2021-07-15 19:30
Информагентства
Հայաստանի խորհրդարանը լուռ ու միաձայն ընդունեց աղմկահարույց օրինագծերը
ԱԺ–ն արտահերթ նիստում երկրորդ ընթերցմամբ ու ամբողջությամբ հաստատեց հանրության շրջանում վերջին օրերին մեծ աղմուկ բարձրացրած օրինագծերը։
Դրանցից առաջինը` կառավարության հեղինակած «Պետական տուրքի մասին» ՀՀ օրենքում փոփոխությունների նախագիծը, ընդունվեց միաձայն` 71 կողմ ձայնով։
Օրինագծի երկրրդ ընթերցմամբ քննարկումը տևեց րոպեներ։ Ոչ մի պատգամավոր հարց չուղղեց էկոնոմիկայի նախարարի պաշտոնակատար Վահան Քերոբյանին։ Ելույթներ ևս չեղան։
Հիշեցնենք` այս օրինագծով լրացուցիչ տուրք է սահմանվում Հայաստանից արտահանվող պղնձի և մոլիբդենի խտանյութերի ու դրանց հարակից ապրանքների նկատմամբ` միջազգային շուկայում պղնձի ու մոլիբդենի այդ պահին գործող գների 15 տոկոսի չափով։
Կառավարության հաշվարկով` նոր տուրքը թույլ կտա տարեկան շուրջ 72 մլրդ դրամի մուտք ապահովել բյուջե, որից կօգտվեն ոչ միայն գերշահույթ ստացող հանքատերերը, այլև շարքային քաղաքացիները` պետական տարբեր ծրագրերի միջոցով։
Օրինագծի ընդդիմախոսները դրանում քաղաքական ենթատեքստ են տեսնում` կանխատեսելով, որ օրենքի ընդունումը կհանգեցնի ոլորտի ընկերությունների կործանման։
ԱԺ–ի հաստատած երկրորդ օրինագիծը «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքի 11-րդ հոդվածի 1-ի փոփոխությունն է։
Դրանով առաջարկվում է պատգամավորական գործունեության հետ կապված ծախսերի համար յուրաքանչյուր պատգամավորին տրվող ամսական 50 000 դրամը դարձնել 250 000։ Այսինքն` ավելացնել 5 անգամ։
Նախագծի համահեղինակ` «Իմ քայլը» խմբակցության անդամ Վիկտոր Ենգիբարյանը երկրորդ ընթերցմամբ քննարկման ժամանակ իր ելույթում ասաց.
«Ես կարծում եմ, որ մենք Հայաստանում պետք է ձևավորենք արժեքային մի այնպիսի համակարգ, որտեղ պետական ծառայողները` թե՛ իրենց աշխատավարձի առումով, թե՛ եկամուտների առումով իրենց հույսը պետք է դնեն միայն ու միայն պետական բյուջեի վրա»։
Նրա խոսքով` Հայաստանում արդեն փակվել է այն էջը, երբ պատգամավորները սերտաճած էին գործարարության հետ, ու պատգամավորներն իրենց ծախսերը հոգում էին «օդում կախված ծրարային մեթոդներով»։
Աշխատանքի և սոցիալական հարցերի նախարարի տեղակալ Դավիթ Խաչատրյանն էլ հայտնեց, որ կառավարության դիրքորոշումը նախագծի նկատմամբ դրական է։
Պատգամավորներն այս նախագծի շուրջ ևս ո՛չ հարցեր տվեցին, ո՛չ ելույթներ ունեցան։
Այս նախագիծը ևս ընդունվեց միաձայն` 71 կողմ ձայնով։
Նոր օրենքն ուժի մեջ կմտնի Ազգային ժողովի հաջորդ գումարման երկրորդ նստաշրջանի բացման օրվանից, այսինքն` 2022թ–ի հունվարից, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-07-22 19:45Главное последствие эскалации конфликта России и Азербайджана — осознание, что Баку не тот, за кого выдавал себя, считает первый заместитель председателя Комитета Госдумы по делам СНГ Константин Затулин. Об этом депутат рассказал в беседе с «Лентой.ру».
-
New2025-07-22 19:44Заблаговременная регистрация иностранцев в мобильном приложении RuID со сдачей биометрии и заполнение в нем электронного заявления является добровольной и не послужит отказом для въезда в РФ. Об этом сообщает ТАСС со ссылкой на пресс-центр МВД России.
-
New2025-07-22 19:39Напомните, пожалуйста, этому субъекту, что она окончила юридический факультет. Фактически эта госпожа прогуляла все уроки, касающиеся институтов «презумпции невиновности» и «надлежащего доказательства». Об этом написала на своей странице в Facebook адвокат Марине Фарманян, комментируя заявление министра здравоохранения Армении Анаит Аванесян.
-
New2025-07-22 19:37Люди, которые взяли на себя управление ЭСА, не имеют опыта. Это политические лица, и они, в первую очередь, будут ставить политические шоу. Об этом заявил в беседе с корреспондентом Новости Армении – NEWS.am экономист Сурен Парсян.