2021-07-23 11:13
Информагентства
0
Պետությունը անհետ կորած զինծառայողների ընտանիքներին 9 ամիս դրամական աջակցություն կտրամադրի
Անհետ կորած զինծառայողի մարմնի նույնականացման և հուղարկավորման դեպքում ամսական վճարումները դադարեցվում են։
Մինչ անհետ կորած զինծառայողի կարգավիճակի հստակեցումը նրա ընտանիքի անդամներին կտրամադրվի դրամական աջակցություն, բայց ոչ ավել, քան 9 ամսվա համար։ Տեղեկությունը հայտնում է ՀՀ պաշտպանության նախարարության մամուլի ծառայությունը։
ՀՀ կառավարության 2020 թվականի դեկտեմբերի 10-ի որոշմամբ հաստատվել է «Ադրբեջանի կողմից 2020թ. սեպտեմբերի 27-ին սանձազերծված ռազմական գործողությունների հետևանքով անհետ կորած զինծառայողների ընտանիքների սոցիալական աջակցության միջոցառումը», իսկ ՀՀ կառավարության 2020թ. դեկտեմբերի 24-ի որոշմամբ` «2020թ. ռազմական գործողությունների հետևանքով անհետ կորած զինծառայողների ընտանիքներին ամենամսյա դրամական վճար տրամադրելու կարգը»:
Ըստ հիշյալ որոշումների` մինչ անհետ կորած զինծառայողի կարգավիճակի հստակեցումը նրա ընտանիքի անդամներին տրամադրվում է ամսական 300.000 դրամ աջակցություն։
Ամենամսյա դրամական վճարի տրամադրումն իրականացվում է «Զինծառայողների կյանքին և առողջությանը պատճառված վնասների հատուցման հիմնադրամի» միջոցով:
«Անհետ կորած զինծառայողի մարմնի նույնականացման և հուղարկավորման դեպքում նրա ընտանիքի անդամների` հիմնադրամի շահառու ճանաչվելուց հետո դադարեցվում է ամենամսյա 300.000 ՀՀ դրամ վճարի տրամադրումը, իսկ վճարված գումարները նվազեցվում են շահառուի` հիմնադրամից վճարման ենթակա միանվագ գումարից»,–նշված է հաղորդագրության մեջ:
Ավելի վաղ Զինծառայողների ապահովագրության հիմնադրամը հայտնել էր, որ պատերազմի հետևանքով զոհված ևս 153 հերոս զինծառայողի ընտանիքներ հատուցում են ստացել:
Հիմնադրամի հիմնական շահառուների քանակը 4177-ն է։ Տվյալ թվից 416-ը հիմնադրամի շահառու էին դարձել նախքան 2020 թվականի պատերազմը։
Այս հիմնադրամը ստեղծվել է հայրենիքի սահմանները պաշտպանելիս զոհված, անհետ կորած, զինհաշմանդամության առաջին, երկրորդ կարգ ձեռք բերած մարտիկների ու նրանց ընտանիքների սոցիալական բարօրության, կայուն և հավասար ապահովագրական հատուցումներ տրամադրելու նպատակով:
Զոհվածների հարազատները միանվագ ստանում են 10 միլիոն դրամ և 200-300 հազար դրամ ամսական (կախված զոհվածի կոչումից): Նույն ամսական վճարները (առանց միանվագ) ստանում են 1-ին խմբի հաշմանդամություն ունեցող զինվորականները։
Երկրորդ խմբի հաշմանդամները ստանում են 5 միլիոն դրամի միանվագ վճար և համապատասխանաբար 200, 150 և 100 հազար դրամի ամսական վճարումներ: Ամենամսյա վճարումները տրամադրվում են 20 տարի։
Հիմնադրամի միջոցները գոյանում են Հայաստանում ու Արցախում եկամուտ ստացող անձանց ամսական պարտադիր վճարներից, ինչպես նաև կամավոր նվիրատվություններից, որոնք փոխանցվում են սփյուռքից։
Sputnik Հայաստան
ПОСЛЕДНИЕ ОТ АВТОРА
-
New2024-04-18 14:02Согласно распространенной информации, российские миротворческие силы уходят из Арцаха. Передвижение произойдет (происходит) через территорию Азербайджана в Российскую Федерацию (Дагестан), что свидетельствует о том, что очерченная ранее миссия для миротворческого контингента в этом регионе уже не актуальна, а «формирование» новых миссий уже невозможно. Об этом написал на своей странице в Facebook экс-глава КГД Армении Давид Ананян, передает NEWS.am.
-
New2024-04-18 14:02Глава администрации общины Киранц Камо Шагинян сообщил "Грапараку", что местные жители села недовольны заявлениями Никола Пашиняна и теперь думают, что делать дальше, передает Aysor.am.
-
New2024-04-18 14:00Американский конгрессмен, сопредседатель комитета Конгресса США по армянским вопросам Гас Билиракис коснулся шагов, предпринятых Турцией на Южном Кавказе, назвав их продолжающимися злодеяниями, упомянув при этом об их непростительности.
-
New2024-04-18 13:56Правительство Армении сократило перечень заболеваний, дающих право на освобождение от воинской службы. Соответствующее решение было принято на заседании кабмина в четверг, передает Sputnik Армения.
