2021-06-29 10:00
Информагентства
Հարութ ՍԱՍՈՒՆՅԱՆ․ ԵԹԵ ԱՅՍՊԵՍ ՇԱՐՈՒՆԱԿՎԻ, ԱԼԻևԸ ԿՊԱՀԱՆՋԻ ՆՈՐ ԶԻՋՈՒՄՆԵՐ և ԿՍՏԱՆԱ ԴՐԱՆՔ
Եթե այսպես շարունակվի, Ալիևը կպահանջի նոր փոխզիջումներ և, ցավոք, կստանա դրանք: Այդ մասին News.am-ի թղթակցի հետ զրույցում հայտարարել է «The California Courier» թերթի խմբագիր Հարութ Սասունյանը:
«Ընտրությունների արդյունքները Հայաստանի բնակչության որոշումն է, և մենք պետք է հարգենք մեր ժողովրդի որոշումը: Միևնույն ժամանակ ընտրություններից մի քանի ամիս առաջ՝ Արցախում խայտառակ պարտությունից հետո, ես հույս ունեի, որ Նիկոլ Փաշինյանը նույն օրը հրաժարական կտա: Աշխարհի ցանկացած երկրում ցանկացած ղեկավար, որը տապալվել է պատերազմի արդյունքում, նույն օրը հրաժարական կտար: Այդ սցենարը Հայաստանի համար կլիներ լավագույն արդյունքը: Հաջորդող ամիսներին տեղի ունեցածն ինձ ուժգին մտահոգում է»,-ընդգծել է նա:
Նրա խոսքով՝ մարդը, որը դարձել է այդպիսի ձախողումների պատճառ, չի կարող շտկել այն, ինչը պետք է շտկել Հայաստանում ինչպես ներքաղաքական, այնպես էլ արտաքին քաղաքական հարաբերություններում պատերազմի հետևանքները վերացնելու կամ մեղմելու նպատակով:
Սակայն Փաշինյանը, ինչպես նշել է Հարութ Սասունյանը, շարունակել է մնալ երկրի ղեկին, ինչի արդյունքում մենք ամեն օր բախվում ենք հերթական տհաճ անակնկալի հետ նոր գերիների և Ադրբեջանի կողմից նոր տարածքների գրավման տեսքով և այլն:
«Վերջին անգամ 15 գերիներին վերադարձնելու համար փոխանցվել էին 97 հազար ականով տարածքների քարտեզները, ինչը կոպիտ սխալ էր վարչապետի պաշտոնակատարի կողմից: Անշուշտ, բոլորը, այդ թվում՝ գերևարվածների ընտանիքներն ուրախանում են, որ իրենց հարազատները վերադարձել են տուն, սակայն այդ ձևաչափը սխալ է: Նոյեմբերի 9-ի եռակողմ հայտարարության մեջ նշված է, որ երկու կողմերը պետք է իրականացնեն գերիների փոխանակում «բոլորը բոլորի դիմաց» սկզբունքով: Ստացվում է, որ հայկական կողմը վերադարձրել է բոլոր ադրբեջանցի գերիներին, ինչը չի արել Բաքուն: Դա կոպիտ սխալ էր Փաշինյանի կողմից:Եռակողմ հայտարարության մեջ նշված են նաև շրջանները Ադրբեջանին փոխանցելու բազմաթիվ ժամկետներ, սակայն ինչպե՞ս ստացվեց, որ Փաշինյանը չպահանջեց գերիների վերադարձի հստակ ժամկետներ նշել: Հենց դա է դարձել հետագա շաբաթների բոլոր խնդիրների աղբյուրը, որոնք դեռևս լուծված չեն: Միանգամայն պարզ է, թե ինչպիսի խաղ է փորձում խաղալ Ալիևը: Նա աստիճանաբար ազատում է գերիներին, իսկ փոխարենը նոր զիջումներ է պահանջում ու ստանում դրանք: Այս դեպքում գերիների խնդիրի լուծման համար երկար ժամանակ կպահանջվի՝ չնայած բոլոր ջանքերին՝ ներառյալ միջազգային հարթակներում աշխատանքներին: Գլխավոր մեղավորը Փաշինյանն է, որը սխալ է թույլ տվել՝ չնշելով գերիների վերադարձի ժամկետներ, ինչպես նաև ամբողջ գործընթացը ոչ պատշաճ կերպով կազմակերպելով: Իսկ այժմ ունենք այն, ինչ ունենք:Մեր գերիները արդեն 8 ամիս է, ինչ Բաքվում են: Եթե այսպես շարունակվի, ապա Ալիևը նոր զիջումներ կպահանջի և, ցավոք, կստանա դրանք», - հավելել է նա:
Սասունյանը հիշեցրել է, որ մարդկային և տարածքային հսկայական կորուստներից 8 ամիս անց բանակում ոչ մի բարեփոխում չի իրականացվում:
