2021-08-06 13:35
Информагентства
ՔՊ–ն առաջարկում է 12 հանձնաժողով ստեղծել
«Քաղաքացիական պայմանագիր» խմբակցությունն առաջարկում է ստեղծել 12 խորհրդարանական հանձնաժողով։ Համապատասխան որոշումն այսօր ներկայացրեց խմբակցության ներկայացուցիչ Վլադիմիր Վարդանյանը։
ՔՊ-ն առաջարկում է միայն մեկ փոփոխություն անել՝ կիսել և երկու հանձնաժողով ձևավորել առողջապահության և սոցիալական հարցերի հանձնաժողովից։ Վարդանյանի կարծիքով ՝ դա միայն կբարձրացնի պրոֆիլային հանձնաժողովների աշխատանքի արդյունավետությունը։
«Այդ հանձնաժողովն աշխատել է մեծ ծանրաբեռնվածությամբ ինչպես կորոնավիրուսի համաճարակի ժամանակ, այնպես էլ պատերազմի ընթացքում և դրանից հետո ։ Պետք չէ մոռանալ նաև, որ դրանք պրոֆիլային հանձնաժողովներ են, որտեղ պետք է աշխատեն փորձագետները», - նշեց Վարդանյանը։
Հատկանշական է, որ ՔՊ-ն «Պատիվ ունեմ» խմբակցությանն առաջարկում է ինքնուրույն որոշել, թե որ հանձնաժողովներում է աշխատելու։ «Պատիվ ունեմ» դաշինքը ներկայացված է 7 անդամով։ ՔՊ-ն առաջարկում է, որ դաշինքն ամեն հանձնաժողովում ունենա մեկական պատգամավոր։
«Հայաստան» և «Պատիվ ունեմ» խմբակցությունների ներկայացուցիչներ Արծվիկ Մինասյանն ու Տիգրան Աբրահամյանը հետաքրքրվեցին, թե ինչու չի ստեղծվել Արցախի հարցերով հանձնաժողովը, ինչպես առաջարկում էր ընդդիմությունը։ Վարդանյանը հայտարարեց, որ իրենց խմբակցությունը չի ցանկացել իջեցնել Հայաստանի և Արցախի խորհրդարանների միջև համագործակցության նշաձողը: Նա հիշեցրեց, որ 1996 թվականին օրենսդիր մարմինների միջև ստորագրվել է միջխորհրդարանական համաձայնագիր, որից հետո ձևավորվել են միջխորհրդարանական հանձնաժողովներ, որոնք ակտիվորեն համագործակցում են:
«Եվ նման համագործակցության մակարդակն իջեցնելն առնվազն անտրամաբանական է ։ Բայց մենք վստահ ենք, որ բոլոր պրոֆիլային հանձնաժողովները պետք է զբաղվեն նաև Արցախի հետ կապված հարցերով», - ասաց նա, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-06-09 09:38Сегодня в Котайкской области произошла драка со стрельбой.
-
New2025-06-09 09:35МВД Армении опубликовало видео ДТП, которое произошло в Араратской области.
-
New2025-06-09 09:33Военнослужащие Национальной гвардии Калифорнии прибыли в Лос-Анджелес 8 июня рано утром по местному времени в ответ на протест против рейдов федеральной иммиграционной службы, сообщает NBC News.
-
New2025-06-09 09:30По информации Hraparak.am, кортеж премьер-министра Армении Никола Пашиняна, возвращавшийся из Сюникской области, попал в ДТП в селе Армаш, получили травмы также некоторые из телохранителей.