Իրանը նախազգուշրել է Պարսից ծոցում միջադեպեր հրահրելու փորձերի մասին

Իրանը համաշխարհային հանրությանը նախազգուշացնում է Պարսից ծոցում արհեստականորեն միջադեպեր հրահրելու փորձերի մասին: Այս մասին հինգշաբթի հաղորդել է IRNA գործակալությունը` վկայակոչելով ՄԱԿ-ում Իսլամական Հանրապետության մշտական ​​ներկայացուցչի տեղակալ Զահրա Էրշադիի` ՄԱԿ -ի Անվտանգության խորհրդի նախագահին ուղղված նամակը: Այն ուղարկվել է ի պատասխան Ռումինիայի, Մեծ Բրիտանիայի և Լիբերիայի` ՄԱԿ-ին կից մշտական ներկայացուցիչների համատեղ հաղորդագրությանը, որոնք մեղադրել էին Թեհրանին օգոստոսի 3-ին Արաբական ծովում Mercer Street նավթատարի վրա հարձակման մեջ:

«Առանց որևէ ապացույց ներկայացնելու իրենց պնդումները հիմնավորելու համար վերոհիշյալ նամակի հեղինակներն այնպիսի անորոշ տերմինների են դիմել, ինչպիսիք են «շատ հավանական է»,« նախնական գնահատականներ» և «մեկ կամ մի քանի անօդաչու թռչող սարք», ինչպես նաև` այնպիսի անորոշ տերմինաբանությանը, ինչպիսիք են «միջազգային գործընկերներ», «Իրանի Իսլամական Հանրապետությանը մեղադրել Mercer Street նավի վրա հարձակման համար»,- ասել է դիվանագետը:

«Այս անհիմն պնդումը, որն առաջին անգամ Իսրայելի ռեժիմն առաջադրել է ակնհայտ քաղաքական նպատակներով հարձակումից անմիջապես հետո, իրականում սխալ է, քաղաքական և էթիկապես անպատասխանատու և ուստի կտրականապես մերժվում է: Մենք զգուշացնում ենք Պարսից ծոցում և ընդհանուր տարածաշրջանում ծովային միջադեպեր արհեստականորեն ստեղծելու կասկածելի փորձերի մասին: Նման անպատասխանատու գործողությունները վնասում են տարածաշրջանի անվտանգությանը և կայունությանը և պետք է անհապաղ դադարեցվեն»:

«Երկար առափնյա գծով, Կասպից ծովում բազմաթիվ նավահանգստային օբյեկտներով, Պարսից և Օմանյան ծոցերով, ինչպես նաև ծովային նավերի ուղիների բարձր հզորությամբ` Իրանի Իսլամական Հանրապետությունը չափազանց շահագրգռված է ծովային անվտանգության և նավագնացության ազատության հարցում` մեծ նշանակություն տալով դրանց»,- շարունակեց Էրշադին:

«Հետևելով այս նպատակին և իր վաղեմի քաղաքականությանը, հավատարիմ մնալով իր միջազգային պարտավորություններին` Իրանը նաև զգալի ներդրում է ունեցել ծովային անվտանգության և նավագնացության ազատության ապահովման գործում: Հնդկական օվկիանոսում և հարակից տարածքներում ավելի քան մեկ տասնամյակ Իրանի ռազմածովային ուժերի տեղակայումը` ի պաշտպանություն ծովահենության դեմ պայքարի միջազգային ջանքերի, ՄԱԿ-ի գլխավոր քարտուղարը բազմիցս ճանաչել է զեկույցներում և Անվտանգության խորհրդի կողմից հաստատվել բազմաթիվ բանաձևերում»:

Միացյալ Թագավորությունը, Իսրայելը և ԱՄՆ-ն Իրանին մեղադրում են հուլիսի 30-ի գիշերը Լիբերիայի դրոշով Mercer Street քիմիական տանկերի վրա հարձակման համար: Արևմտյան լրատվամիջոցները հայտնում են անձնակազմի երկու անդամի` Ռումինիայի և Մեծ Բրիտանիայի քաղաքացիների մահվան մասին: Լոնդոնը և Վաշինգտոնը հայտարարել են, որ խորհրդակցում են դաշնակիցների հետ` հարձակմանը համաձայնեցված պատասխան տալու համար, տեղեկացնում է News.am-ը: