2021-06-29 10:57
Информагентства
ՄԱՄՈՒԼՆ ԱՆՈՒՆՆԵՐ Է ՀՐԱՊԱՐԱԿԵԼ ՔՊ–ՈՒՄ ՊԱՇՏՈՆՆԵՐԻ ԲԱՇԽՄԱՆ ԳՈՐԾԸՆԹԱՑԻՑ
«Քաղաքացիական պայմանագիր» կուսակցության ներսում պաշտոնների բաժանման գործընթացն արդեն մեկնարկել է։ Մամուլում այսօր արդեն տեղեկություններ կան, թե ով ինչ պաշտոնի է հավակնում ու ինչ քննարկումներ կան այդ հարցով իշխող քաղաքական ուժի կուլիսներում։
«Ժողովուրդ» օրաթերթն իր աղբյուրների վրա հղում անելով հայտնում է, որ ՔՊ-ականներն իրենց հավակնությունները ներկայացնում են «Իմ քայլը» խմբակցության ներկայիս ղեկավար Լիլիթ Մակունցին, վերջինս էլ այդ մասին տեղեկացնում է Նիկոլ Փաշինյանին:
Ըստ արդեն հաստատված լուրերի` Մակունցն առաջիկայում նշանակվելու է ԱՄՆ-ում ՀՀ դեսպան, խմբակցության ղեկավարի պաշտոնի համար հավակնություններ են հայտնել Հայկ Կոնջորյանն ու Արփի Դավոյանը, չնայած վերջինիս թեկնածությանը խմբակցությունում այնքան էլ կողմ չեն: Դավոյանին դիտարկել են անգամ որպես ԱԺ կին փոխնախագահի թեկնածու:
Մյուս թեժ պայքարը ԱԺ նախագահի պաշտոնի համար է, հավակնորդներն էլ՝ Արարատ Միրզոյանը, Ալեն Սիմոնյանը և Սուրեն Պապիկյանն են։
Ըստ թերթի` կուսակցությունում ավելի հակված են այն մտքին, որ կրկին Արարատ Միրզոյանը կլինի խորհրդարանի խոսնակը:
ԱԺ փոխնախագահ կարող է դառնալ Արտաքին հարաբերությունների հանձնաժողովի նախագահ Ռուբեն Ռուբինյանը, իսկ Արտաքին հարաբերությունների հանձնաժողովը կարող է ղեկավարել Վլադիմիր Վարդանյանը:
«Իրավունք» թերթն էլ իր տեղեկություններով գրում է, որ ՀՀ ոստիկանապետ Վահե Ղազարյանին Նիկոլ Փաշինյանը ժամեր անց պատրաստվում է նշանակել ԱԱԾ պետ:
Ըստ նույն աղբյուրի` Նիկոլ Փաշինյանը նաև ունի ոստիկանապետի իր նախընտրելի թեկնածուն, որի անունը թերթը չի հրապարակում։
Հիշեցնենք` «Ժողովուրդ» օրաթերթն էլ այսօր գրել էր, թե իշխանությունների ներսում այս պահին ՀՀ արտաքին գործերի նախարարի թեկնածուի փնտրտուքներ են, և այս պահին իշխանական փնտրտուքները կանգ են առել ՀՀ փոխվարչապետ Մհեր Գրիգորյանի վրա։
«Թեկնածուն» ինքը օրաթերթի հետ զրույցում ո՛չ հերքել, ո՛չ էլ հաստատել է տեղեկությունը։
ПОСЛЕДНИЕ ОТ АВТОРА
-
New2025-06-12 19:45Иранские СМИ опубликовали первую серию документов, полученных от израильского режима.
-
New2025-06-12 19:44Полиция Индии пока обнаружила двух выживших при крушении самолета, передает агентство ANI со ссылкой на комиссара полиции Ахмедабада Гьянендру Сингха Малика.
-
New2025-06-12 19:37Армянский народ остановил даже русского царя, остановит и предателя Никола Пашиняна, написал в соцсети первый президент Армении Левон Тер-Петросян, комментируя ситуацию вокруг ААЦ.
-
New2025-06-12 19:35Сегодняшнее внеочередное заседание Совета старейшин Вагаршапата не состоялось. Члены фракции правящей партии «Гражданский договор» бойкотировали заседание, на которое они не пришли.