ գործողություններ են կատարում։ Փաստենք, որ առայժմ ներկա, ժամեր մնացած իշխանությունը հոգեվարքի մեջ է, դրանով է պայմանավորված ոչ ադեկտվատ գործողությունների շարունակութjունը։
Գիտեք երևի, որ Սիսիանում ճանաչված դատավորի անհիմն որոշմամբ խուզարկություններ են կատարվել «Հայաստան» դաշինքի գրեթե բոլոր շտաբերում և չորս շտաբի ղեկավարներ հրավիրվել են Երևան, որպեսզի բացատրություններ տան։ Սրա նպատակը մեկն է՝ գլխատեն կազմակերպչական աշխատանքը։ Իմ համար անհասկանալի է իրավապահ մարմինների պահելաձևը հիմա, մի քանի ժամ հետո ի՞նչ պատասխան են տալու»։
Անդրադառնալով Սյունիքում արձանագրված ընտրախախտումներին, մասնավորապես զինվորականներին ուղղորդելուն, Վահե Հակոբյանը համոզմունք հայտնեց, որ իշխանության ջանքերն անարդյունք են լինելու։
«Իրենք Սյունիքում ջախջախիչ պարտություն են տանելու։ Ոչինչ չի ստացվելու, հոգեվարքի վերջին խռխռոցները ոչ մի արդյունք չի տալու։ Այս ամենն արձանագրվում է։ Դաշինքի իրավաբաններն արդեն հայտարարություն արել են։ Այս արձանագրությունները վաղվանից սկսած դրվելու են ի գործ»,- հայտարարեց Հակոբյանը, տեղեկացնում է Panorama.am-ը։
ПОСЛЕДНИЕ ОТ АВТОРА
-
New2025-06-10 12:26Руководитель общины Арзни (Котайкская область) Феликс Мирзоев освобожден из-под стражи, сообщили Sputnik Армения в Следственном комитете РА.
-
New2025-06-10 12:25Тюрколог Варужан Гегамян заявил, что на фоне атак премьер-министра РА Никола Пашиняна на Армянскую Апостольскую Церковь в Нахичеване проводятся азербайджано-турецкие военные учения.
-
New2025-06-10 12:14Спустя 4 года уголовное дело профессора Армена Чарчяна наконец-то завершилось, и увенчалось успехом. Об этом на своей странице в Facebook написал адвокат Эрик Алексанян.
-
New2025-06-10 11:28Никол Пашинян начинает очередную сенсационную кампанию, на этот раз против Армянской апостольской церкви и Католикоса всех армян. Об этом пишет газета «Жоховурд», развивая тему.