2021-08-07 08:44
Марина МКРТЧЯН
ԲՌՆԱՃՆՇՈՒՄՆԵՐԸ ՇԱՐՈՒՆԱԿՎՈՒՄ ԵՆ։ Ի՞ՆՉ ԿՈՐՈՇԻ ՍԱՀՄԱՆԱԴՐԱԿԱՆ ԴԱՏԱՐԱՆԸ
Նախկին համայնքապետերի հայցերով ՍԴ որոշումը ոչինչ չի փոխի
Ինչպես արդեն հաղորդվել է, հենց այն ժամանակ, երբ ադրբեջանցիները կրակում էին Գեղարքունիքի մարզի ռազմական դիրքերի և խաղաղ բնակչության վրա, նույն մարզի Զոլաքար համայնքում իշխանությունը փոխատեղում էր կատարում ոստիկանության մի ամբողջ դասակի մասնակցությամբ։ Իշխանությունը համայնքապետի պաշտոնակատար է նշանակել «Քաղաքացիական պայմանագիր» կուսակցության անդամին, որը գյուղապետարանի շենք է մտել տասնյակ ոստիկանների ուղեկցությամբ և զբաղեցրել ղեկավար աթոռը՝ չնայած համայնքի բնակիչների բողոքի ակցիային:
Զոլաքարցիները ցանկանում էին, որ մինչ աշնանային ընտրություններ այդ աթոռը զբաղեցնի համայնքի աշխատակիցներից որևէ մեկը, այլ ոչ թե կողմնակի անձ։ Բողոքի ակցիաները շարունակվեցին մի քանի օր, վերջին անգամ (օգոստոսի 5) բերման են ենթարկվել աշխատակազմի անդամները: Արդյունքում Զոլաքարի նախկին համայնքապետ Արմեն Ղազարյանը, Դիլիջան համայնքի (Տավուշ) նախկին համայնքապետ Արմեն Սանթրոսյանը, Թումանյան համայնքի (Լոռի) նախկին ղեկավար Լևոն Զավարյանը և էլի մի քանի նախկին համայնքապետեր դիմել են ՍԴ՝ Հիմնական օրենքին ՀՀ Ընտրական օրենսգրքի որոշ հոդվածների համապատասխանության հարցը պարզելու համար:
ՍԴ դիմումները վերաբերում են նախորդ հրապարակումներում բազմիցս արծարծված խնդրին. համայնքների ղեկավարներին փոխելուն։ Հայտնի է, որ կորոնավիրուսի համաճարակով պայմանավորված արտակարգ դրության և դրան հաջորդած ռազմական դրության պատճառով մեր երկրում տեղական իշխանության ընտրություններ չանցկացվեցին: Այդ ընթացքում գյուղական և քաղաքային համայնքների մի շարք ղեկավարների լիազորություններն, ըստ օրենքի, ավարտվել են։ Տրամաբանական կլիներ, եթե համայնքապետերը շարունակեին ղեկավարել համայնքները պաշտոնակատարի կարգավիճակով, մանավանդ որ հերթական ընտրությունների ժամկետները բաց են թողնվել օրինական հիմքերով։ Ավաղ, իշխանությունը հանգեց այլ եզրակացության. ի տարբերություն Փաշինյանի, տեղական մակարդակի ընտրված ղեկավարներին թույլ չտվեցին պաշտոնակատարի կարգավիճակով ղեկավարել մինչև աշնանային ընտրությունները։ Ընդ որում պետք է հաշվի առնել, որ, ի տարբերություն Նիկոլի, նրանք հրաժարական չեն տվել։
Տեղի է ունեցել օրինականության կոպիտ խախտում, այն է՝ իշխանությունը փոխարինել է տեղական իշխանության ընտրված ներկայացուցիչներին պաշտոնակատարի կարգավիճակ ստացած դրածոներով։ Դա կոպտագույն խախտում է, բայց բնավ միակը չէ։ Ըստ օրենքի, համայնքների ղեկավարների լիազորությունների հետ մեկտեղ լրանում է ավագանու խորհուրդների անդամների լիազորությունների ժամկետը, բայց իշխանությունը չդիպավ ավագանուն, փոխարենը պարտադրելով նրանց նոր ղեկավարներ, որպեսզի աշնանային ընտրություններում հեշտությամբ անցկացնի իր նշանակած պաշտոնակատարներին համայնքների ղեկավարների պաշտոնի։