«Արցախում ռուս խաղաղապահների գտնվելու հնգամյա ժամկետից արդեն 8 ամիս է անցել: Հնգամյա ժամկետի ավարտից անմիջապես հետո ադրբեջանցիները նույն օրը կմտնեն Ստեփանակերտ, քանի որ պատերազմի ընթացքում հայկական կողմը ո՛չ Արցախում ցույց տվեց իր ուժ, և ո՛չ էլ ցույց է տալիս այժմ Սյունիքում: Նման պայմաններում հայկական կողմը խոսում է բանակցությունների մասին և ոչ մի կոնկրետ բան չի ձեռնարկում: Եթե այս միտումը շարունակվի, ապա թե՛ Արցախը, թե՛ Հայաստանը կկանգնեն իրական սպառնալիքի առջև: Եթե երկրում նոր առաջնորդ գար իշխանության, ապա գոնե հնարավոր կլիներ կանխել նոր կորուստները, թույլ չտալ նոր զիջումներ: Չի կարելի ասել, որ Հայաստանում խելացի առաջնորդներ չկան: Սփյուռքում ևս կա մարդկային հսկայական ներուժ, որն ունակ է ճշգրտումներ կատարել և շտկել իրավիճակը: Չեմ ցանկանում կոնկրետ անուններ նշել, թե ով կարող էր գալ իշխանության, սակայն փաստն այն է, որ Հայաստանի վարչապետի պաշտոնակատարը ո՛չ պատերազմից առաջ, ո՛չ պատերազմի ընթացքում, ո՛չ էլ այն բանից հետո, երբ որևէ բան կարող էր անել, չկարողացավ ոչինչ ձեռնարկել, որևէ բարեփոխում իրականացնել և երկիրը տարավ ձախողման», - եզրափակել է նա:
ПОСЛЕДНИЕ ОТ АВТОРА
-
2025-08-12 14:53Взятые премьер-министром Николом Пашиняном обязательства в рамках подписанных в США соглашений несут новые экзистенциальные угрозы для Армении и армянского народа. Об этом говорится в заявлении оппозиционной фракции "Армения".
-
2025-08-11 20:42Заявление Исполнительного органа Республиканской партии Армении (РПА) Республиканская партия Армении (РПА) выражает серьёзную обеспокоенность по поводу трехстороннего меморандума, подписанного в Вашингтоне, расценивая его как очередной опасный (капитуляционный) документ, подписанный управленцами Армении под давлением азербайджанской агрессии, односторонних требований и геополитических процессов. Высоко оценивая миротворческие усилия президента США Дональда Трампа, необходимо зафиксировать, что подписанием данного соглашения авантюристские управленцы Армении ставят под угрозу суверенитет страны, а также жертвуют правами народа Арцаха, легитимизируя этнические чистки и насильственное выселение, осуществлённые бакинским режимом.
-
2025-08-07 16:48Летняя жара может стать серьёзным испытанием для смартфонов, вызывая перегрев и ускоряя износ их компонентов. Мастер по ремонту техники с платформы «Авито Услуги» Михаил Демидов поделился с «Газетой.Ru» рекомендациями, как защитить устройство в жаркую погоду и избежать поломок. Вот ключевые советы, которые помогут продлить срок службы вашего смартфона.
-
2025-08-05 14:02Возможное подписание мирного договора между Арменией и Азербайджаном под эгидой США может создать серьезные риски для внешней политики и системы безопасности Армении. Об этом заявил зампредседателя Республиканской партии Армении Армен Ашотян на пресс-конференции во вторник, отвечая на вопрос Sputnik Армения.