Կոպիրկին․ Անարդար է ասել, որ ՀԱՊԿ-ը անտեսում է իրավիճակը

Հայաստանում ՌԴ դեսպան Սերգեյ Կոպիրկինը պատասխանելով հայ-ադրբեջանական սահմանին իրավիճակի կարգավորման ուղղությամբ ՌԴ-ի և ՀԱՊԿ-ի ջանքերի մասին հարցին՝ դեսպանը նշել է, որ այդ կապակցությամբ ՀԱՊԿ-ի և Ռուսաստանի հասցեին բավական շատ քննադատություններ են հնչել:

Նրա խոսքով ՝ անարդար է ասել, որ կազմակերպությունն անտեսում է իրավիճակը։ Նշելով, որ ՀԱՊԿ-ի հայտարարություններն ինչ-որ մեկին կարող են անբավարար թվալ, դեսպանն ընդգծել է, որ, այնուամենայնիվ, դրանցում առկա էր մտահոգություն ստեղծված իրավիճակի վերաբերյալ և դրա կայունացման պահանջ: Նա կարծիք է հայտնել, որ դա ինքնին խոսում է այն մասին, որ ՀԱՊԿ-ն անտարբեր չէ և չի անտեսում իրավիճակը։

Անդրադառնալով ՌԴ-ի դերին՝ Կոպիրկինն ընդգծել է, որ «այդ առումով աշխատանքն իրականացվում է մշտական ռեժիմով», այդ թվում, երբ իրավիճակը Սև լճի շրջանում իրավիճակի կայունացման աշխատանքներին անմիջական մասնակցություն է ունեցել ռուսական խաղաղապահ զորախմբի ղեկավարությունը:

«Այդ թեման մշտապես գտնվում է բանակցությունների սեղանին ինչպես ադրբեջանական, այնպես էլ հայկական կողմի հետ։ Այն միջոցները, որոնք կարող էին կայունացնել իրավիճակը և թույլ չտալ դրա հետագա վատթարացում, ամրապնդել անվտանգությունն այդ շրջաններում առարկայորեն քննարկվում են ռուսական կողմի նախաձեռնողական մասնակցությամբ», – հայտարարել է դեսպանը՝ ընդգծելով, որ դա այդ ուղղությամբ ՌԴ-ի քաղաքականության գերակա հարցերից մեկն է:

Սերգեյ Կոպիրկինը նաև պատասխանել է Ադրբեջանում պահվող հայ գերիների շուրջ ստեղծված իրավիճակին: «Իմ տվյալներով ՝ 2020 թվականի նոյեմբերից ռուսական կողմի մասնակցությամբ վերադարձվել է 81 հայ ռազմագերի։ Այս թվերը խոսում են այն մասին, որ մենք չենք կարող ասել, որ այդ հարցն անտեսվում է, և ոչ մի տեղաշարժ չկա», – հայտարարել է նա:

«Իհարկե, մենք կցանկանայինք, որ դա շատ ավելի արագ որոշվեր։ Ի սկզբանե մեր սկզբունքային դիրքորոշումը եղել է, և այն մնում է հիմա, որ դա պետք է լինի փոխանակման բոլորի համար։ Ցավոք, չի ստացվում այդքան արագ, տրամաբանական և պարզապես լուծել այդ խնդիրը, Այդ իսկ պատճառով աշխատանքը, ընդ որում ՝ կոնկրետ, արվել և տարվում է», – ասել է դեսպանը։

Նա ընդգծել է, որ դա մի հարց է, որը նույնպես ռուսական կողմի համար ամենակարևոր հարցերից մեկն է՝ նշելով շատ մեծ դեր, որն այս գործընթացում խաղում է ռուսական խաղաղապահ զորակազմի հրամանատարը, տեղեկացնում է ArmeniaToday.news-ը: