2021-08-04 12:37
Информагентства
0
Մենք կարողացանք ճեղքել երկրում հաստատված քաղաքական մենաշնորհը
8-րդ գումարման Ազգային ժողովը շարունակում է աշխատանքը։ Խորհրդարանը ընտրում է ընդդիմադիր փոխնախագահին։ ԱԺ նախագահի տեղակալի թեկնածու Իշխան Սաղաթելյանին ներկայացրեց «Հայաստան» խմբակցության ղեկավար Սեյրան Օհանյանը, տեղեկացնում է Փաստինֆո-ն։
Վերջինս նշեց, որ խորհրդարանական պետության պայմաններում իրացնել քաղաքական զսպումների գործուն մեխանիզմները ընդդիմության կողմից չստացվեց, որովհետև իրենց երկու գործընկերներն անազատության մեջ են հայտնվել պատգամավոր ընտրվելուց հետո։ Մուրճի քաղաքականության ընթացքում են վերջիններս հայտնվել անազատության մեջ՝ ակնհայտ խոսքերից հետո, որ ընտրություններից հետո որոշ համայնքապետեր կհայտնվեն ճաղավանդակի հետևում։
«Իրավիճակից դուրս գալու երկու տարբերակ կա՝ կամ մուրճին պետք է հակադրենք հանքահատ մուրճ՝ քանդենք այդ պատը, կամ պետք է այսպիսի քննարկումներ լինեն»։
Օհանանը հիշեցրեց, որ չպետք է մոռանալ, որ ապրում ենք ծանրագույն ժամանակահատվածում։ Խորհրդարանը աշխատանքներն սկսել է ծանր պայմաններում, երբ երկու ամսից ավելի ադրբեջանական բանակը հատել է ՀՀ սահմանը՝ խախտելով մեր երկրի ինքնիշխանությունը, 44-օրյա պատերազմի վերքերը դեռ բաց են, պատերազմը չի ավարտվել, հարյուրավոր գերիների ճակատագիրն անհայտ է, նոր բախումների, զոհերի փաստեր ունենք։ Երկիրը լրջագույն անվտանգային հարցի առջև է կանգնած։ Օհանայնը հավելեց, որ արտահերթ ընտրությունները չհանգուցալուծեցին երկրում ստեղծված քաղաքական-բարոյական ճգնաժամը։
«Ամեն ինչ, ամեն օր ավելի է խորանում իշխանությունների որդեգրած ռեպրեսիվ վարքագծի արդյունքում։ Այո, մեզ չհաջողվեց ամբողջական իշխանափոխություն անել, բայց նաև իրավունք չունենք չգնահատել այն իրողությունը, որ կարողացանք ճեղքել երկրում հաստատված քաղաքական մենաշնորհը»։
Օհանյանը նշեց, որ քաղաքական օրակարգը և նպատակադրումները սպառված չեն և քաղաքական պատասխանատվության լրջագույն պարտք ունեն իրենց ընտրողներին։ Պատասխանատվությունը դրդում է, որ չեն դադարեցնելու խորհրդարանական, արտախորհրդարանական պայքարը։
«Սաղաթելյանին ԱԺ փոխնախագահի պաշտոնում առաջադրելը կարևորում ենք այս տեսանկյունից, համոզված ենք, որ Իշխան Սաղաթելյանը լավագույնս կիրականացնի՝ Սահամանադրությամբ ընդդիմությանը վերապահված այս կարգավիճակից բխող լիազորությունները»։
ПОСЛЕДНИЕ ОТ АВТОРА
-
New2024-05-09 15:42Марш движения «Во имя Родины» под предводительством предстоятеля Тавушской епархии Армянской апостольской церкви, архиепископа Баграта Галстаняна дошел до Еревана. Протестующие в данный момент проходят административный район Канакер-Зейтун на севере столицы Армении, передает NEWS.am.
-
New2024-05-09 15:34К начавшемуся 4 мая с приграничного Киранца маршу движения «Тавуш во имя Родины» присоединяются многочисленные граждане и силы самой разной геополитической ориентации, передает корреспондент NEWS.am.
-
New2024-05-09 15:28Пресс-секретарь президента РФ Дмитрий Песков подтвердил, что на встрече Владимира Путина и премьера Армении Никола Пашиняна в среду в Москве был согласован вывод российских военных и пограничников из ряда областей Армении, но они останутся на границе Армении с Турцией и Ираном, передает Aysor.am.
-
New2024-05-09 14:16Армянский народ должен, не теряя веры, объединиться вокруг светлой идеи армянской государственности. Об этом говорится в заявлении Католикоса Всех армян Гарегина II, передает Sputnik Армения.
