2021-07-14 18:04
Информагентства
Արդարադատության գեներալ-մայոր․ ՓՈԽՀՐԱՁԳՈՒԹՅՈՒՆԸ ՀԱՅԱՍՏԱՆԻ ԵՎ ԱԴՐԲԵՋԱՆԻ ՍԱՀՄԱՆԻՆ ՄՇՏԱԿԱՆ ԿԼԻՆԻ
Դեռևս 2019թ. ինժեներական աշխատանքների պատրվակով ադրբեջանական սահմանապահները խորացան այսպես կոչված անվտանգության գոտում՝ ընդհուպ մոտենալով Հայաստանի սահմաններին։ Տպավորություն ստեղծվեց, որ այն ժամանակ ադրբեջանցիների հաջողությունները կապված էին ոչ այնքան ներկայիս իշխանությունների անբանիմացության և Հայաստանի պաշտպանության նախարարության անգործության, որքան այն բանի հետ, որ այդ գործողություններն ինչ-որ կերպ նախապես պայմանավորված էին։ Այս մասին լրագրողների հետ հանդիպման ժամանակ հուլիսի 14-ին ասաց արդարադատության գեներալ-մայոր Թաթուլ Պետրոսյանը։
Այսօրվա գործողությունները, նրա խոսքով, այդ իրադարձությունների շարունակությունն են։ Ադրբեջանցիները նորից հայտարարել են այն մասին, որ մտադրվել էին ընդամենը ինժեներական աշխատանքներ կատարել՝ ընդհուպ մոտենալով Հայաստանի սահմաններին։ «Ցավոք, մենք կորուստներ ունենք. մեկ զոհված և մեկ ծանր վիրավոր։ Բայց այս անգամ այնպիսի տպավորություն է ստեղծվում, որ նախաձեռնվել է հակառակորդի առաջխաղացումը կասեցնելու փորձ»,- ասաց Պետրոսյանը։
Նա նաև նշեց, որ անցած տարվա 44-օրյա պատերազմից հետո Հայաստանի և Ադրբեջանի միջև սահմանը էապես ընդլայնվել է, ինչից հետևում է, որ նման դեպքերը բնավ հազվադեպ չեն լինելու։ «Դա իր տեսակի մեջ առաջին ձնծաղիկն էր։ Իսկ մենք ամեն ինչ հիանալի գիտենք, որ Գեղարքունիքի և Սյունիքի մարզերում հակառակորդը ավելի քան 24 կիլոմետր տեղամասում առաջ է շարժվել Հայաստանի տարածքի խորքը 500 և անգամ 3500 մետր։ Այն ժամանակ մենք թույլ էինք տալիս նրանց զբաղեցնել մեր երկրի տարածքները, և ոչ մի փոխհրաձգություն չէր լինում։ Բայց այս անգամ ամեն ինչ այլ կերպ է։ Ադրբեջանցիները, առկա տվյալներով, առաջինն են կրակ բացել, և մեր կողմը հետագա սրացում թույլ չտալու համար փորձել է կանգնեցնել կրակը»,- նշեց արդարադատության գեներալ-մայորը՝ ավելացնելով, որ գործող իշխանության անբանիմացության պատճառով Հայաստանը մշտապես զինվորականների է կորցնելու։
Հիշեցնենք, որ Ադրբեջանի ԶՈւ-ի հետ փոխհրաձգության հետևանքով Երասխի շրջանում հուլիսի 14-ին զոհվել է հայ զինծառայող։ Եվս մեկը ծանր վիրավորում է ստացել։ Կորուստներ ունի նաև ադրբեջանական կողմը։
ПОСЛЕДНИЕ ОТ АВТОРА
-
New2025-07-21 11:16Азербайджан сегодня стал не просто сателлитом Турции и союзником Украины. Алиев вступил в коллаборацию и с Израилем. Именно Азербайджан предоставлял свое воздушное пространство израильским ВВС для нанесения ударов по Ирану. Иранские спецслужбы уже сейчас имеют достоверное подтверждение этому, сообщает телеканал «Царьград».
-
New2025-07-21 11:15Ереван и Баку по-разному трактуют маршрут для связи Азербайджана и Нахиджевана. Армянская сторона после 44-дневной войны в Нагорном Карабахе неоднократно заявляла, что готова предоставить дорогу, а не экстерриториальной коридор. Однако Баку и Анкара настаивают на так называемом "Зангезурском коридоре".
-
New2025-07-21 11:00Адвокаты предпринимателя и мецената Самвела Карапетяна опубликовали девятую часть его послания «Что удалось нашим властям?».
-
New2025-07-21 10:54Бывший лидер сборной Армении по шахматам Левон Аронян, ныне представляющий США, победил на турнире Freestyle Chess Grand Slam в Лас-Вегасе. Об этом сообщает страница турнира. В финале он обыграл гроссмейстера Ханса Моке Ниманна со счётом 1,5:0,5.