2021-08-06 18:43
Информагентства
ԱԺ ԱՇԽԱՏԱԿԱԶՄԸ ՎԵՐԱԶԱՆՑԵԼ Է ԼԻԱԶՈՐՈՒԹՅՈՒՆՆԵՐԸ. ԱՐՍԵՆ ԲԱԲԱՅԱՆԸ ՊԱՀԱՆՋՈՒՄ Է ՔՐԵԱԿԱՆ ԳՈՐԾ ՀԱՐՈՒՑԵԼ
ՀՀ Ազգային ժողովի աշխատակազմը հերթական անգամ վերազանցել է լիազորությունները այդպիսով կատարելով ՀՀ քրեական օրենսգրքով արգելված արարք, այն է՝ հանցագործություն, ֆեյսբուքի իր էջում գրել է «Հայրենիք» կուսակցության վարչության անդամ Արսեն Բաբայանը։
ԱԺ աշխատակազմն արգելել է լրատվամիջոցի հավատարմագրված ներկայացուցիչ Լիլիան Գալստյանի մուտքը ՀՀ Ազգային ժողովի տարածք։ Որպես արգելելու հիմնավորում աշխատակազմը նշել է, թե իբր Լիլիան Գալստյանը լուսանկարահանել է այնպիսի օբյեկտներ և սուբյեկտների, որոնց լուսանկարահանելն արգելված է։
«Ազգային ժողովում լրագրողների հավատարմագրման կարգն ու այլ իրավական ակտերն Աշխատակազմին չեն լիազորում լրատվամիջոցի ներկայացուցչի մուտքի արգելում, ավելին՝ նույն կարգն արգելում է Աշխատակազմին որևէ կերպ խոչընդոտել կամ միջամտել լրատվամիջոցի ներկայացչի գործունեությանը։ Իսկ համաձայն Սահմանադրության՝ պետական և տեղական ինքնակառավարման մարմիններն ու պաշտոնատար անձինք իրավասու են կատարելու միայն այնպիսի գործողություններ, որոնց համար լիազորված են Սահմանադրությամբ կամ օրենքներով: Այսինքն՝ եթե նրանք կատարում են այնպիսի արարք, որի համար լիազորված չեն, ապա թույլ են տալիս պաշտոնեական լիազորությունների անցում կամ չարաշահում։
Աշխատակազմի կողմից նշված խախտումների հիմքով, եթե Աշխատակազմն այն կարողանա հիմնավորել (ապացույցներ դրանց մասին և այլն), Աշխատակազմն իրավունք ունի կատարելու իրար պարտադիր հաջորդող երկու գործողություն. 1) գրավոր նախազգուշացնել լրատվական գործունեություն իրականացնող անձին, որի անունից հավատարմագրվել է լրագրողը (ներկայացուցիչը), 2) որից հետո միայն իրավունք կունենա վաղաժամկետ դադարեցնելու լրագրողի հավատարմագրումը։
Առանց այս գործողությունների կատարման ԱԺ-ի տարածք լրագրողի մուտքն արգելելը հանցագործություն է, որը նախատեսված է քրեական օրենգսրքի 164-րդ և 309-րդ հոդվածներով։
ՀՀ գլխավոր դատախազությանը հորդորում եմ սույն տեղեկությունն ընդունել ի գիտություն և հարուցել քրեական գործ»։
ПОСЛЕДНИЕ ОТ АВТОРА
-
2025-06-09 19:53Заместитель председателя Республиканской партии Армении и политзаключённый Армен Ашотян заявил, что кампания премьер-министра Никола Пашиняна против Армянской Апостольской Церкви носит заказной характер и осуществляется «в тесной координации с Азербайджаном».
-
2025-06-09 19:52Генпрокурор Анна Вардапетян направила в парламент ходатайство о возбуждении уголовного дела в отношении руководителя оппозиционной фракции «Армения» Сейрана Оганяна и секретаря той же фракции Арцвика Минасяна.
-
2025-06-09 19:50Зампреду РПА Армену Ашотяну продлили домашний арест на 2 месяца.
-
2025-06-09 19:49Министр территориального управления и инфраструктур Давид Худатян выразил надежду, что воздушная линия электропередачи между Арменией и Ираном будет запущена уже в 2026 году. Об этом он заявил во время отчета о выполнении бюджета за 2024 год.