Ինչպես արդեն հաղորդվել է, տեղական ինքնակառավարման մարմինների ընտրությունները նշանակված են հոկտեմբերի 17-ին և նոյեմբերի 14-ին, ընդ որում ՍԴ-ն արդեն մի քանի անգամ հետաձգել է համայնքապետերի դիմումների քննարկումը: Նիստը նշանակված է սեպտեմբերի 14-ին։ Նույնիսկ եթե որոշումը լինի համայնքապետերի օգտին, այն արդեն ոչինչ չի փոխի։ Պարզապես իշխանության անթիվ ապօրինություններին կավելանա ևս մեկ դրվագ…
Աշնանային ընտրությունների մոտենալուն զուգընթաց ուժգնանում են ճնշումները համայնքների այն ղեկավարների նկատմամբ, որոնք արտահերթ ընտրություններում չեն աջակցել կապիտուլյանտի կուսակցությանը։ Հալածանքների էպիկենտրոնում են հայտնվել Սյունիքի ոչ միայն խոշոր համայնքների, այլև փոքրիկ գյուղերի ղեկավարները, ինչպիսիք են, օրինակ, Ալվանքը (Ալիկ Թումանյան) և Տաթևը (Մուրադ Սիմոնյան)։ Տեղական իշխանության ղեկավարների դեմ քրեական գործերի քանակով առաջատար են Սյունիքի և Արմավիրի մարզերը։
Նյութեր են նախապատրաստվում քրեական գործի համար
Հուլիսի 21-ին «Հայրենիք» կուսակցության առաջնորդ (այժմ արդեն «Պատիվ ունեմ» խմբակցության ղեկավար) Արթուր Վանեցյանը Հանրային հեռուստաընկերության հաղորդավար Պետրոս Ղազարյանին տված հարցազրույցում հայտարարեց բառացիորեն հետևյալը.
«Մեր թիմակիցներին ազատում են աշխատանքից քաղաքական հայացքների համար: Մեր թիմակիցներին, որոնք ընտրված համայնքի ղեկավար են, ստիպում են, որ հրաժարական ներկայացնեն»։ Վանեցյանը օրինակ բերեց Վանաձորի ինֆեկցիոն հիվանդանոցի բուժքրոջ ցուցմունքը։ Այդ կնոջը մարզպետի մակարդակով ստիպել են աշխատանքից ազատվելու դիմում գրել «Հայրենիք» կուսակցությանը աջակցելու համար։
Այդ հաղորդագրությունը դարձել է քննչական մարմինների ուսումնասիրության առարկա, ներկայումս նյութերն ուղարկվել են Լոռու մարզի դատախազություն: Մինչ նախապատրաստվում են նյութերը, գործընթացը վերահսկում է մարզի դատախազի տեղակալ Վահե Դոլմազյանը:
Պայմանագիրը չեն երկարաձգել
Պաշտպանության նախկին փոխնախարար Արտակ Զաքարյանն օրերս հայտնեց, որ Պետական կառավարման ակադեմիան չի ցանկացել երկարաձգել իր հետ համագործակցության աշխատանքային պայմանագիրը:
Զաքարյանը ակադեմիայում դասավանդել է 2003 թվականից: Սոցցանցերում նա գրել է, որ այդ որոշումը պատկանում է ոչ թե ակադեմիայի ղեկավարությանը, այլ վարչապետի աշխատակազմին: «Սրանց վախերը սարսափի են վերածվում։ Սարսափում են նաև լսարաններում ընդդիմադիր հայացքներով դասախոսներից»,- հայտարարել է նախկին փոխնախարարը:
Մեր կողմից հավելենք, որ Պետկառավարման ակադեմիան հիմնադրվել է հանրապետականների ծրագրով, դրա պատերի ներսում դասավանդել են հայ նշանավոր քաղաքական բազմաթիվ գործիչներ և դիվանագետներ: Քանի դեռ ՀՀԿ-ն իշխող ուժ էր, ակադեմիայի աշխատանքում որպես դասախոսներ ներգրավված էին ինչպես նախկին խորհրդային նոմենկլատուրայի ներկայացուցիչները, այնպես էլ Լևոն Տեր-Պետրոսյանի թիմին պատկանող մարդիկ։ Այսօր ակադեմիայից վտարում են քաղաքական հայացքների համար։ Ընդ որում կապիտուլյանտի ռեժիմը մեղադրում է երկրի նախկին ղեկավարությանը ժողովրդավարության դեմ գրոհի մեջ։ Տեղյակ չե՞ք, թե ինչու։
