2021-06-30 17:54
Рубен МАРГАРЯН
ԱՆԱՐԳԱՆՔԻ ՏՈՆ
Երևանի ռեստորաններից մեկում «Քաղաքացիական պայմանագիրը» տոնեց իր հաղթանակն արտահերթ ընտրություններում։ Դե ինչ, դա իսկապես հաղթանակ էր, ճիշտ է, փոքր-ինչ տարօրինակ. հաղթանակ սեփական ժողովրդի, հարազատ պետության նկատմամբ։
Իշխող թիմը կրկին բավարար ձայներ ստացավ կառավարություն ձևավորելու համար։ Չնայած պատերազմում կրած պարտությանը, հազարավոր զոհերին, ավելի քան տասը հազար վիրավորներին։ Չնայած հարյուրավոր անհայտ կորածներին ու գերեվարվածներին։ Չնայած այն բանին, որ Հայաստանի տարածքում շարունակում են դիրքավորվել ադրբեջանցի զինծառայողները։ Չնայած բանակի, ԱԳՆ-ի փլուզմանը և ԱԱԾ-ում կադրային աթուրմա խաղալուն։ Չնայած լայնածավալ արտագաղթին, որն ավելի շուտ փախուստ է հիշեցնում դատապարտված նավից։ Չնայած կորոնավիրուսի հազարավոր զոհերին: Այդուհանդերձ իշխող կուսակցությունը հավաքեց ձայների ավելի քան 53%։
Ինչպե՞ս դա ստացվեց նրանց մոտ։ Հեշտ ու հանգիստ։ Քաղցր կյանքի խոստումներ, տխմար ասեկոսեներ, սպառնալիքներ անհնազանդներին, ատելության սերմանում հակառակորդների հանդեպ։ Պարգևների շռայլում պետծառայողներին, անտոկոս վարկերի տրամադրում գյուղացիներին, համաներում զինվորական ծառայությունից խուսափողներին, քարոզարշավի ժամանակ վարչական ռեսուրսի օգտագործում ողջ թափով։
Նրանք կրկին մանդատների մեծամասնություն կունենան խորհրդարանում, և այսօր նույնիսկ այն աստիճան են լկտիացել, որ պահանջում են իշխանության տեղական մարմինների և տարբեր կառույցների բոլոր այն ղեկավարների հրաժարականը, որոնք սատարել են քաղաքական մյուս թիմերին։ Ավելի ճիշտ՝ համարձակվել են ընտրություններում չսատարել «Քաղաքացիական պայմանագրին»։ Եվս մեկ աբսուրդ՝ այն ամենի շարքում, ինչ տեղի է ունենում Նիկոլի ժամանակների Հայաստանում։ Քաղաքական վայ-գործիչները, որոնք ներկայանում են իբրև ժողովրդավարության բաստիոնի պահապաններ, վերջնագրի ձևով պահանջում են իշխանության տեղական մարմինների անցանկալի ղեկավարների հրաժարականը…
Հնարավո՞ր է արդյոք պատկերացնել եվրոպական երկրում, որ համապետական ընտրություններում հաղթած թիմը հաշվեպարզման համար իր մոտ հրավիրի տեղական իշխանության ղեկավարին, ոչ իրենց թիմից, պահանջի նրա հրաժարականը, իսկ մերժում ստանալով՝ ծեծի ենթարկի հենց պետական հաստատությունում։ Եվ հանգիստ շրջի ազատության մեջ, ի տարբերություն պրոֆեսոր Չարչյանի, որը կալանավորվել է ընտրատեղամաս անպայման գնալու կոչի և հիշեցման համար, որ նույնիսկ Եկեղեցին է դեմ պետության ղեկավարի դերում Նիկոլի պաշտոնավարմանը…
Դեռ որքա՞ն պիտի ձգվի ինքնագոհ սիրամարգերի այս իշխանությունը, որոնք մեղքի չնչին զգացում անգամ չեն ապրում հազարավոր հայ ընտանիքների ողբերգության համար։ Հիմա նրանք ժպտում են, ուրախ հարցազրույցներ տալիս հեռուստատեսությունում։ Մարդիկ, որոնցից ոչ մեկը գեթ մեկ լումայի ներդրում անգամ չունի հայոց պետության կառուցման գործում։ Լոկ՝ փլուզման։ Եվ նրանք կրկին շարունակելու են իրենց գործը. Հայաստանի և Արցախի ոչնչացումը։ Վերջնականապես, իհարկե, չեն բնաջնջի, բայց մեծագույն ջանքեր կգործադրեն։
Երևանյան ռեստորաններից մեկում նրանք ուրախ նշեցին հաղթանակը։ Տոնելով երբեմնի հպարտ երկրի վերածումն իր ծաղրապատկերի, որի անվտանգությունը որոշվում է այլ մայրաքաղաքներում, բնավ ոչ Երևանում։ Պետությունը փլուզած մարդիկ տոնում են կառավարություն ձևավորելու իրենց իրավունքը։ Տոնում են հիասքանչ երկրի անարգումը շարունակելու համար մանդատներ ստանալը։ Դեռ ինչքա՞ն պիտի ձգվի այս ժանտախտը։ Հարցի պատասխանն ու հարցի գինը ընդդիմության ձեռքում են։
ПОСЛЕДНИЕ ОТ АВТОРА
-
2025-07-15 11:17После Абу-Даби Никол Пашинян отправился сначала в Брюссель, потом в Париж. Согласовывать достигнутые с Алиевым договоренности с руководством Европейского Союза и с Макроном. О каких договоренностях с Алиевым и согласованиях с Европой идет речь, можно судить по тем направлениям, на которые ЕС пообещал Пашиняну подкинуть деньжат. В частности, на развитие транспорта и логистики, откуда перепадет и на строительство коммуникаций, которые должны связать западные регионы Азербайджана с Нахиджеваном.
