2021-08-07 11:32
Информагентства
Դավիթն ու Նարեն չեն զիջում դիրքերը. էլ ո՞ր անուններ են նորաձև այս տարի
Վեցերորդ տարին անընդմեջ Հայաստանում ամենատարածված անունների վարկանիշը նորածինների շրջանում գլխավորում են Դավիթն ու Նարեն։ 2021 թվականի առաջին վեց ամիսների տվյալներն է ներկայացնում Ազգային վիճակագրական ծառայությունը։
Նշվում է, որ 2021 թվականի առաջին կիսամյակում երկրում 8 249 աղջիկ և 8 962 տղա է ծնվել։
Հունվարից հունիս ընկած ժամանակահատվածում 559 տղա ստացել է Դավիթ անունը, 337 աղջիկ` Նարե։ Ամենայն հավանականությամբ, տղաներին այդպես են կոչում «Սասունցի Դավիթ» էպոսի հերոսի պատվին։
«Տղայական» վարկանիշում երկրորդ հորիզոնականը զբաղեցնում է Նարեկ անունը, որով կոչել են 402 նորածնի։ Ի դեպ, հայերի շրջանում տարածված այս անունը երկրորդ հորիզոնականն է զբաղեցնում վեցերորդ տարին անընդմեջ։ Աղջիկների անունների վարկանիշում երկրորդ տեղում է Մարիան` այսպես են անվանակոչել 299 երեխայի։
Երրորդ հորիզոնականը զբաղեցնում են Մոնթե (308) և Արփի (267) անունները։ 2020 թվականին Մոնթեն վարկանիշի հինգերորդ հորիզոնականում էր, հիմա «բարելավել» է դիրքերը։
Չորրորդ տողում են Տիգրան (298) և Մանե (246) անունները։ Հինգերորդում` Արեգն (263) ու Անգելինան (242)։ Ի դեպ 2020 թվականի արդյունքներով` Անգելինան պատվավոր առաջին եռյակում էր, այս տարի այն մի փոքր «զիջել» է իր դիրքերը։
Վեցերորդ հորիզոնականում են Մարի (198) և Հայկ (254) անունները։ Յոթերորդ տեղում են` Եվան (177) և Մարկը (245), ութերորդում` Մարիամն (177) ու Միքայելը (191)։ Վարկանիշում իններորդ և տասներորդ հորիզոնականները կիսում են Անահիտ (159), Ալեքս (189), Սոֆի (153) և Արմեն (173) անունները։
Վարկանիշի 50 անունների թվում են նաև Էլիզա, Մոնիկա, Միլա, Արինա, Էմիլի, Ամելի, Լիկա, Արիանա, Ադրիանա, Էլինա, ինչպես նաև Դանիել, Լեո, Ալեքսանդր, Վան, Մաքս, Հենրի և մի շարք այլ անուններ։
Նշենք, որ 2021 թվականի հունվար–հունիսին ծնվածների թիվը 17 հազար 211 է։ Մահացածներինը` 16 627։ Առաջին կիսամյակի ընթացքում 8130 ընտանեկան միություն է կազմվել, 2002–ն էլ դիմել են ամուսնալուծության, տեղեկացնում է Sputnik Armenia-ն։
ПОСЛЕДНИЕ ОТ АВТОРА
-
New2025-06-07 11:10Федеральный апелляционный суд постановил, что президент США Дональд Трамп может не допускать журналистов в Овальный кабинет, на борт самолета Air Force One и другие «ограниченные помещения» на основании их редакционных решений, сообщает Bloomberg.
-
New2025-06-07 11:08Кандидатом в премьер-министры от бывшей правящей Республиканской партии Армении (РПА) в процессе импичмента Николу Пашиняну станет зампредседателя партии Армен Ашотян, пишет газета «Грапарак» со ссылкой на источники.
-
New2025-06-07 11:07Российский сенатор Александр Карелин надеется, что Армения и Россия смогут пережить неурядицы и жить в атмосфере добрососедства и взаимопонимания. Об этом он сказал Sputnik Армения в кулуарах 10-го армяно-российского межрегионального форума в Ереване.
-
New2025-06-07 11:05На прилавках магазинов в России доминирует местный товар, а также армянский коньяк и грузинский брэнди. Такие данные приводит SputnikLive по итогам анализа из открытых источников.