Последние новости

Կոպիրկինը խոսել է Պուտին-Փաշինյան հանդիպման օրակարգի մասին

ՌԴ դեսպան Սերգեյ Կոպիրկինն այսօր լրագրողներին ասել է, թե ՌԴ նախագահ Վլադիմիր Պուտինի և ՀՀ վարչապետի պաշտոնակատար Նիկոլ Փաշինյանի հանդիպման ժամանակ որ թեմաներ են լինելու ուշադրության կենտրոնում:

«Քննարկվելու է այն, ինչն անհրաժեշտ կհամարեն քննարկել առաջնորդները։ Բայց, բնականաբար, կքննարկվի նաև անվտանգության ոլորտում տիրող իրավիճակը՝ հաշվի առնելով ներկա իրադրությունը։ Կլինի նաև կարծիքների փոխանակում մեր քաղաքական երկխոսության դինամիկայի, տնտեսության, հումանիտար ոլորտում հարաբերությունների հետագա պահպանման շուրջ», - ասել է ռուս դիվանագետը:

Կողմերը, ըստ Կոպիրկինի, կխոսեն հարաբերությունների հետագա խորացման մասին՝ հաշվի առնելով ընտրություններից հետո Հայաստանում տիրող իրավիճակը։

ՀՀ–ն ու Ռուսաստանը հաջորդ տարի նշում են դիվանագիտական հարաբերությունների 30-ամյակը, Բարեկամության, համագործակցության և փոխադարձ օգնության մասին պայմանագրի 25-ամյակը:

Առաջնորդներն ամենայն հավանականությամբ կքննարկեն, թե ինչպես ըստ արժանվույն և համապատասխան մակարդակով նշեն այդ իրադարձությունները, տեղեկացնում է Sputnik Armenia։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