-
2025-07-15 09:19Почему всякий раз, когда Николу Пашиняну предстоит встреча с Ильхамом Алиевым, у общественности тревожные ожидания? Если в Азербайджане от подобных встреч ждут новых бонусов для своей страны, то в Армении все опасаются новостей о новых уступках. Другое дело, что в личных интересах последователи Пашиняна заранее обдумывают варианты, как представить достижениями ожидаемые уступки. В николовском стиле.
-
2025-07-14 09:37Эксперт по Азербайджану Татевик Айрапетян забавно разыграла своих читателей. На своей страничке в Фейсбук она поделилась нижеприведенной цитатой.
-
2025-07-12 09:52Мозги у американцев работают: воспользовавшись параллельным похолоданием как в армяно-российских, так и в азербайджано-российских отношениях, они тут же выдвинули свои предложения по разблокированию региональных коммуникаций, фактически став инициаторами встречи Пашинян-Алиев в Абу-Даби.
ПОСЛЕДНЕЕ ПО ТЕМЕ
-
2022-01-18 20:26Վանաձորում քննարկում են հետագա գործողությունները… Վանաձորում դեկտեմբերի 5-ի ընտրությունների արդյունքներով ձևավորված ավագանու «Հայրենիք» խմբակցության ղեկավար Վահե Դոխոյանն օրերս բնորոշեց քաղաքում տիրող իրավիճակը որպես պայթյունավտանգ, չբացառելով, որ ընդդիմությունը՝ զանգվածների աջակցությամբ, «արմատական քայլեր» կձեռնարկի:
-
2021-11-02 17:27Գլխապտույտ կարիերայի վախճանը Ուղիղ մեկ ամիս առաջ Կոտայքի նախկին մարզպետ, այժմ բնապահպանության նախարար Ռոմանոս Պետրոսյանն այցելեց Աբովյան և հանդիպում ունեցավ «Քաղաքացիական պայմանագիր» կուսակցության տեղի ստորաբաժանման հետ: Հանդիպման արդյունքներով «ԳԱ»-ն արդեն գրել է այն մասին, որ դեկտեմբերի 5-ին կայանալիք ՏԻՄ ընտրություններով Աբովյանում վերջ կտրվի Գագիկ Ծառուկյանի ազդեցությանը, որը տարիներ շարունակ համարվել է Կոտայքի մարզի և դրա մայրաքաղաքի բացարձակ տերն ու գրեթե ֆեոդալը։
-
2021-11-01 17:37Վարչապետը հրամայել է չխնայել ո՛չ փողը, ո՛չ էլ վարչական լծակները… Փաշինյանի սիրելի Գարիկ Սարգսյանը Արարատի մարզպետի պաշտոնը թողնելուց հետո գլխավորեց Պետգույքի կառավարման կոմիտեն, սակայն չհարմարվեց նոր տեղում, ուստի որոշել է կրկին վերադառնալ տեղական իշխանության համակարգ: Այդ վերադարձի համար Արարատի մարզի տեղական համայնքների խոշորացման ծրագիրը կազմվել է այնպես, որ Գարիկի համար նախատեսված լինի առանձին համայնք։ Խոշորացումից հետո ձևավորվել են 4 խոշորացված համայնքներ. Արարատ, Արտաշատ, Մասիս և Վեդի։ Վեդիում դեկտեմբերի 5-ին կայանալիք ընտրություններում Սարգսյանը կգլխավորի «Քաղաքացիական պայմանագիր» կուսակցության ցուցակը։
-
2021-10-06 08:54Ավագանու հրաժարականի պատճառը «քաղաքական ճգնաժամն» էր Գորիսի քաղաքապետ Առուշ Առուշանյանի, Մեղրիի նախկին քաղաքապետ Մխիթար Զաքարյանի, Սիսիանի նախկին քաղաքապետ Արթուր Սարգսյանի սկանդալային կալանավորումների, ինչպես նաև Քաջարանի քաղաքապետ Մանվել Փարամազյանին, Քարահունջ և Որոտան տարածքային միավորների ղեկավարներին ներկայացված մեղադրանքների խորապատկերին Կապանի մասին միառժամանակ մոռացան: