2021-07-08 14:13
Информагентства
Չարչյանի պաշտպաններ․ Այս որոշումը որևէ աղերս չունի իրավաբանության հետ (ՏԵՍԱՆՅՈՒԹ)
Վերաքննիչ քրեական դատարանի կողմից բժիշկ Արմեն Չարչյանին կալանավորելու վերաբերյալ կայացրած որոշումը ծաղր է իրավաբանության նկատմամբ։ Այս մասին այսօր՝ հուլիսի 8-ին, դատարանի կայացրած որոշումից հետո լրագրողներին ասաց Չարչյանի պաշտպաններից Էրիկ Ալեքսանյանը, տեղեկացնում է News.am-ը։
Նշենք, որ Վերաքննիչ դատարանը Չարչյանին կալանքի տակ թողնելու որոշում է կայացրել։
«Տիկին Աբգարյանն իրականում պրոֆեսիոնալ դատավոր է և իրավաբան, սակայն ներկայացված որոշումը իրականում մեր համար անընդունելի է։ Այս որոշումը որևէ աղերս չունի իրավաբանության հետ։ Սա միանշանակ քաղաքական երանգ պարունակող հանգամանքներ են, որոնք ստիպում են դատավորին նման որոշումներ կայացնելու»,- ասաց Ալեքսանյանը։
Անդրադառնալով դատախազության նկատմամբ իրենց հնչեցրած գնահատականին և դատախազության արձագանքին, թե փաստաբանները դուրս են գալիս էթիկայի սահմաններից, Ալեքսանյանը նշեց, որ գնահատականները բացառապես իրավական են. «Դատախազության նման գնահատականը անհիմն եմ համարում և կխնդրեմ վերանայեն իրենց մոտեցումները այս հարցի վերաբերյալ։ Ինչ վերաբերում է կոնկրետ դատախազին՝ գնահատականները եղել են զուտ իրավական դաշտում, եղել են արդարացված։ Վերահաստատում եմ իմ դիրքորոշումը նրա վարքագծի վերաբերյալ։ Թող դատախազությունը իր դիրքորոշումը մեր վարքագծի վերաբերյալ վերանայի, որովհետև մենք էլ շատ բան կարող ենք ասել իրենց վարքագծի վերաբերյալ, ուղղակի զսպում ենք մեզ»։
Պաշտպաններից Արամ Վարդևանյանն ասաց, որ դատարանի կայացրած որոշումը իրավաչափ չէ. «Ամեն ինչ էլ ընկալելի է, բայց իրավաչափ չէ։ Բոլորս ասպեկտներով կարելի է այս ամեն ինչը հասկանալ՝ ճնշումներ դատավորների նկատմամբ, նոր որակի մոտեցումներ, բայց դրանցից յուրաքանչյուր կապ չունի իրավունքի հետ։ Մենք եկել էինք Վերաքննիչ դատարան՝ արդարադատության ակնկալիքով։ Դատարանի կողմից բոլոր այն հարցադրումները նիստերի ընթացքում, որոնք հնչում էին, բացառապես մեկ օբյեկտիվ դիտորդի մոտ տպավորություն պետք է թողնեին, որ կալանավորումը որպես խափանման միջոց պետք է վերացվեր»։
Վարդևանյանի խոսքով՝ այս որոշումը քաղաքական հետապնդման ագրեսիվ դրսևորում է. «Ինչքան էլ ճնշումները կատարեն, ինչքան էլ այս ապօրինությունները շարունակեն, վստահ եղեք՝ Արմեն Չարչյանը լինելու է ազատության մեջ»։
ПОСЛЕДНИЕ ОТ АВТОРА
-
2025-06-13 19:56Президент США Дональд Трамп заявил, что представители иранских властей звонят ему с просьбой заключить соглашение по ядерной программе Тегерана.
-
2025-06-13 19:55Международный аэропорт "Звартноц" принял три рейса иностранных авиакомпаний, запросивших вынужденную посадку. Об этом Sputnik Армения сообщили в Комитете гражданской авиации.
-
2025-06-13 19:53Совет безопасности ООН сегодня соберется на внеочередное заседание в связи с израильской атакой на Иран. Об этом сообщил постпред России при ООН Дмитрий Полянский.
-
2025-06-13 19:48Учитывая ситуацию, сложившуюся в Иране, призываем граждан РА, находящихся на территории ИРИ, сохранять бдительность, следовать официальным инструкциям, а в случае возникновения чрезвычайной ситуации обращаться в посольство по адресу электронной почты ([email protected]), страницам в социальных сетях (Facebook, Instagram), а также по следующим телефонным номерам - +98 21 66704833, мобильный: +989053774966.