2021-08-11 14:18
Информагентства
Արծվիկ Մինասյան․ Սիմոնյանն իր լիազորությունները կատարում է մանկապարտեզի դաստիարակի պես (ՏԵՍԱՆՅՈՒԹ)
Խորհրդարանում ստեղծված իրավիճակում անհնար է աշխատանքային գործընթացը։ Այս մասին ասել է «Հայաստան» խմբակցության ներկայացուցիչ Արծվիկ Մինասյանը լրագրողների հետ զրույցում։
Հիշեցնենք, որ այսօր «Պատիվ ունեմ» խմբակցության պատգամավոր Աննա Մկրտչյանը հնչեցրել էր «կապիտուլյանտ Նիկոլ Փաշինյան» արտահայտությունը, ինչի պատճառով զրկվել էր խոսքի իրավունքից և դուրս հանվել նիստերի դահլիճից։ Հաջորդ ելույթների և ռեպլիկների ընթացքում դահլիճում բանը քիչ մնաց հասներ ծեծկռտուքի, ԱԺ նախագահ Ալեն Սիմոնյանը կանչեց պահապաններին և անջատեց եթերը։
Մինասյանի գնահատմամբ՝ Ալեն Սիմոնյանն իր լիազորությունները կատարում է մանկապարտեզի դաստիարակի պես։ «Նա կպատժվի, ինչպես և բոլոր նրանք, ովքեր փորձում են մեզ լռեցնել»,- խոստացել է Մինասյանը։
Պատիժների մասին հարցին ընդդիմադիր պատգամավորը պատասխանել է. թող միայն փորձեն։ «Մենք արդեն սկսել ենք իրավական գործընթացը։ Հավանաբար, նա վատ է տանում այն փաստը, որ ընդդիմությունը դիմել է ՍԴ՝ պահանջելով անվավեր ճանաչել ԱԺ նախագահի ընտրությունները։ Երկրորդ դիմումը կգնա, երրորդը։ Նրանք պետք է սովորեն, որ ընդդիմությունը օգտագործելու է իր ամբողջ գործիքակազմը։ Մենք հասկանում ենք, որ երկրի առջև բազմաթիվ խնդիրներ են կանգնած, բայց նման իրավիճակում անհնար է աշխատանքային գործընթացը, երբ սահմանափակվում է խոսքի ազատությունը, արտահայտվելու ազատությունը, երբ փորձում են լրագրողներին հեռու անկյուն մտցնել, ստիպել ընդդիմախոսներին լռել։ Չի ստացվի։ Կապիտուլյանտ, կապիտուլյացիա, հողատու՝ սրանք բոլորը քաղաքական գնահատականներ են, որոնք համապատասխան իրավապահ մարմիններում ներկայացված են որպես համապատասխան հանցագործություններ։ Խորհրդարանում քաղաքական գնահատականների հնչեցումը չի կարող որևէ կերպ սահմանափակվել»,- ընդգծել է Արծվիկ Մինասյանը՝ կարծիք հայտնելով, որ բանն այնտեղ կհասնի, որ իրավասու դատական մարմինները կընդունեն, որ «կապիտուլյանտ» բառը քաղաքական գնահատական է, և ոչ ոք իրավունք չունի սահմանափակել նրանց, ովքեր նման գնահատականներ են տալիս։ «Իրավական գործընթացն սկսված է, մի փոքր համբերություն, արդյունքը կլինի»,- ամփոփել է Մինասյանը, տեղեկացնում է News.am-ը։
ПОСЛЕДНИЕ ОТ АВТОРА
-
New2025-06-06 12:20Двое несовершеннолетних жителей Сюникской области заблудились и оказались на территории Азербайджана. Об этом сообщает Служба нацбезопасности Армении.
-
New2025-06-06 12:03Разоблачена очередная азербайджанская ложная манипуляция. Об этом сообщила председатель постоянной комиссии по защите прав человека и общественным вопросам Национального Собрания Республики Армения, полномочия которой были прекращены незаконно, беспартийный депутат Тагуи Товмасян.
-
New2025-06-06 11:56Спикер Совета Федерации Валентина Матвиенко рада возобновлению политического диалога двух стран на парламентском уровне. Об этом она сказала в ходе двусторонней встречи с главой Нацсобрания Армении Аленом Симоняном.
-
New2025-06-06 11:53Президент США Дональд Трамп мог потерять за день свыше одного миллиарда долларов из-за ссоры с американским предпринимателем Илоном Маском, при этом котировки акций компании Маска Tesla на открытии торгов на Уолл-стрит в четверг рухнули почти на 14%, сообщает портал Axios.