2021-08-05 14:47
Информагентства
0
Շուշան ԴՈՅԴՈՅԱՆ. PANORAMA.AM-Ի ԼՈՒՍԱՆԿԱՐՉԻ ՄՈՒՏՔԸ ԽՈՐՀՐԴԱՐԱՆ ԱՐԳԵԼԵԼՈՒ ՈՐՈՇՈՒՄԸ ԿԱՄԱՅԱԿԱՆ Է
Panorama.am-ի լուսանկարչի մուտքը խորհրդարան արգելելու վերաբերյալ ԱԺ որոշման մասին այսօր լրագրողական կազմակերպությունները հանդես կգան հայտարարությամբ։
«Շատ կարևոր է, որ այս հարցի շուրջ համայնքի ներսում լինի միասնական դիրքորոշում, միասնական ընդվզում և պարտադրանք իշխանություններին, որպեսզի նման սահմանափակումներ, որոնք երբևէ չի տեսել Հայաստանի Հանրապետությունն անգամ ամենածանր իրավիճակներում, կիրառություն չստանան ու պրակտիկա չձևավորեն»,-Panorama.am-ի հետ զրույցում ասաց «Ինֆորմացիայի ազատության կենտրոն» ՀԿ նախագահ Շուշան Դոյդոյանը։
Տեղեկատվության ազատության հարցերով փորձագետը լուսանկարիչ Լիլիան Գալստյանի մուտքն ԱԺ արգելելը որակում է որպես լրագրողական աշխատանքի՝ հետևաբար նաև հասարակության տեղեկատվությաւն ստանալու իրավունքի կոպիտ ոտնահարում, տեղեկատվության ազատության, մատչելիության կոպիտ սահմանափակում։
«Թեև ԱԺ ղեկավարությունը փափուկ բարձ է փորձում դնել՝ տեղեկացնելով, իբր ուզում են կարգավորել լրագրողների աշխատանքը, բայց կոնկրետ այս դեպքում երևում է, որ դրանք ուղղված են ոչ թե կարգավորմանը, այլ առավելապես միտված են լրագրողների աշխատանքը խոչընդոտելուն, խանգարելուն, հետևաբար հասարակությանը տեղեկատվություն ստանալու իր հիմնարար իրավունքից զրկելուն»,-մանրամասնեց Շուշան Դոյդոյանը։
ԻԱԿ նախագահի խոսքով, Panorama.am-ի լուսանկարիչ Լիլիան Գալստյանը մասնագիտական բարձր պրոֆեսիոնալիզմով իրականացրել է իր մասնագիտական աշխատանքը, հրապարակված լուսանկարները դասական լրագրության կադրեր են, որոնք նկարագրում էին տիրող իրավիճակը խորհրդարանի տարածքում ու շենքում։
«Փայլուն կադրեր էր ֆիքսել ԱԺ-ում, միջանցքներում, և ով նայում էր այդ լուսանկարները, անհեթեթություն էր որակում այն սահմանափակումները, որոնք զինվորական համզգեստով մարդիկ կիրառում էին ԱԺ-ում ընդդեմ լրատվամիջոցների։ Եվ քանի որ կադրերն ամեն ինչ ասում էին հազարավոր բառերի փոխարեն, թե ինչպիսի միջավայր է ձևավորել ԱԺ ղեկավարությունը լրագրողների համար, բնականաբար նրանք փորձում են քայլեր անել բարեխիղճ լուսանկարչի մուտքն ԱԺ արգելելու համար։ Սա անօրինական արգելք է»,-ասաց Շուշան Դոյդոյանը։
Ըստ փորձագետի, ԶԼՄ ներկայացուցիչների մուտքը այս կամ այն պետական կառույց կարող է սահմանափակվել միայն երկու նպատակով։
«Առաջին դեպքում, եթե լրագրողի կամ լրատվամիջոցի ներկայացուցչի ներկայությունը կարող է անվտանգության ռիսկեր, սպառնալիք պարունակել, ինչն այդ դեպքին բացարձակապես չի առնչվում, և երկրորդ դեպքում, եթե լրագրողների թիվն այնքան մեծ է, որ ստիպված են սահմանափակել, որովհետև չեն տեղավորվի այդ կառույցի դահլիճում, շենքում, դհլիճներում։ Մնացած բոլոր հիմքերը կամայական են ու սուբյեկտիվ ու չեն կարող համարվել միջազգային լավագույն փորձին համապատասխան»,-ընդգծեց ԻԱԿ նախագահը։
Նա նշեց, ինչքան շուտ վերանայի ծածուկ ու թաքուն ընդունած որոշումը ԱԺ նախագահը, այնքան դրանից կշահի կառույցի ու նաև նրա հեղինակությունը։
ПОСЛЕДНИЕ ОТ АВТОРА
-
2025-01-15 20:05Соглашение о стратегическом партнерстве с США не нацелено на устранение стоящих перед Арменией вызовов, не обеспечивает новых гарантий для укрепления безопасности Армении. Об этом написал на своей странице в соцсетях бывший министр иностранных дел Армении Вардан Осканян.
-
2025-01-15 20:01Бывший командующий Армией обороны Нагорного Карабаха Джалал Арутюнян признан виновным в халатности, допущенной в условиях военного положения. Решение было принято в среду на заседании суда в Сюникской области. Об этом адвокат потерпевшей стороны Липарит Симонян сообщил Sputnik Армения.
-
2025-01-15 19:56В эти дни исполняется 35-я годовщина погромов, этнических чисток и массовой депортации армян из Баку. Об этом говорится в заявлении, распространенном МИД Армении.
-
2025-01-15 19:54Россия сократит государственный долг Армении в качестве компенсации за оплаченные, но не поставленные вооружения. Об этом сообщил министр обороны республики Сурен Папикян на пресс-конференции. По его словам, такая договоренность была достигнута между министерствами финансов двух стран.