2021-07-17 15:57
Информагентства
Փաշինյան․ Ադրբեջանը հրաժարվում է ՀՀ-ին միջանցք տրամադրել
Նախորդ տարվա իրադարձությունները տարածաշրջանում ստեղծել են նոր իրականություն: Այս մասին, այսօր՝ հուլիսի 17-ին, Եվրոպական խորհրդի նախագահ Շառլ Միշելի հետ համատեղ ասուլիսում իր ելույթում նշեց վարչապետի պաշտոնակատար Նիկոլ Փաշինյանը, տեղեկացնում է News.am-ը:
Նա, մասնավորապես, ասաց. «Հարկ է նշել, որ ուժի կիրառումը և զանգվածային ոճրագործությունները չեն կարող լուծել Ղարաբաղյան հակամարտությունը, որի կարգավորումը հնարավոր է միայն բանակցությունների միջոցով, միջազգային մանդատ ունեցող միակ ձևաչափի՝ ԵԱՀԿ Մինսկի խմբի համանախագահության շրջանակներում: Այս համատեքստում կարևոր եմ համարում հիշատակել ԵԱՀԿ Մինսկի խմբի համանախագահների ապրիլի 13-ի հայտարարությունը, որտեղ նրանք կողմերին կոչ են անում կողմերին լավ հայտնի սկզբունքների հիման վր ԼՂ հակամարտության վերջնական, համապարփակ և կայուն կարգավորման ձեռքբերման նպատակով առաջին իսկ հնարավորության դեպքում վերսկսել բարձր մակարդակի քաղաքական երկխոսությունը համանախագահների հովանու ներքո:
Ես արդեն մի քանի անգամ ողջունել եմ խաղաղ բանակցություններ սկսելու այս հայտարարությունը՝ ընդգծելով, որ Հայաստանը պատրաստ է բանակցությունների վերսկսմանը, սակայն Ադրբեջանը որևէ արձագանք չի տվել և ոչ պաշտոնական աղբյուրներից ստացած տեղեկությունների համաձայն Ադրբեջանը մտադիր է նոր ռազմական բախումներ հրահրել Արցախում և հայ-ադրբեջանական սահմանին, ինչի արտահայտությունը մենք այսօր տեսնում ենք հայ-ադրբեջանական սահմանի Նախիջևանի հատվածում:
Ադրբեջանի հրահրած միջադեպերը թույլ չեն տալիս նաև սկսել հայ-ադրբեջանական սահմանի դելիմիտացիային և դեմարկացիային ուղղված աշխատանքները, որոնց ես նույնպես մի քանի անգամ հրապարակային անդրադարձել եմ, այդ թվում նախընտրական քարոզարշավի ընթացքում:
Նախագահ Միշելի հետ մեր բանակցություններում որպես առաջնային գերակայություն կարևորվել է Ադրբեջանում պահվող ռազմագերիների, պատանդների և այլ պահվող անձանց առանց նախապայմանների և անհապաղ վերադարձը՝ համաձայն միջազգային մարդասիրական իրավունքի և 2020-ի նոյեմբերի 9-ի եռակողմ հայտարարության:
Ուզում եմ ընդգծել, որ ռազմագերիների, պատանդների և այլ պահվող անձանց չվերադարձնելու Ադրբեջանի գործելակերպը նրա կողմից նոյեմբերի 9-ի եռակողմ հայտարարության խախտման միակ դեպքը չէ: Ինչպես գիտեք, նոյեմբերի 9-ի հայտարարությամբ նախատեսված է տարածաշրջանի բոլոր տրանսպրոտային և տնտեսական ենթակառուցվածքների ապաշրջափակում:Ադրբեջանն այս գործընթացին խոչընդոտում է ոչ միայն Հայաստանի սուվերեն տարածքն օկուպացնելու ակնհայտ սպառնալիքներով, այլև ի հեճուկս իր պարտավորությունների, հրաժարվում է Հայաստանին միջանցք տրամադրել Հայաստան-Վրաստան-Ադրբեջան-Ռուսաստան երկաթուղու գործարկման համար»:
ПОСЛЕДНИЕ ОТ АВТОРА
-
New2025-06-11 13:37Губернатор Сюникской области Армении Роберт Гукасян рассказал об обстановке в регионе. Как заявил Гукасян в беседе с журналистами, по ночам время от времени раздаются выстрелы. Он добавил, что после последних сообщений случаев обстрела жилых домов не фиксировалось. Губернатор отметил, что Азербайджану своими обстрелами не удалось посеять панику среди жителей Сюника.
-
New2025-06-11 13:3423 июня начнется второй этап борьбы. Об этом в беседе с журналистами 11 июня заявил член Совета по защите прав граждан Арцаха Апрес Маркарян.
-
New2025-06-11 13:32Всемирный банк снизил прогноз экономического роста Армении.
-
New2025-06-11 13:29Действия Никола Пашиняна, направленные на ликвидацию порядка служения Католикосов в Армянской церкви, не только подрывают конституционный строй Армении, но и нарушают основные религиозные свободы миллионов армян, проживающих в стране и диаспоре, оскорбляют их религиозные чувства. Об этом говорится в заявлении, распространенном оппозиционным движением «Айакве».