2021-06-28 18:06
Информагентства
Հայաստանից մոտ 40 փաստաբան պատրաստակամություն է հայտնել մեկնել Ադրբեջան
Հայաստանից մոտ 40 փաստաբան պատրաստակամություն է հայտնել մեկնել Ադրբեջան՝ պաշտպանելու հայ ռազմագերիներին։ ՀՀ փաստաբանների պալատը խորհրդակցություն է կազմակերպել Ադրբեջանում ընթացող դատավարություններում հայ ռազմագերիներին իրավաբանական օգնություն ցույց տալու արդյունավետության հարցի շուրջ, որին մասնակցել է նաև ՄԻԵԴ-ում ՀՀ ներկայացուցիչ Եղիշե Կիրակոսյանը։
Փաստաբանների պալատի նախագահ Արա Զոհրաբյանն Aysor.am-ի հետ զրույցում ասաց, որ ևս մեկ հանդիպում են նախատեսում ՄԻԵԴ-ում ՀՀ ներկայացուցչի հետ։
«Կազմակերպչական որոշ հարցեր քննարկելու նպատակով ենք նախաձեռնելու հանդիպումը։ Մոտ 40 փաստաբան արդեն իսկ իրենց պատրաստակամությունն են հայտնել Բաքվում ներկա գտնվել ու իրավաբանական օգնություն ցույց տալ հայ ռազմագերիներին», - ասաց Զոհրաբյանը։
Նա նշեց՝ քննարկում են, թե ինչ բնույթի գործողություններ պետք է կազմակերպեն, որպեսզի հայ ռազմագերիների շահերը նաև Եվրոպական դատարանում արդյունավետ ներկայացնեն։
Արա Զոհրաբյանի խոսքով՝ պետության հետ համագործակցությունն անհրաժեշտ պայման է այս հարցում.
«Մենք չենք կարող առանց պետական մարմինների այս հարցում ինչ-որ հաջողություն ունենալ, այս տեսակետից պետք է միասին մեկ նպատակին ուղղված քայլեր ձեռնարկենք», - ասաց նա։
Եթե, այնուամենայնիվ, Հայաստանից փաստաբանները մեկնեն Բաքու, անվտանգության հետ կապված մտահոգություն չունե՞ն, Փաստաբանների պալատի նախագահն արձագանքեց, որ անվտանգության մասին պետք է հոգան պետական իրավասու մարմիններն ու միջազգային կառույցները։
Զոհրաբյանը տեղեկություն չունի, թե քանի հայ ռազմագերի է գտնվում Ադրբեջանում, սակայն նշում է, որ նրանց պետք է վստահելի մարդ։
«Պետք է խոսել, իրավաբանական օգնության մասին պատմել, նաև՝ տեղում խախտումների մասին իմանալ, որպեսզի ՄԻԵԴ-ում գործը վարող փաստաբաններին ներկայացնենք», - ասաց ՓՊ նախագահը։
Զոհրաբյանը հույս ունի, որ այս համագործակցության արդյունքում հստակ տեղեկություն կունենան, թե քանի հայ ռազմագերի կա Ադրբեջանում։
ПОСЛЕДНИЕ ОТ АВТОРА
-
New2025-07-23 16:01В случае неисполнения решения Стокгольмского арбитража или любого международного арбитражного суда в целом существует ряд правовых и практических последствий и механизмов принудительного исполнения решения. Об этом написал в своем Telegram-канале экономист Сурен Парсян.
-
New2025-07-23 15:2323 июля, в Гегаркуникской области произошло крупное дорожно-транспортное происшествие. Около 09:50 на 6-м километре автодороги Севан–Мартуни столкнулись автомобиль марки Ford Transit и два военных грузовика марки «Урал», зарегистрированных на балансе Министерства обороны Армении. В результате столкновения Ford Transit оказался зажатым между двумя «Уралами».
-
New2025-07-23 15:19В День Преображения Господня (Вардавар) в следственном изоляторе "Ереван-Кентрон" состоится литургия, в которой примут участие арестованные архиепископы Микаел Аджапахян и Баграт Галстанян. Об этом Sputnik Армения сообщил адвокат Аджапахяна Ара Зограбян.
-
New2025-07-23 15:17Давид Казинян подал в суд иск о восстановлении на прежней должности в компании «Электрические сети Армении».