2021-07-15 13:01
Информагентства
Փաշինյան․ Ադրբեջանը ամեն ինչ անում է խաղաղությանը խոչընդոտելու համար
«Քաղաքացիական պայմանագիր» կուսակցությունը 2021թ–ի արտահերթ խորհրդարանական ընտրություններում ՀՀ քաղաքացիներից ստացել է Հայաստանի և Արցախի համար խաղաղ զարգացման դարաշրջան բացելու մանդատ։ Այս մասին այսօր ՀՀ կառավարության հերթական նիստում հայտարարեց ՀՀ վարչապետի պաշտոնակատար Նիկոլ Փաշինյանը։
«Այդ մանդատը ենթադրում է մեր երկրի շուրջ բարենպաստ միջավայրի ձևավորում, տարածաշրջանային կոմունիկացիաների բացում, տարածաշրջանային կայունության ու տևական խաղաղության հատատում»,– ասաց նա։
Ընտրություններից հետո, սակայն, նրա խոսքով, տեղի է ունենում այն, ինչ կանխատեսվում էր. Ադրբեջանն ի հեճուկս միջազգային ասպարեզներում արվող խաղաղասիրական հայտարարությունների՝ ամեն ինչ անում է տարածաշրջանում խաղաղությանը խոչընդոտելու համար։
«Եվ սա անում է մի մարտավարությամբ, որը նույնպես կանխատեսելի է` ցույց տալով, թե Հայաստանը կամ Արցախը դեմ են խաղաղությանը, դեմ են սահմանազատման և սահմանագծման գործընթացներին, և այս ֆոնին ագրեսիվ քաղաքականություն կառուցելու կեղծ հիմնավորումներ է ստեղծելու, ինչի դրսևուրումները մենք տեսնում ենք նաև վերջին օրերին, բայց դա տեսել ենք նաև վերջին ամիսներին»,– ասաց Փաշինյանը։
Վարչապետի պաշտոնակատարը շեշտեց, որ ՀՀ, ՌԴ, Ադրբեջանի փոխվարչապետների մակարդակով գործող աշխատանքային խումբը բավական կառուցողական և արդյունավետ աշխատանք է իրականացնում տարածաշրջանային կոմունիկացիաների բացման ուղղությամբ, մինչդեռ Արդբեջանի անհասկանալի հայտարարությունները` այսպես կոչված «Զանգեզուրի միջանցքի» մասին որևէ կապ չունեն այդ խմբի կատարած աշխատանքի և հատկապես` հունվարի 11-ի Մոսկվայում ստորագրված եռակողմ հայտարարության հետ։
«Իմ մեկնաբանությունը միանշանակ է. Ադրբեջանը միջանցքի մասին հայտարարություններ անում է եռակողմ աշխատանքային խմբի գործունեությունը խաթարելու և տարածաշրջքանային կոմունիկացիաների բացում թույլ չտալու համար։ Ինչո՞ւ։ Որովհետև Ադրբեջանի նպատակն է շարունակել Հայաստանի շրջափակման շուրջ 30-ամյա գործընթացը, քաղաքականությունը»,– ասաց նա` հավելելով, որ Հայաստանն «առանց սեթևեթելու» շարունակելու է աշխատանքը եռակողմ աշխատանքային խմբում` Հայաստանի շրջափակումը ճեղքելու ուղղությամբ։
Վարչապետի պաշտոնակատարը համոզմունք հայտնեց, որ Հայաստանը` ՌԴ և միջազգային իր գործընկերների աջակցությամբ, հասնելու է տարածաշրջանի ապաշրջափակման իր նպատակին, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-04-28 06:29Бывший директор Музея-института Геноцида армян, доктор исторических наук Айк Демоян в интервью Armenia Today оценил политику властей Армении касательно признания Геноцида армян в Османской империи, а также прокомментировал заявления премьер-министра Никола Пашиняна по случаю 110-й годовщины Геноцида армян.
-
2025-04-26 20:31Экс-посол Армении при Святом Престоле Микаэл Минасян на своей странице в соцсети Facebook поделился воспоминаниями о Папе Римском Франциске. Перевод записи М.Минасяна на русский язык – ниже.
-
2025-04-26 15:53Авантюра киевского режима полностью провалилась, а понесенные противником огромные потери отразятся на всей линии боевого соприкосновения, заявил президент России Владимир Путин после того, как выслушал доклад начальника Генштаба ВС РФ Герасимова.
-
2025-04-26 15:51Президент США Дональд Трамп, украинский лидер Владимир Зеленский, президент Франции Эммануэль Макрон и премьер-министр Великобритании Кир Стармер провели позитивную встречу в кулуарах похорон Папы Римского Франциска, сообщает Reuters со ссылкой на источник в Елисейском дворце.