«Չե՞ն ցանկանում, որ շարունակեմ դասախոսել, ինչպես ժողովուրդն է ասում՝ ջհանդամին ցանկանան։ Աստված իրենց հետ։ Միևնույն է, պատժվելու են Հայրենիքը և պետական կառավարման համակարգը միտումնավոր կործանելու համար»,- գրել է պաշտպանության նախկին փոխնախարարը։ Բռնաճնշումները շարունակվում են…
ПОСЛЕДНИЕ ОТ АВТОРА
-
2025-06-13 09:37Все началось с Овика Агазаряна, которого легко можно было выдворить из ГД за разглашение секретных данных, которыми Пашинян поделился с фракцией большинства. Для этого вовсе не обязательно было самому Пашиняну сначала изучить содержание телефона Агазаряна, а потом сделать всеобщим достоянием детали его интимной переписки. Разглашение интимных подробностей не стихло даже в те дни, когда Агазарян хоронил жену.
-
2025-06-12 09:10"Я не планирую каким-либо образом участвовать в выборах, соревноваться со Злом, придавая, тем самым, ему легитимность! Невозможно представить дело так, будто ты и он можете конкурировать. Нет, Господь наш не так поступил со Злом. Он игнорировал его, не говорил с ним напрямую, ограничился тем, что прогнал. Нельзя соревноваться со Злом!", - заявил лидер движения "Тавуш во имя Родины" архиепископ Баграт Галстанян. В этой ссылке на Господа скрыт глубокий смысл. Выборы – это соревнование, дискуссия, споры, аргументы, доказательства, наконец, здоровая конкуренция. Очень важно, с кем ты вступаешь в этот процесс. Как говорится: скажи, кто твой соперник, и я скажу, кто ты!
-
2025-06-11 09:15Пашинян объявил о необходимости "безотлагательного" (здесь и сейчас!) ответа на вопрос: есть ли у Католикоса Всех Армян ребенок? Народ гораздо больше интересует вопрос: когда Пашинян вызволит из азербайджанского плена 23 армян, включая восьмерых представителей военно-политического руководства Республики Арцах?! А еще народ волнует вопрос прекращения обстрелов приграничных сел, а теперь еще и проблема похищения людей. Агитпроп режима уже запустил в обращение байку о том, что за обстрелами и похищением несовершеннолетних стоит Россия, а Пашинян, дескать, не виноват, он хочет мира. "Нарушившие обет целомудрия священники не могут продолжить духовную службу!", - решительно объявил Пашинян. Вопрос: а главарь правящей верхушки, который за 7 лет принес народу 4 войны, - может продолжить пребывание на посту премьер-министра? Пашинян "забыл", что обет безбрачья священники давали не ему, а Господу Богу…
-
2025-06-10 09:06В главном военном управлении СК в рамках расследования уголовного дела о сдаче Республики Арцах, должностной халатности, проявленной в ходе войны, и передаче противнику оружия и боеприпасов был допрошен командир известной военной части "Егникнер" полковник армии Обороны Арцаха герой Арцаха Карен Джалавян ("Кех"). Этот допрос имел место параллельно с перманентными допросами пятого президента Республики Арцах Самвела Шахраманяна. Его полномочия на этом посту истекли 21 мая.